1 Petero 4:7 - Bibilia Buk na Ŋun nagon koti luŋu a

⁷ ’Dutet na ŋo liŋ gwe nyona, nyena gwe ta ajo kasu i yeyeesi. Tiji ta ’börik anyen ta kwakwaddu.

1 Petero 4:7 ပူးပေါင်းရင်းမြစ်များ

Suluet 19:35

Nyena i nilu tukwaje Köti a se tiŋdi mönye lose i möju na binyo; a loponi na ŋine ŋien a dotoni ko lepeŋ; a monye gwe a ko den na piriki ’e nye kak kode na ŋiundye nye ki nu.

Suluet 6:13

A Ŋun kulyani ko Noa adi, ’Duddyö na Ŋutu lio a ’dur köyö i komor; kogwon kak na ajore köryaggu kogwon kulya kase; nyena mete, nan de tutukar se ko kak liŋ i pirit na geleŋ.

Katokuönit 7:2

Bia a na ’but i tu i kadi nagoŋ delya gwon kata lwölwöŋ tu i kadi nagon rorwe gwon kata; kogwon ŋina a ’dutet na ŋutu liŋ, ti ŋutu lo gwon jorun kulo ’delaki kine kulya kase i töilyet.

Yeremia 5:31

kweja adi nebijin kekejutu ’burönö, a koanejin saŋi gwoso na jambi nebijin na; a ŋutu kwe nyare nyar adi ti gwe sona, ama ta mo koŋdya nyo ko ’dutet a po?

Ejikele 7:6

’Dutet ŋina popo, iŋkoi, ŋina popo, lepeŋ aje pokin arabat kasu loki, mete ta, lepeŋ ŋina popo.

Matayo 24:42

Nyenagon gwe ta ko konyen ŋa, kogwon ta ti den lor logon nan MATAT losu popori.

Matayo 25:13

Nyena ti konyen kasu gwe ŋa, kogwon ta ti den ŋilu lor kode ŋinu diŋit.

Luka 21:34

Ama kunyar ta ’börik an töilyet kasu gwon pömöni ko rorweki, ko meran se ko wiwinyesi ti kak, an ŋilu lor jakakin ta adi wulek gwoso ridiket;

Luka 21:36

Ti konyen kasu gwe ŋa ko momo ’yi ta i diŋitan liŋ, anyen ta böŋö wuju riŋit anyen rwöddi kine ŋo liŋ nagon mo popokin kine, ko anyen gwo ’dan köyo i komor nan ŋuro lo ŋuto.

Luka 22:46

a nye pije se adi, Nyo nagon ta dodoto? Ŋine ta ki ko kwakwaddi ta kwakwaddu anyen möriesi böŋö gwon ti pokin kasu ki.

Roma 12:12

Lyöŋi ta lyöŋön i yeŋdu na ŋo ti Ŋun na popo. Yeoe ta ŋoŋaddu i sasanya nasu. Kwakwaddi ta kwakwaddu perok liŋ.

1 Korinto 15:24

a kirut ’dutet mo na poŋdi, i diŋit nagon nye a nyökun kak gweyajin liŋ ti tumatyanjin, ko ti kidoni saresi, se ko ti riŋitön anyen se gwon ’bak riŋit, a nye nyökökiŋdye Ŋun Monye tumatyan nanyit.

1 Korinto 7:29

Luŋasirik kwe, nan kulya sona adi, diŋit gwe a naŋutut. Suluja soŋinana tojo ko ŋerot, ti ŋutu logon ko wate kilo ti gwe gwoso ŋutu logon ’bak wate;

Epeso 6:18

Kwakwaddi ta i diŋitan liŋ, momo ’yi ta momo ’yu i riŋit na Mulokotyo Loke. Gwe ta ko konyen ŋa, ko dara ta i mumulukiŋdyo na ŋutu liŋ ti Ŋun.

Pilipoi 4:5

Ti ŋutu liŋ deŋedeŋ adi tagwon kotöilyet lo lilik. Matat gwe nyona.

Kolosai 4:2

Yeŋe ta go i kwakwaddu, ’bak doto, titiŋdu Ŋun lyöŋesi.

2 Timoteo 4:5

Ama do agu ködyo tiju mugun ’bura i ŋo liŋ ŋoŋgi ŋoŋga; kitani a katokuonit lo Loŋe Lo ’but; kitani kita inot tojo ko ’dutet.

Tito 2:12

Ŋina ’busan na nyaŋu todinikiŋdyo yi adi, ti yi renyani ŋo nagon ’bayin a twoyosi ti Ŋun kine se ko ’dekesi ti na kak, ko ti yi gwolore i na kak i na diŋit i tiju na ’börik, ko i gwon i löti lo rigwo, ko i twoju na Ŋun,

Ebere 10:25

Ti yi gwe ti jaran i momora ko ’börik, gwoso na koŋdi kulye ŋutu na, ama ti yi togo ’yi ta ’börik bia parik kogwon lor lo ’dutet ŋilo mimijun nyona.

Ebere 9:26

kogwon ko ködyö gwon sona, a lepeŋ ködyö aje nyöggu ŋoŋga daŋin jore suluja i gweya na kak. Ama lepeŋ soŋinana aje pukun daŋ geleŋ asut i diŋit na ’dutet anyen tiŋdu mugun nanyit a rubaŋga i tutuŋgö na toronjin liŋ.

1 Petero 1:13

Gwe ta ajo kasu i yeyeesi gwoso ŋuto lo kukunakiŋdya mugun i kita. Tiji ta ’borik. Tuŋ yeŋdi ta ’doket nagon Yesu Kristo mo jakin ta na poŋdi nye nu.

1 Petero 3:7

Bu ’ye ta wate nagon a namunyak ko ta kine, kogwon ta ŋaŋu ’busan na Ŋun nagon tiŋdu ta ru na, an kwakwasesi kasu ko teŋo.

1 Petero 5:8

Tiji ta tiju, ti konyen kasu gwe na, kogwon miriku losu kaŋöönit gwon gwoso kömiru lo wuwuŋi gaga ’yu ko nye koja ŋa.

Kweyatti 16:15

Mete, nan ŋilo ŋoŋo gwoso kolanit. Ŋuto logon konyen kanyit gwon pa ko a jupu ajo lo a kalyöŋi, anyen nye gwon ti wörö a limu kana a ŋutu gwe ti meddya lepeŋ i gwon ’buson.)