1 Samuele 1:16 - Bibilia Buk na Ŋun nagon koti luŋu a

¹⁶ Ko yeyeju adi köliŋönit inot aŋuto nagon wöworo abur, ama nan jambu sona i na diŋit na kogwon yöyöŋesi ko sasanyesi kwe gwe jore parik.

1 Samuele 1:16 ပူးပေါင်းရင်းမြစ်များ

Saumajin 55:2

Yiŋe nan ko ruke nan; nan a sopa ko yöyöŋesi jore a nan tine bulö si ’da ’bura.

Nyökit 13:13

adi kulye ŋutu logon a logon aje tu kaŋo kasu kiden, ko a lulukaddu ŋutu ti nu köji nase adi, Ti yi iti ta i kitakiŋdya na kulye Ŋunyen logon ta a ko den,

Nyökit 13:14

nyena a ta ködyö pije pipija, a galuŋdye kaŋo, a pije ko tirikwet; nyena ko kine kulya ’diri a gwak, adi na ŋo na mamana aje kona kasu kiden;

1 Samuele 1:15

Ama a Ana ruŋge adi, ’Bayin pon duma liŋ, nan aŋuto nagon gwon ko delyaesi jore i töili; nan a ko möju kode binyo ma ’di yawa na pötwör, ama nan gwon i yakakiŋdya na delyaesi kwe ko MATAT i komor.

1 Samuele 1:17

A Eli nyobbi adi, Iti ko taliŋ, ko ti ŋun lo Yisaraele tiŋdi do molet inot nagon do aje mulun kanyit na.

1 Samuele 10:27

Ama a kulye ŋutu logon a mokon kulyani adi, Lo ŋuto bubulö lwöggu yi ada? A se lauŋdye lepeŋ a tine jakiŋdya nye ’dokesi. Ama a nye yiŋani taliŋ.

1 Samuele 2:12

A ŋwajik ti Eli wöröni abur; a se tine twöju MATAT.

1 Samuele 25:25

Ti do duma liŋ gwe ti yeyeju kulya ti lu ŋuto logon Nabala; kogwon nye gwon gwoso karin kanyit. Karin kanyit ’beron nyönyökö adi Lu ’böŋ, a tu ’böŋön gwe ko lepeŋ. Ama nan nagon a köliŋönit inot na, nan a ko met ŋutu teton ti duma liŋ logon do a son kulo.