1 Samuele 1:22 - Bibilia Buk na Ŋun nagon koti luŋu a

²² Ama a Ana gwe a ko tu, kogwon lepeŋ a kulya ko lalet adi, I diŋit nagon ko ŋuro lo a kö ’yu nöggu, a nan mo joŋgi lepeŋ i meta ko MATAT i komor anyen gwolor nyu asut.

1 Samuele 1:22 ပူးပေါင်းရင်းမြစ်များ

Saumajin 110:4

MATAT a milyeju, nye mo ti löpuggö i yeyeet nanyit, kulya adi, Do a koane lo yeŋ nyin logon tokoaŋan inot gwon jojo ko na Melekisedek.

Saumajin 23:6

’Diri ’busan ko yatet mo keŋoddu nan perok liŋ lo gwolorgi nan; a kirut nan mo si ’dani ko MATAT kadi ŋupi ŋupi.

Saumajin 27:4

Nan a mo ’yu ŋo geleŋ ko MATAT, nan ga ’yu ŋina ŋo; anyen nan bubulö gwon ko MATAT kadi perok liŋ ti gwiliŋit nio, i meddya na kwelen na MATAT, ko i ga ’yu na lepeŋ kanyit kadi.

Yuörö 21:6

a kirut duma lonyit ködyö joŋdi lepeŋ ko Ŋun ni, a joŋdi lepeŋ i kötumit, kode i kaden ti kötumit; a ti duma lonyit tu ’ye swöt lo ŋilo ’dupiet ko witi tulet; a ’dupiet mo kitakiŋdye duma lonyit ŋupi ŋupi.

Yisaya 9:7

A ŋdi na tumatyan nanyit ko na taliŋ mo tine ’duddyö kwöŋ, i si ’daet na Dawidi, ko i loki na tumatyan nanyit, i togwo ’ya na lepeŋ go ko i tökökiŋdyö na lepeŋ ki ko ’duŋgö gwogwo ko löti lo rigwo, suluja i na diŋit tojo ko ŋupi ŋupi. Nyena a pusök na MATAT lo kurumi mo na koŋdi kine kulya.

Lewi 25:23

A kak ködyö tine tugwörö asut, kogwon kak a nio; kogwon ta po nyin a lwaka ko a ŋutu logon si ’da köyö ni a lepelok.

Luka 2:22

A nagon diŋit nase Yosepa ko Maria tokelet aje temakiŋdya, gwoso i Saret lo Mose nu, a se joŋgi lupudi Yerusalema anyen wukiŋdya lepeŋ ko MATAT i komor,

Nyökit 16:16

Ti ŋutu lyan kasu liŋ kwekiŋdye ’börik ko MATAT Ŋun losu i komor daŋin musala temba i kiŋa i nu pirit nagoŋ nye mo wuwulun nu; kweja adi i rorwe lo ambata nagoŋ ’bak kape, i rorwe lo jimalan, ko i rorwe lo murugujin. A se ködyö tine po ko MATAT i komor ko könisi kana;

Yosua 4:7

Nyena a ta mo waddi se adi, Kogwon ’dokon na kare Yardene a goko ko saŋduk na tomoret na MATAT i komor na laŋgi lepeŋ Yardene nu, a kare Yardene iŋge goko. A kine ŋurupö mo gwe a toyeyeet i ŋutu ti Yisaraele ŋupi.

1 Samuele 1:11

A nye milyeji milyeju adi, Pon MATAT lo kurumi, ko do agu lolor a meddya na delya na na ’dupiet inot, a do yeyene nan, a ti do gwe ti böŋöri nan kölipönit inot, a ko do ködyö a tiŋdu ’dupiet inot ŋuro lulalet, a nan mo tiŋdi lepeŋ konut pon MATAT, i perok liŋ ti gwiliŋit nanyit, a kwe nanyit mo tine ’barinu.

1 Samuele 1:28

Nyenagon nan aje tiŋdu lepeŋ ko MATAT; nye aje tiki MATAT temba i gwon nanyit jörun. A se kwakwaddi MATAT nyu.

1 Samuele 13:13

A Samuele kulyani ko Saula adi, Do a koŋdya gwoso mök; do a ko ’debba saret lo MATAT Ŋun ilot logon nye a sarakin do ŋilo; kogwon soŋinana MATAT ködyö aje togwi ’dikiŋdya tuma-tyan inot i Yisaraele ŋupi.

1 Samuele 2:11

A Elekana yitöni Rama kanyit mede. A ŋuro lo kitakiŋdye MATAT ko koane Eli i komor.

1 Samuele 2:18

A Samuele kitani ko MATAT i komor, a ŋilo ŋuro iŋge pitakiŋdya kanyit i mukök boŋgo na waratat naparere na luŋu a epoda.

1 Samuele 28:2

A Dawidi waddi Akisa adi, A na ’but, do de deden ko nan köliŋönit ilot de kokoŋdya nyo. A Akisa kulyani ko Dawidi adi, A na ’but, nan titin do i gwon a katiyunit liŋ ŋupi.

1 Samuele 3:1

A lo ŋuro Samuele kitakiŋdye MATAT ko Eli i komor. A i kilu perok a MATAT tine jambu ko ŋutu parik kode kwekiŋdya ko se daŋin jore.