1 Samuele 10:1 - Bibilia Buk na Ŋun nagon koti luŋu a

¹ A Samuele ’dumuŋdye lulur lo welet a ’bukokiŋdye ko Saula i kwe, a ’biuŋdye lepeŋ, a kulyani adi, MATAT a welakin do i gwon a kanyomo-nit lo ŋutu kanyit Yisaraele. A do mo tumatyane ko ŋutu ti MATAT, a mo lwokuŋdye se i könisi ti merok kase lo dioŋ ko se kulo. A ŋina mo gwe a kweyet konut adi MATAT aje welakiŋdya do a mor lo ŋutu kanyit lomoriot.

1 Samuele 10:1 ပူးပေါင်းရင်းမြစ်များ

2 Samuele 1:14

A Dawidi pipije lepeŋ adi, Ada lolor nagon do ti kujönö ’bulukiŋdyo könin ilot i tatuja na ŋuto logon MATAT a welakin a mor lo?

2 Samuele 19:39

A kirut ŋutu liŋ laŋaddi i nu pele na Yardene, a mor laŋaddi laŋaddu köti; a mor ’biyuŋdye Barujilai, a ’boroji lepeŋ, a Barujilai yitöni kanyit mede.

2 Samuele 20:19

Nan a nene nase nagon sisi ’da ko taliŋ ko a katwöyönit i Yisaraele; do ga ’yu köŋu köji nagon a nene ŋote na Yisaraele; nyo nagon do yöŋö tutuŋgö lomore na MATAT?

2 Samuele 5:2

I diŋitan na lwoŋgu nagon Saula lo gwon a mor likaŋ nu, do köju lo nyömbu ŋutu ti Yisaraele i gor ko i nyököddu bot; a MATAT iŋge kulya ko do adi, Do mo lo gwon a kayukunit lo ŋutu kwe Yisaraele, a do mo gwe a kanyömönit lose.

1 Moran 1:34

ko ti koane Sadok ko nebi Natana welakiŋdye lepeŋ nyu a mor lo Yisaraele; a kirut ta kuddye tore, a kulyani adi, Ti mor Solomona si ’dani ŋupi!

1 Moran 19:18

Ama nan mo kökölökin mugun ŋutu aliŋan buryo ti Yisaraele, kweja adi ŋutu liŋ logon a ko rugwuŋö ko Bala i komor logon kutusen kase a ko ’biyuŋdya lepeŋ i twöju na lepeŋ kilo.

2 Moran 20:5

Yitöni bot, ko taki Kijikia kasaranit lo ŋutu kwe adi, Nan MATAT Ŋun lo Dawidi merenye ilot lo kulya sena adi, Nan aje yiŋ momolesi kunök, ko nan aje met politan kunök; mete, nan de totoke do; a i perok musala a do mo iti i kadi na MATAT.

2 Moran 9:1

A nebi Elisa luŋgi lele lo teŋ ŋa nebijin a kulyani ko lepeŋ adi, Ruŋge boŋgo inot a do toŋi toŋa, ko ’dumuŋdye ŋilo lulur lo welet, ko iti Ramot-gilada.

2 Moran 9:12

A se kulyani adi, Do a ’burönit; tuköki yi. A nye kulyani adi, Lepeŋ a jamakiŋdya nan kulya gwoso kine adi, MATAT lo kulya sona adi, Nan a welakiŋdya do a mor lo Yisaraele.

Saumajin 135:4

Kogwon MATAT a wulundyö kötumit na Yakobo a nanyit tuŋ, iye, nye a wulundyö kotumit na Yisaraele a lomore nanyit.

Saumajin 2:12

dulakine ta kak kanyit i komor an nye ko woran, a ta ’bunyokine ko twan; kogwon woran nanyit tutulundyo kaŋo ’de ’de. ŋutu liŋ logon wokon ko lepeŋ yu i ’dana kulo a kalyoŋok!

Saumajin 78:71

a nye joŋgi lepeŋ i meyaddu na köbilu nagon nönökö, anyen yuggu ŋutu kanyit ti Yakobo, kweja adi i yuggu na ŋutu ti Yisaraele logon a lomoriot kanyit.

