1 Samuele 1:24 - Bibilia Buk na Ŋun nagon koti luŋu a

²⁴ A nagon ŋuro aje kö ’yu nöggu nu, a ŋote joŋgi lepeŋ se ko dwöt lo kiŋajin musala ko epa gepeŋ ŋa ’bolot, ko jurak lo binyo; a nye joŋdi Samuele Silo ko MATAT kadi; a ŋuro lu nyuŋ gwon a lo ’dit.

1 Samuele 1:24 ပူးပေါင်းရင်းမြစ်များ

Suluet 21:8

A ŋilo ŋuro ’duŋe ’duŋö, a kölökiŋdye nöggu; a Abarayama teteŋdi rorwe duma i lor lo kö ’yi Yisaka nöggu lu.

1 Moran 11:20

A kiaser Takapenesa ta ’dukiŋdye lepeŋ ŋuro lonyit Genubat, a Takapenesa teŋgi lepeŋ i nöggu na gwoŋdi se ko Paro i ’baŋ nu; a Genubat gwe ko Paro i ’baŋ ko ŋwajik ti Paro i pirit na geleŋ.

Matayo 13:33

A Yesu koti jamakiŋdye se lele lilim adi, Tumatyan na Ki gwon gwoso kape logon nene ŋuto a ’dumun, a polakiŋdye i pelela musala ti lojiet lo wi ’di tojo liŋ a yu.

Nyökit 12:11

a mo gwe sona adi, ta ködyö joŋga ŋo liŋ nagoŋ nan a saŋi ta tojo ko nu pirit nagoŋ MATAT Ŋun losu mo wuwulun i tiŋdu na karin kanyit i gwolor yu nu; kweja adi ta ködyö joŋga rubaŋgajin kasu lo ’yu ’yura ’buluŋ, ko rubaŋgajin kasu, ko topuökisi kasu, ko ’dokesi kasu nagoŋ ta a wukin, ko ’dokesi kasu liŋ ti milye nagoŋ ta a milyekin tiŋdu MATAT kune.

Nyökit 16:16

Ti ŋutu lyan kasu liŋ kwekiŋdye ’börik ko MATAT Ŋun losu i komor daŋin musala temba i kiŋa i nu pirit nagoŋ nye mo wuwulun nu; kweja adi i rorwe lo ambata nagoŋ ’bak kape, i rorwe lo jimalan, ko i rorwe lo murugujin. A se ködyö tine po ko MATAT i komor ko könisi kana;

Yosua 18:1

A momoret ’bukuluŋ na ŋutu ti Yisaraele pepenuŋdye Silo, a ’bikikiŋdye kemia torumet nyu; a jur liŋ iŋge tela kase i komor.