1 Samuele 10:11 - Bibilia Buk na Ŋun nagon koti luŋu a

¹¹ A gwe sona, a ŋutu liŋ logon deden lepeŋ ’beron kulo ko meddi nye i keju ko nebijin i pirit na geleŋ, a se totopine ko ’börik adi, Ŋo a nyo nagon a pokin ko ŋuro lo Kisi? Saula köti a lele lo nebijin le?

1 Samuele 10:11 ပူးပေါင်းရင်းမြစ်များ

Amosa 7:14

A kirut Amosa waddi Amajia adi, Nan ’bayin a nebi, kode a ŋuro lo nebi, ama nan a kayukunit lo yidin, ko a kametanit lo kaden ki ’biet,

Amosa 7:15

a MATAT iŋge ’dumun nan kaŋo i yuggu na yidin, a MATAT kulyani ko nan adi ti nan iti i kikiŋdyo na ŋutu kanyit Yisaraele kulya.

Yoane 7:15

a Yudayaki söŋi soŋu parik, a pije adi, Lo ŋuto deŋdya kulya jore ada a ko todinö na?

Konesi 3:10

a se iŋge gwulu adi lepeŋ a kaŋoŋolianit lo sisi ’datu i kötumit na luŋu a Nakwekwelen na mariŋ na Kadi na Ŋun na, a töilyet kase iŋge rusukö a se soŋi soŋu i po na konaki lepeŋ na.

Konesi 4:13

Nyena a se ko meddi topurwan nase Petero ko Yoane, ko a den adi lepeŋat a ŋutu logon a ko todinö ko ti den kulya nu, a se iŋge söŋu; a kirut se iŋge kurun adi lepeŋat köju gwon ko Yesu i pirit na geleŋ.

Konesi 9:21

A ŋutu lio lo yiŋga lepeŋ kulo iŋge soŋu, a pije adi, Ŋilo ’bayin a ŋuto logon yöŋö tukaŋu ŋutu liŋ lo ’diŋdya kine karin i kwakwaddu Yerusalema yu lo le? Lepeŋ ŋona ti po ni ko ŋina yeyeet anyen ko momorga lepeŋat, a joŋgi se a rereka ko koanejin temejik yu le?

1 Samuele 19:24

A nye köti rusuŋdye boŋgwat kanyit kune kaŋo, a nye köti keŋ keju ko Samuele i komor, a nye ’dorone kak a limu kana i ŋilu tuparan ko i ŋilu tukwaje liŋ. Ko ŋina kwe a ŋutu pije adi. Saula köti a lele lo nebijin le?