Yuörö 30:23

’Dumuŋdye kwakwa ti kaden na ’but parik na mon paleleŋ, kweja adi mur nawin nagon temuŋdya a sekelejin miajin mukanat, a do temuŋdye girpat na mon paleleŋ nagon a swöt na temet na mur, kweja adi a sekelejin miajin murek ko merya mukanat, ko döru lo mon paleleŋ logon temuŋdya a sekelejin miajin murek ko merya mukanat,

Yeremia 10:16

Ŋun logon a lomore logon a koraki Yakobo lo ’bayin gwoso kilo nyömuejin, kogwon lepeŋ lo gweja ŋo liŋ, a Yisaraele gwe a kötumit nanyit lomore, karin kanyit a MATAT lo kurumi.

Ejikele 16:13

Nyena do a tokwelenyo ko dakap ko pödö, a boŋgwat kunök gwe a ti waratat naparere na gwörö go, ko a kaririat, ko a boŋgo na ripaki tokwelenyesi, a do nyesi ’bolot na jio a nalilinok, ko siwatat se ko welet. A do iŋge ’duŋo a nakwe-kwelen parik, a iŋge wora a mor.

Osea 13:2

Soŋinana a se kölumbö toroŋdi toroŋdya bia parik, a se tetenakiŋdye ’borik nyömuejin lo ninitö, Lepeŋat a niddyö pödö nase a nyömuejin lo kwakwasa, kine ŋo liŋ a kita na bodwat. A se jambi i kulya kase adi, Ti ŋutu lo ’duŋgö rubaŋgajin ti se ’biuŋdye kaja nagon a nyömuejin.

Konesi 13:21

A kirut lepeŋat piyuŋdye mor, a Ŋun tiŋdi se Saula ŋuro lo Kisi ŋuto lo kötumit na Benyamina, a nye iŋge saŋu ko kiŋajin merya iŋwan.

Nyökit 32:9

Kogwon ŋutu ti MATAT gwon a koret nanyit lomore, iŋkoi kötumit na Yakobo gwon a jur lonyit lomore.

1 Tesalonike 5:26

Rome ta ko luŋasirik liŋ lo yubbo kilo ko ’bi ’biyet nake.

Ebere 2:10

Ŋun a kagweyanit lo ŋo luŋ, ŋo liŋ gwon jörun kogwon lepeŋ. Lepeŋ ’de ’dekan joŋdya ŋwajik kanyit jore i minyo lonyit, nyena a gwe a na ’but ko lepeŋ i tiŋdu na ka ’dolanit lo lwökö nase i gwon jojo gwak kogwon ŋoŋesi na ŋoŋgi nye kune.

Kweyatti 5:8

A na ’dumaddi ŋilo Kilolor ŋina waraga nu, a kilo ŋo iŋwan lo gwon jorun se ko kilo temejik merya murek wot iŋwan ’do’done kak rupu kanyit i komor. A se liŋ geleŋ geleŋ gwe ko tomon ko kalabajin nagon a dakap a jore ko bökur. Kilo bökur a kwakwasesi ti ŋutu ti Ŋun.

1 Samuele 12:3

Nan malo; tokuruki-ŋdye ta kulya kwe ko MATAT i komor, ko i komor na lo ŋuto logon nye a wela-kin a mor lo. Nan ŋona a riŋuŋdya dwot liŋ a? Kode nan ŋona a pisuŋdya kaine niŋa? Kode nan ŋona a mumulugga ŋa? Nan ŋona a ru ’ya ŋa? Kode nan ŋona a ’dumuŋdya ropet ko ŋa i könin anyen ’daŋ konyen kwe ko se? Nan de nyönyokökin ta.

1 Samuele 13:14

Ama soŋinana tumatyan inot tine yeŋon; MATAT aje galuŋdya kaŋo ŋuto logon töili lonyit a ’deggi lo, MATAT aje wulökiŋdyö lepeŋ a kasaranit lo ŋutu kanyit, kogwon do a ko ’debba ŋo nagon MATAT a sarakin do kine.

