1 Samuele 1:10 - Bibilia Buk na Ŋun nagon koti luŋu a

¹⁰ A Ana gwe ko delya duma kanyit i töili, a momo ’yi MATAT, a gwine gwien parik.

1 Samuele 1:10 ပူးပေါင်းရင်းမြစ်များ

Suluet 30:1

A Raele ko meddi adi Lea a yupwekindyö Yakobo ŋwajik, a nye yinöni ko kiaser nanyit; a nye kulyani ko Yakobo adi, Tiŋdi nan ŋwajik kode nan twatwan!

Suluet 50:10

A se ’dure Alada i nu pele na Yardene, nagon a pirit gwutet na ’bolot, a se gwine gwien nyu parik ko delya a duma lulujö; a Yosepa koŋdi delya na monye lonyit ko perok buryo.

2 Samuele 13:36

A nye ko tutuŋge jambu, mete, a ŋwajik ti mor kulo ’duröki ’durökin, a gwiörö ki; a ma ’di mor köti ko köliŋönök kanyit liŋ morakiŋdye i gwien parik.

2 Samuele 17:8

A Kusai kulyani adi, Do a den adi munyi ko ŋutu kanyit a ŋutu walan, soŋinana lepeŋat a woran parik gwoso gworoŋ nagon torela kanyit a ripaji mu ’diŋ yu. Köti munyi a ŋuto lokoŋ i gor; lepeŋ de ti doto i tukwaje ko ŋutu kulu i pirit na geleŋ.

2 Moran 20:3

Pon MATAT, böŋö yiyiuŋdye sopinana ko nan a wörö konut i komor ada ko to ’diri se ko töili liŋ, nan aje koŋdya ŋo nagon a na ’but konut i komor. A Kijikia gwine gwien parik.

Eyobo 10:1

Nan aje dara si ’da i kak ni; nan jambu wiwinyesi kwe abur, a nan tukuŋdye kaŋo delyaesi na pötwör nagon köyö i töili kune.

Eyobo 7:11

Nyenagon a nan de tine teŋgu mugun i jambu; a nan de jambi delya na ködudwö nio, a nan de wiwinyani wiwinya ko toili lo delyaesi.

Eyobo 9:18

lepeŋ a tikin nan i yukuta, a töjoreji nan ko delyaesi na pötwör.

Saumajin 50:15

Luŋgi ta nan i lor delyaet; a nan mo lwökundye ta, a ta mo pupurje nan.

Saumajin 91:15

Nye mo luluŋgu nan, nyena a nan mo ruŋge lepeŋ; nan mo gwon ko lepeŋ i ŋirit na geleŋ i diŋit nagusu, nan mo lwökundyö lepeŋ, a nan mo tindi lepeŋ i bula.

Tolupesi 14:10

Ŋuto deden kulya na pötwör na gwon kanyit i toili, a lepetyo tine ŋarun lyoŋon nanyit.

Yisaya 38:15

A nan kulyani ada? Nye aje jambu ko nan, a lepeŋ aje koŋdya. Diŋitan kwe liŋ nan jujuara kogwon tupötwör na töili liŋ.

Yisaya 54:6

Kogwon nan MATAT a luŋun do bot gwoso nakwan nagon lalet a kö ’yu ko a todelya i ködudwö, nan Ŋun ilot a luŋun do gwoso nakwan na toteton nagon a payaji.

Yeremia 13:17

Ama ko ta mo ti ’bon yiŋga, nan mo gwigwien a Iwon kogwon ’du ’duŋga nasu; a konyen kwe mo ’buŋge a ŋolitan parik ’bak goggu, kogwon teŋ na yidin ti MATAT aje momokaji.

Yeremia 22:10

Ko gwi ta ŋuto logon aje twan lo, ko yo ’yu ta köli lo twan kogwon lepeŋ; kölumbö gwine ta parik ko ŋuto logon a tu kaŋo lo, kogwon nye mo tine yitwe köti kwöŋ, iŋkoi, lepeŋ mo ti met jur logon nye yuŋwe kata lo.

Delyasi 3:15

Lepeŋ aje toyimönöju nan ko delyaesi na pötwör, a nye iŋge tomeŋa nan ko lo ’bur-tölöŋ.

Luka 22:44

a nye ŋoŋgi ŋoŋga i töili a momo ’yi ko pusök, a ŋiŋiresi kanyit ’do ’done kak gwoso rima na ’don.]

Ebere 5:7

I diŋit na gwoŋdi Yesu a ŋuto nu, nye a momo ’yu ko a gwien parik ko Ŋun ko ŋolitan, kogwon Ŋun ko riŋit i lwöggu na lepeŋ i twan. A Ŋun iŋge yiŋ lepeŋ kogwon Yesu a kugga nye.

Ka’duŋök 21:2

A ŋutu kulo ’dure Betele, a si ’dani nyu ko ŋun i komor tojo ko sömukö, a se ’bi ’yi gworolo kase ki a gwine gwien parik,

Ruta 1:20

A nye kulyani ko lepeŋat adi, Ko nyuŋ luŋ ta nan a Naomi, nagon lupe ta nan a Mara, a kogwon Ŋun Kabulönit lo ŋo liŋ a konakiŋdya nan kulya na pötwör.

1 Samuele 1:11

A nye milyeji milyeju adi, Pon MATAT lo kurumi, ko do agu lolor a meddya na delya na na ’dupiet inot, a do yeyene nan, a ti do gwe ti böŋöri nan kölipönit inot, a ko do ködyö a tiŋdu ’dupiet inot ŋuro lulalet, a nan mo tiŋdi lepeŋ konut pon MATAT, i perok liŋ ti gwiliŋit nanyit, a kwe nanyit mo tine ’barinu.

1 Samuele 1:9

A i mukök na nyesu nase ko na möju nase Silo yu nu, a Ana ŋine ŋien. A koane Eli gwe i si ’da kanyit i si ’daet i kotumit na kadi na MATAT.