1 Samuele 1:18 - Bibilia Buk na Ŋun nagon koti luŋu a

¹⁸ A Ana kulyani adi, Ti nan böŋö ryeji ’busan gwoso nagon do a meddi na. A ŋuto na iti tu, a nyesi nyesu, a komor nanyit tine meta ko delya köti.

1 Samuele 1:18 ပူးပေါင်းရင်းမြစ်များ

Suluet 32:5

a nan gwe ko kisuk, ko kaineki, ko teŋon ti yidin, ko kölipönök lulyan ko nawate; nan aje sonyoddu kilo Ŋutu i takiŋdya na do pon duma lio, anyen nan böŋö ryeju ’busan konut i komor.

Suluet 32:6

A Ŋutu lo yökiöji kulo yitweni ko Yakobo ni, a kulyani adi, Yi a ’durökin ko luŋösur Esau yu, lepeŋ lu popo ko Ŋutu miajin Iŋwan ko lepeŋ i pirit na geleŋ i rum ko do.

Suluet 33:15

A Esau kulyani adi, Ti nan kölöki do kulye Ŋutu kwe. Ama a Yakobo waddi adi, Kulya ’bayin. Nan tuŋ ’dek ti do duma lio kwekiŋdye nan ’busan.

Suluet 33:8

A Esau pipije adi, Kunu teŋon liŋ nagon nan a torumbe kunu kweja nyo? A Yakobo waddi adi, Kunu teŋon jaki do anyen nan ryeju ’busan konut pon duma lio.

Saumajin 34:6

Lo lomeri aje gwien, a MATAT iŋge yiŋ lepeŋ, a lwökundye nye kaŋo i delyaesi kanyit liŋ.

Katokuönit 9:7

Iti, nyesi kinyo ilot ko lyöŋön, ko möji binyo kunök ko nyola na töili; kogwon ŋun aje ’beron ruggö ŋo nagon do kökon na.

Yoane 16:24

Suluja ’beron tojo ko soŋinana ta a ko pija nene ŋo i karin kwe; pije ta, a ta de wune wu, anyen lyöŋön nasu böŋö jojore.

Roma 15:13

Ti Ŋun logon yenet gwon ko lepeŋ lo töjoreji ta ko lyöŋön liŋ se ko taliŋ liŋ kogwon yubbö nasu na lepeŋ, anyen yeŋdu nasu na lepeŋ ŋöŋdi a duma parik i riŋit na Mulökötyo Loke.

Ruta 2:13

A Ruta kulyani adi, Ti nan boŋo ryeji ’busan konut i komor pon duma lio, kogwon do a togo ’yu kölipönit inot ko do a jamakiŋdya nan ’bura koyo i töili, ma ’di nagon nan ’bayin a nene na kölipönök kunok.

Ruta 2:2

a Ruta Moabatyo kulyani ko Naomi adi, Ti nan iti i melesen, ko ti nan ’du ’dumbe pitönö ti ’bolot lo ŋeŋera i mukök na ŋuto lo won konyen ko nan. A nye kulyani ko lepeŋ adi, Iŋgo iti pon ŋuro nio.