1 Samuele 15:1

A Samuele kulyani ko Saula adi, MATAT lo sunyuŋdyö nan i welakiŋdya na do a mor lo ŋutu kanyit Yisaraele; nyenagon yiŋge kulyaesi ti MATAT.

1 Samuele 15:17

A Samuele kulyani adi, Ma ’di nagon do memet mugun a lo ’dit, do ti gwon a kwe na kötumitön ti Yisaraele le? MATAT aje welakiŋdya do a mor lo Yisaraele.

1 Samuele 16:1

A MATAT kulyani ko Samuele adi, Diŋit ŋoman nagon do delyari Saula, kogwon nan a renya lepeŋ i gwon a mor lo Yisaraele na le? Tojorone uŋguri ilot ko welet ko ba-raddi lepeŋ; a nan de sonyoddi do ko Yisai yu ŋuto lo Beteleme, kogwon nan aje wulökiŋdyö mugun mor i kiden na ŋwajik kanyit.

1 Samuele 16:13

A kirut Samuele ’dumuŋdye uŋguri lo welet, a welakiŋdye lepeŋ a mor i kiden na luŋasirik; a Mulökötyo lo MATAT poki to Dawidi i mugun ko riŋit a duma suluja i ŋilu lor tojo ko ŋerot. A Samuele ŋine ŋien, a iti Rama.

1 Samuele 2:10

Merok ti MATAT mo totorea asut; a nye mo peji se ko kipya lo ki. A MATAT mo ’duŋge putet lo ’dute-si ti kak; a nye mo togo ’yi mor lonyit, a töduma ’yi riŋit na ŋuto lonyit lo welaki a mor lo.

1 Samuele 24:6

A nye kulyani ko ŋutu kanyit kulo adi, Agu ti MATAT teŋgi nan i konakiŋdya na duma liŋ logon MATAT a welakin a mor lo nene ŋo gwoso ŋina, an nan ’bo ’yu lepeŋ, kogwon ŋilo a ŋuto logon MATAT a welakin a mor.

1 Samuele 26:11

Ti MATAT teŋgi nan an nan ’bulukiŋdyö könin liŋ ko ŋuto logon MATAT a welakin a mor lo; ama böŋö joŋgi gor nagon a rimiki kak nyona ko kwe nanyit ŋina, ko kere lo pioŋ, ko ti yi iti tu.

1 Samuele 26:9

Ama a Dawidi kulyani ko Abisai adi, An do ko tukaŋu lepeŋ; kogwon ŋa logon bubulö ’bulukiŋdyo könin ko ŋuto logon MATAT a welakin a mor lo a gwe ’bak toron?

1 Samuele 8:19

Ama a ŋutu tine ’bön yiŋga gworo lo Samuele; a se kulyani adi, ’Bayin, ama yi yöŋö mor logon saŋu yi,

1 Samuele 8:9

Nyenagon yiŋge gworo lose; tuŋ a do de kukuji se, a kwekiŋdye se gwiliŋit lo mor ko gwon ada logon mo tutumatyan ko se lo.

1 Samuele 9:16

Ko ’bure gwoso i na saa nan de susunyukin do ŋuto i jur lo Benyamina, a do de welakiŋdye lepeŋ a kanyömönit lo ŋutu kwe Yisaraele. A lepeŋ de lwökuŋdye ŋutu kwe i könisi ti ŋutu ti Pelesete; kogwon nan aje met yöyöŋesi ti ŋutu kwe kogwon gwien nase aje ’durökin köyö.

1 Samuele 9:27

A nagon se lulurara kak i mere tojo ko ’dutet na köji nu, a Samuele kulyani ko Saula adi, Taki ŋilo kölipönit ilot anyen lwopoddu kayaŋ ŋerot, a ko lepeŋ aje lwopoddu, a do ko mugun inot gwo ’de gwo ’dan diŋit a na ’dit anyen nan bubulö takiŋdya do kulyaet lo Ŋun.