1 Samuele 10:16 - Bibilia Buk na Ŋun nagon koti luŋu a

¹⁶ A Saula kulyani ko luŋaser monye adi, Lepeŋ a takin yi köke adi, Kaineki kune aje rye. Ama Saula a ko nyönyökö-kin lepeŋ kulya ti tumatyan nanyit nagon Samuele a jamakin nye kunu.

1 Samuele 10:16 ပူးပေါင်းရင်းမြစ်များ

Yuörö 4:18

A Mose yitöni ko Yetero ŋogwo lonyit yu, a mo ’yi lepeŋ adi, Böŋö kölörö nan anyen nan yitö ko luŋasirik kwe lo gwon Ejipeto yu kulu, i meddya ko se kulu nyuŋ gwon jörun. A Yetero waddi Mose adi, Iti ’bura.

Tolupesi 12:23

Ŋuto lokoŋ muggö dendya nanyit, ama a töilyet ti ŋutu lu ’böŋ laŋe tu ’böŋön nase.

Tolupesi 29:11

Ŋuto lu ’böŋ tutuŋun woran nanyit kago lio, ama ŋuto lokoŋ toligga woran nanyit.

Katokuönit 3:7

diŋit kerenyet kata, ko diŋit ripet kata; diŋit nagon yiparikin taliŋ kata, ko diŋit jamet kata;

Ka’duŋök 14:6

a Mulökötyo lo MATAT poki ko lepeŋ ko riŋit duma, a nye gigiŋdye lepeŋ gwoso ŋuto lo gigiŋdya kilolor; ki ’doŋ nye ’bak nene ŋo kanyit i könin. Ama a nye gwe a ko tukökin monye ko ŋote ŋo nagon nye aje kon na

Ka’duŋök 14:9

A nye ’dutukiŋdye siwatat kanyit i könin, a iti tu ko nyönyööddu i tu nanyit. A nye ’duröki ko monye ko ŋote yu, a tiŋdi se nene, a lepeŋat nyesi nyesu. Ama lepeŋ a ko takin se adi nye a ’dutuŋdyö ŋina siwatat ko kömiru i mugun.

1 Samuele 10:15

A luŋaser monye kulyani adi, Boŋo nyönyököki nan ŋo nagon Samuele aje takin ta kine.

1 Samuele 9:20

An do ko nyuŋ yeyeju kulya ti kaineki kunok nagon a likin i perok mu-sala lo tu, kogwon se aje rye. Nyenagon a ŋa mo lo wuji ŋo liŋ na ’but ti Yisaraele? Se a ko tetenaki do se ko kadi na munyi liŋ le?

1 Samuele 9:27

A nagon se lulurara kak i mere tojo ko ’dutet na köji nu, a Samuele kulyani ko Saula adi, Taki ŋilo kölipönit ilot anyen lwopoddu kayaŋ ŋerot, a ko lepeŋ aje lwopoddu, a do ko mugun inot gwo ’de gwo ’dan diŋit a na ’dit anyen nan bubulö takiŋdya do kulyaet lo Ŋun.