1 Samuele 1:26 - Bibilia Buk na Ŋun nagon koti luŋu a

²⁶ A Ana kulyani adi, Pon duma liŋ! ’Diri ’diri gwoso na gwoŋdi do na pon duma liŋ, nan a ŋuto nagon köju gwo ’dan ni konut i komor i kwakwaddu na MATAT na.

1 Samuele 1:26 ပူးပေါင်းရင်းမြစ်များ

Suluet 42:15

Nan de tetem ta sona adi, ko luŋaser losu lo ’dutet lu ködyö a ko ’dur ni, ’diri ’diri gwoso na gwoŋdi Paro na, ta mo ti ŋiörö kaŋo i na pirit.

2 Samuele 11:11

A Uriya nyobbi Dawidi adi, Saŋduk na ŋun ko ŋutu ti Yisaraele ko ti Yuda doto i murugujin; a duma liŋ Yöaba ko köliŋönök kanyit ’beggu mera mu ’diŋ; nyena ada lolor nagon nan tu köyö mede i nyesu ko i möju ko i doto ko narakwan nio? ’Diri gwak, gwoso na gwoŋdi do na, ko gwoso na gwoŋdi ködudwö inot na, nan ti bulö koŋdya ŋina ŋo.

2 Samuele 14:19

A mor pipije adi, Könin lo Yöaba kata i kine kulya kunök liŋ le? A ŋuto na nyobbi adi, ’Diri gwak gwoso na gwoŋdi do pon mor duma liŋ na, ŋuto ti bulö girara i könin lutaten kode i kadoŋe i nene ŋo nagon mor duma liŋ aje kulyari kine. ’Diri gwon a köliŋönit ilot Yöaba logon a saŋu nan; a nye aje takiŋdya nan köliŋönit inot i jambu na kilo kulyaesi liŋ.

2 Moran 2:2

A Eliya kulyani ko Elisa adi, Möŋdi ni boŋo, kogwon MATAT a soŋdu nan teŋ ko Betele. Ama a Elisa kulyani adi, ’Diri gwak gwoso na gwoŋdi MATAT na, ko gwoso na gwoŋdi do ko mugun inot ŋina, nan ti kölökin do asut. Nyena a se dudulara tojo ko Betele.

2 Moran 2:4

A Eliya kulyani ko lepeŋ adi, Elisa, mordi ni böno; kogwon MATAT a soŋdu nan tojo ko Yeriko. A Elisa waddi adi, ’Diri gwak gwoso na gwoŋdi MATAT na, ko gwoso na gwoŋdi do ko mugun inot ŋina, nan ti kolokin do asut. A se ’dure Yeriko.

2 Moran 2:6

A Eliya kulyani ko Elisa adi, Möŋdi ni boŋo, kogwon MATAT a soŋdu nan tojo ko Yardene. Ama a Elisa waddi adi, ’Diri gwak gwoso na gwoŋdi MATAT na, ko gwoso na gwoŋdi do ko mugun inot ŋina, nan ti kölökin do asut. A se murek liŋ iti ŋerot.

2 Moran 4:30

A ŋote ŋuro kulyani adi, ’Diri Wak gwoso na gwoŋdi MATAT na, ko gwoso na gwoŋdi do ko mugun inot na, nan ti kölökin do. A Elisa pine ŋien a kepoddi lepeŋ.

1 Dekat 4:10

A Yabesa momo ’yi Ŋun lo Yisaraele adi, Boŋö ti do ’borone nan, ko paki nan pirit nagon a nagalaŋ, ko ti könin ilot gwe koyö i gaju na nan i kulya narok, an nene ŋo tomijo nan. A ŋun uŋgö ŋutu kin lepeŋ ŋo na pi nye kune.

1 Samuele 17:55

A nagon Saula ko meddi Dawidi i tu ŋerot i mörö ko Pelesetetyo lo nu, a nye pije Abiner duma lo. kamörök adi, Abiner, ŋilo titinti a ŋuro liŋ a? A Abiner renyani adi, Pon mor, ’diri gwak gwoso na gwoŋdi do na, nan ti den.

1 Samuele 20:3

Ama a Dawidi renyani renya adi, Munyi a den ’bura adi, nan a ryeju ’busan konut i komor; a lepeŋ yeyeji adi, Ti Yonatana gwe ti den kune kulya, an ko delya. Ama ’diri gwak gwoso na gwoŋdi MATAT, ko gwoso na gwoŋdi do na, tuŋ nan pituŋdye a na ’dit i kutuk na dili.

1 Samuele 25:26

Nyenagon pon duma liŋ, ’diri gwak gwoso na gwoŋdi MATAT na, ko gwoso na gwoŋdi do na, ti merok kulök ko kilo logon ga ’yu konakiŋdya do duma liŋ arabat kilo, ti se gwe gwoso Nabala, kogwon MATAT aje göja do i ’buköddu na rima, ko i ropakiŋdya na toron ko könin ilot.