1 Petero 5:5 - Bibilia Buk na Ŋun nagon koti luŋu a

⁵ Köti ta teton kodyö twötwö temejik kasu. Ta liŋ ködyö jupukiŋdya tokoyok gwoso boŋgo anyen tokitakin ko ’börik; kogwon a wurö adi, Ŋun rerenya ŋutu kabulak ti kusik ama kwekiŋdya ’busan i ŋutu lokoyokak.

1 Petero 5:5 ပူးပေါင်းရင်းမြစ်များ

2 Dekat 6:41

Nyenagon soŋinana ŋine ki pon MATAT Ŋun, ko iti i pirit inot yukaet, do se ko saŋduk na riŋit inot. Ti koanejin jupuni lwökt pon MATAT Ŋun, ko ti ŋutu katwoyok kulok lyoŋi lyoŋon kogwon do a lo ’but.

Eyobo 22:29

Kogwon Ŋun nyönyökun ka ’du’duŋak kak, a lwöggi ŋutu lokoyokak.

Eyobo 29:14

Nan a jupukiŋdya löti lo rigwo, a muŋge nan, a ’duŋöki na putet liŋ adi nan a loke gwe gwoso boŋgo duma nagon a muit, ko a Iŋguya.

Saumajin 132:16

A nan mo tojubbi koanejin kanyit ko lwökit, nyenagon a ŋutu kanyit logon twöju nan kulo mo sirani sira ko lyöŋön.

Saumajin 132:9

Ti koanejin juŋuni kulya na rigwo, ko ti ŋutu katwöyök kulök sirani ko lyöŋön!

Saumajin 138:6

Kogwon ma ’di nagon MATAT a duma ki, a nye meddi ŋutu lokoyokak; ŋajo yu nye deden ŋutu kabulak ti kusik.

Tolupesi 25:7

kogwon bia a na ’but i luŋu adi, Pondi ŋerot, lwölwöŋ nyökwe inot kak i komor na ŋutu lokukwön.

Tolupesi 3:34

Ma ’di nagon nye a ’dö ’döju ka ’do ’doyök, kolumbö a nye kwekindye ’busan i ŋutu lokoyokak.

Yisaya 57:15

Kogwon nan, lo gwon ki pajo, nan si ’da ŋupi, logon karin kwe luŋu a Loke. Nan kulya adi, Nan gwogwolor ki i pirit nake na rurwan, i pirit na geleŋ ko ŋutu logon ködudwölön kase a muyukaji kak kö a lokoyokak, i torujo na ködudwölön ti ŋutu lokoyokak, ko i torujö na töilyet ti ŋutu lo muyukaji kak.

Yisaya 61:10

Nan lyölyöŋön parik ko MATAT, ködudwö nio lyölyöŋi ko Ŋun liŋ; kogwon nye a tojubbu nan ko lwökit gwoso boŋgo, nye aje muggö nan ko löti lo rigwo gwoso boŋgo duma nagon a muit, gwoso nagon kayemanit a tojubbu mugun ko jibia ti kwe, ko gwoso ŋuro na yeyema na tokweleŋdu mugun nanyit ko ŋurupö lokwekwelen na.

Yisaya 66:2

Kogwon könisi kwe a gweja kine ŋo liŋ, a kine ŋo liŋ gwe a kwe, nan MATAT lo kulya. Ama ŋuto logon nan memet lo a lomeri ko a muyukaji kak kanyit i ködudwö, logon böböŋdu kogwon kulyaet liŋ.

Ejikele 26:16

A kirut moran liŋ ti kilo jurön lo gwon i tör duma na ’balaŋ nyona kulo mo kiuŋdye kak i si ’daesi kase ti tumatyanjin, a mo rusuŋdye kaŋo boŋgwat kase najo nagon a muisi se ko boŋgwat kase na ripaki minyojin kata kune; a böböŋdu mo muluje lepeŋat gwoso boŋgwat; a se mo si ’dani i kujöŋ a mo böböŋdi böböŋdu diŋitan liŋ, a mo söŋi söŋu ko do ko kujönö.

