1 Samuele 10:27 - Bibilia Buk na Ŋun nagon koti luŋu a

²⁷ Ama a kulye ŋutu logon a mokon kulyani adi, Lo ŋuto bubulö lwöggu yi ada? A se lauŋdye lepeŋ a tine jakiŋdya nye ’dokesi. Ama a nye yiŋani taliŋ.

1 Samuele 10:27 ပူးပေါင်းရင်းမြစ်များ

2 Samuele 20:1

A lele ŋuto mök gwe nyu karin kanyit a Seba, ŋuro lo Bikiri Benyaminatyo; a lepeŋ kuddye tore adi, Kulya kaŋ ’bayin ko Dawidi, yi ’bak lomore i ŋuro lo Yisai;ta ŋutu liŋ ti Yisaraele, yitöni ta kasu i midijik!

2 Samuele 8:2

A Dawidi te ’yi ŋutu ti Moaba, a tiŋdi se i peron kak, a tembi se ko pata; a lepeŋ temuŋdye kikolin murek logon tatatua ko kiko geleŋ ’bukuluŋ logon pipitoki. A ŋutu ti Moaba gwe a ’dupi ti Dawidi a ’bukokiŋdye lepeŋ usur.

1 Moran 10:25

A se liŋ geleŋ geleŋ joŋdi ’dokesi kase gwoso temet nase temba i kipajin, gwoso toro ’bo logon a pödö, ko a dakaŋ, ko boŋgwat, ko mur, ko welesi na momon ’bura, ko kusanjin, ko kaineki.

1 Moran 4:21

A Solomona gwe a kasaranit i tumatyanjin liŋ suluja i kare Perat tojo ko jur lo Pelesete ko tojo ko koret lo Ejipeto; a se joŋdi ’dokesi a kitakin-dye Solomona i perok liŋ ti gwiliŋit nanyit.

1 Moran 5:1

A Kiram mor lo Turo ko yiŋge adi ŋutu aje welakiŋdya Solomona a mor i pirit na monye lonyit nu, a lepeŋ soŋdi kölipönök kanyit ko Solomona yu, kogwon Kiram ’beron nyanyar Dawidi.

2 Dekat 13:7

a kulye ŋutu kamönyök momori ko lepeŋ yu a kwekiŋdye Rabama ŋuro lo Solomona kido, i nu diŋit na gwoŋdi Rabama a ŋuro lo’dit logon ti den kulya ’bura nu, a nye tine bulo te ’ya lepeŋat.

2 Dekat 17:5

Nyenagon a MATAT togwi’dikiŋdye tumatyan ko lepeŋ i könin, a ŋutu liŋ ti Yuda jakiŋdye Yosapata ’dokesi, a nye gwe ko tukworien a duma ko a bula.

Saumajin 38:13

Ama nan gwon gwoso ŋuto miŋe, nan ti yiŋga, nan gwon gwoso ŋuto mumut logon ti ŋaju kutuk nanyit.

Saumajin 72:10

Ti moran ti Tarasisa ko ti tikö-nyö ti ’buŋge usur, ti moran ti Seba ko ti Saba ti wukindye ’dokesi!

Katokuönit 7:21

Ko yiŋga kulya liŋ nagon ŋutu jajam kune, an do yiŋ köliŋönit ilot i lömbu na do;

Yisaya 36:21

Ama a se yiŋani taliŋ a se gwe a ko wat Rabasake ma ’di ko kulyaet geleŋ to, kogwon mor a saŋu adi, An ta ko nyoŋ ta lepeŋ.

Matayo 2:11

a se lupöni kadi, a meddi lupudi lo se ko Maria ŋote nanyit. A se dulakine kak ko komorsikan a twoji lepeŋ, a se ŋaji tukworien nase, a ’doggi lepeŋ ko ’dokesi nagon a dakap, ko bökur, ko mur.

Konesi 7:35

Ŋilo Mose a nye logon ŋutu ti Yisaraele aje renyari lo adi, Ŋa lo tiŋdu do a kasaranit ko a ka ’duŋönit lo kulya kaŋ? Ŋun a yökijö lepeŋ a kasaranit ko a kalwokönit, ko paret na malaikatat logon a pukökin kanyit i rudu lo tutule lo.

Nyökit 13:13

adi kulye ŋutu logon a logon aje tu kaŋo kasu kiden, ko a lulukaddu ŋutu ti nu köji nase adi, Ti yi iti ta i kitakiŋdya na kulye Ŋunyen logon ta a ko den,

1 Samuele 11:12

A kirut ŋutu kulo pije Samuele adi, Ko ŋa lo kulya adi, Saula bubulö gwon a kasaranit likaŋ le? Taki ta yi kilo ŋutu anyen yi tatatu lepeŋat.

1 Samuele 11:13

Ama a Saula kulyani adi, ŋuto lele ’bayin logon tatatua i lo lor, kogwon MATAT aje teteŋdya lwökit i Yisaraele i lo lor.

1 Samuele 16:20

A Yisai ’dumuŋdye kaine, a sopakiŋdye ambatajin ko jurak gober lo binyo, ko kilolor, a sunyukiŋdye Saula kine ŋo ko ŋuro lonyit Dawidi i könin.

1 Samuele 2:12

A ŋwajik ti Eli wöröni abur; a se tine twöju MATAT.

1 Samuele 25:17

Nyenagon soŋinana ti do dene den kine kulya, ko ti do yeyeji yeyeju ko do de koŋdya nyo; kogwon kulu ŋutu de kökonakin monye likaŋ nene ŋo naron ko mede nanyit liŋ, ama lepeŋ a lele ŋuto logon; lele ŋuto ti jukin jambu ko nye.