1 Petero 5:4 - Bibilia Buk na Ŋun nagon koti luŋu a

⁴ A na pukuŋdye Kayukunit duma nu, a ta mo wuji Iŋguya telet logon a bulet lo ti riŋön.

1 Petero 5:4 ပူးပေါင်းရင်းမြစ်များ

Saumajin 23:1

MATAT gwon a kayukunit lio, a nan tine wanya nene ŋo;

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Ejikele 34:23

A nan mo tiŋdi ŋuto geleŋ logon a Dawidi köliŋönit lio a kayukunit lose, a lepeŋ mo lo tunyeji se, iŋkoi, lepeŋ mo lo tunyeju se a gwe a kayukunit lose.

Ejikele 37:24

A köliŋönit lio Dawidi mo lo gwe a mor lose, a se liŋ mo gwe ko kayukunit geleŋ. A se mo kebbi jujuwesi kwe, a tirikuni ’debba saresi kwe lo wurö.

Daniele 12:3

A ŋutu lokoŋ mo gwe a loke gwoso ’diko na ki, a kilu lo löpukuŋdyö ŋutu jore i kulya na rigwo kulu mo kobbi kobbu ŋupi gwoso kaser ti ki.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Yoane 10:11

Nan a kayukunit lo ’but. Kayukunit lo ’but pakiŋdya ru nanyit kogwon yidin kanyit.

1 Korinto 9:25

ŋuto liŋ logon mömöŋu i biryeesi kilo teteŋgu ’börik i ŋo liŋ.Lepeŋat koŋdya ’börik sona anyen wuju ’doket nagon a Iŋguya logon a koroŋo logon mo riripön lo, ama yi kulo teŋgu ’börik anyen wuju Iŋguya logon ti ripön kwoŋ.

2 Timoteo 4:8

Soŋinana yöŋgi Iŋguya telet logon mömöŋdu nan, ŋilo Iŋguya a Löti lo rigwo logon Matat ka ’duŋönit lo rigwo mo tikin nan i lor lo ’dutet. Ti gwon a nan lo tiki geleŋ, ama tiki ŋutu liŋ logon gwon ko pusök i mböŋu na pukun nanyit kilo.

Ebere 13:20

Ŋun a toŋiju Matat likaŋ Yesu i twan, logon a kayukunit duma lo yidin kogwon ’bukwe na rima kanyit i tomoret nagon Ŋun a torukökin koyi ko milye lo yeŋ nyin.

Yakobo 1:12

Ŋuto logon ŋoŋoŋga temesi lo gwon a kalyöŋi, kogwon ko nye a te ’ya temet, a nye mo wuji Iŋguya telet logon a ru. Ŋina ru Ŋun a milyekin tiŋdu ŋutu logon nyanyar nye kilo.

1 Petero 1:4

Yenet nagon yi a yuŋweki kata na kweja adi yi mo wuju lomore. Ŋina lomore a ’delaki ta ki yu, a mo tine bulö ’buron, kode koro, kode toriŋö.

1 Petero 2:25

Ta aje tobiala kogwon ’dikasin kanyit na ’bitoki kune.Ta koju aje gigiri gwoso yidin, ama soŋinana ta aje yitwe ko Kayukunit ni logon a Kametanit lo ködudwölön kasu lo.

1 Petero 5:2

Yuŋge ta yidin ti Ŋun na gwon kasu kiden kine. Tiji ta se, ti gwon ko riŋaki, ama kogwon ta a wakun gwoso nagon Ŋun ’de ’dekan na. Tiji ta se ko pusök ti gwon kogwon gurut.

1 Yoane 3:2

Ta lo nyanyara kilo, yi sopinana gwe a ŋwajik ti Ŋun, ama a ko nyuŋ kweya koyi molu gwon ada, ama yi deden adi ko nye a kweya a yi mo gwe gwoso lepeŋ, kogwon yi mo memet lepeŋ gwoso na gwoŋdi nye na.

Kweyatti 1:7

Mete, lepeŋ ŋoŋo ko ’dikolo. A ŋutu liŋ mo meddi lepeŋ. Se lo rembu lepeŋ i kulo mo memet lepeŋ, a gweyajin lio ti ŋutu ti kak mo gwine lepeŋ. Ti gwe sona. Amin.

Kweyatti 2:10

Ti do gwe ti kujono ŋo nagon do de ŋogoŋ kine. Mete, kaŋöönit de gugubakin kulye kasu i kadi rereket, anyen ta tetema, a ta mo sasanyani ko perok puök. Ŋoŋgi go tojo ko twan, a nan mo tiŋdi do Iŋguya telet logon a ru.

Kweyatti 3:11

Nan ŋilo popo ’de ’de. ’Depe po nagon konut kine go, anyen lele ŋuto boŋo gwon ti ’dumara Iŋguya ilot telet.