Daniele 11:12

A nagon lodir lo kamörök aje moka nu, a lepeŋ mo bu ’ye mugun, a nye mo tatuje ŋuto aliŋan puök ti aliŋan, ama lepeŋ molu tine te ’ya a ’dutet.

Lewi 19:32

Do ködyö ŋi ki i komor na ŋutu logon kupir kase aje kwekweja, a do bu ’ye ŋuto modoŋ, a do ködyö kuŋge nan ŋun ilot; nan logon a MATAT.

Luka 22:26

Ama kine kulya ti gwe ti gwon sona kasu kiden; kolumbö ti nye logon a duma kasu kiden lo ti nye gwe a lo ’dit, ko ti kanyömönit gwe gwoso ŋuto logon kikitakiŋdya lo.

Roma 12:10

Tunyare ta tunyar ko ’börik gwoso luŋasirik, möŋi ta kugga kulye ŋutu lwölwöŋ nagon ta kugga ’börik.

Roma 13:14

Ama jupukiŋdye ta Matat Yesu Kristo a tito kasu möriesi; an ta ko yeyeju ta i toyimönöju na ’dekesi ti mugunya kasu ti na kak.

Epeso 5:21

Kuke ta kuk ’börik gwoso na twöji ta Kristo na.

Pilipoi 2:3

An ta ko koŋdya ta nene ŋo i deŋdya na teŋ nasu ka ’de, kode i bu ’ya na ’börik, ama gwe ta a lokoyokak i yeyeju na kulye ŋutu adi se a lo ’but lwölwöŋ ta ko ’börik kasu.

Kolosai 3:12

Nyenagon gwoso nagon Ŋun aje wulun ta a ŋutu kanyit lo nyanyara na, jupukiŋdye ta kine ŋo gwoso boŋgwat, kweja adi, won na konyen, ko kwekiŋdya na ’busan, ko tokoyokan, ko pele na lilik, se ko ŋoŋga taliŋ.

1 Timoteo 5:1

An do ko ririŋga ŋuto logon a duma lwölwöŋ do, ama jujuje lepeŋ gwoso nagon nye ködyö a munyi, köti jujuje teton gwoso nagon se ködyö a luŋösurök.

Ebere 13:17

Twöji ta temejik kasu ko kuŋge ta lepeŋat, kogwon lepeŋat titi ta gwoso ŋutu logon mo pipiya i kulya kasu. Ti ta gwe ti todelyaju lepeŋat anyen se kita ko lyöŋön, kogwon ko se kita ko ’du ’duatu a kine kulya tine parakiŋdya ta.

Yakobo 4:6

Ama nye a ka ’buse bia parik lwölwöggu; kogwon a wuro adi, ŋun rerenya ŋutu kabulak ti kusik, ama kölumbö kwekiŋdya ’busan i ŋutu lokoyokak.

1 Petero 3:8

Kune gwe a kulya ti ’dutet adi, ta liŋ ködyö gwon ko töili gelen, i ŋaŋu na delyaesi ko lyöŋesi i pirit na geleŋ ko kulye ŋutu; tunyare ta tunyar ko ’börik gwoso luŋasirik, gwe ta kowon na konyen se ko töilyet lokoyokak.

1 Petero 4:1

Nyena kogwon Kristo a ŋoŋga i mugun na, jupukiŋdye ta töili lo geleŋ anyen ta gaji ’börik, kogwon ko ŋuto aje ŋoŋga i mugun nye aje kö ’yu toronjin.

1 Petero 4:5

Se mo wawasakin kulya na kon se kine i nye logon gwe ajo i ’duŋö kiŋdyö na kulya ti ŋutu lo gwon jörun se ko ti lo twatwa lo.