1 Petero 4:3 - Bibilia Buk na Ŋun nagon koti luŋu a

³ Diŋit na lwöŋgu aje temakindya ta i koŋdya na ŋo nagon paganojin ’de ’dekan. Ta aje gwon i koŋdya na ŋo ti yu na kwe, ko i ’dekesi ti mugun, ko i memeri, ko i to ’betan ko yawa, ko i mömöjutu na yawa i roriot, ko i koŋdya na ŋo na mamana nagon a twöju na nyömuejin logon a ŋunyen.

1 Petero 4:3 ပူးပေါင်းရင်းမြစ်များ

2 Samuele 13:28

A Abisaloma saŋi köliŋönök kanyit kulo adi, Mete ta met Amunon ’bura i diŋit nagon nye aje meran nu; a ko nan a kulya ko ta adi, Gwute ta Amunon, kirut a ta de tatuje lepeŋ. An ta ko kujönö ta; ti gwon a nan lo sarakiŋdya ta le? Ti ta gwe a walan ko a lunsak.

1 Moran 21:26

Lepeŋ a koŋdya ŋo na mamana i keŋoddu nanyit na nyömuejin, gwoso na koŋdi ŋutu ti Amori logon MATAT a rikörö kaŋo ko ŋutu ti Yisaraele i komor kulu.

2 Dekat 15:8

A Asa ko yiŋge kilo kulyaesi lo keŋ Ajaria ŋuro lo Odede kulu, a nye gwe a iŋgo a joŋgi nyomuejin manat kaŋo i jur lo Yuda liŋ se ko lo Benya­ mina, ko i köjino nagon nye a ripara i jur lo merya ti Epuraima, a nye nyoggi teteŋdya pirit ’yuret na rubaŋgajin nagon a na MATAT na gwon i komor na bara­ŋöa na kadi na MATAT.

Yisaya 28:7

Kilo ŋutu köti döŋti döŋtu kobinyo a se luluŋte luluŋto ko yawa na pötwör; koane se ko nebi kaka ’yu ko yawa na pötwör, se a niulua kö binyo, a se luluŋte kogwon yawa na pötwör; a se lyaŋe lyaŋan i katimba na kulya nagon kweki se ko Ŋun, a se luluŋte luluŋtö i ’duŋgö na putesi.

Yisaya 5:11

Wöidiö, ŋutu logon ŋiŋien ko’bure kobubut, anyen se kepoddu yawa na pötwör; logon karara tojo ko tukwaje kiden tojo binyo a ’yuŋa se!

Yisaya 65:4

lepeŋat sisi ’da i gululömö, a se joŋgi tukwaje i piritön na mumuk; lepeŋat nyenyesu lokorio ti wuryö, a diköriöt kase iŋge töjore ko kigwo ti ŋo lo mamana;?

Yeremia 16:11

A do mo waddi lepeŋat adi, Nan MATAT lo kulya adi, Kine ŋo a pokin kasu loki kogwon merenyejin kasu aje kolokiŋdyo nan, a kepoddi kulye gunyen, a kitakiŋdye se, a kwakwaddi se, iŋkoi, lepeŋat a kolokiŋdyo nan, a gwe a ko ’debba saresi kwe.

Yeremia 16:18

A nan mo kiyaŋ riŋge lepeŋat daŋin murek kogwon konesi kase narok se ko toronjin kase, kogwon se aje toluddya jur lio lomore ko nyömuejin kase loron köŋu keri a iŋge tojore lepeŋ ko kitajin kase na mamana.

Ejikele 44:6

Taki ŋutu karerenyak ti kötumit na Yisaraele adi, MATAT ŊUN lo kulya adi, Ta kötumit na Yisaraele, to ’duddye ta po kasu liŋ na mamana kine.

Ejikele 45:9

Nan MATAT ŊUN lo kulya sona adi, Ta kasarak ti Yisaraele, aje jo! Kölöki ta ŋonyan se ko ryaggu nasu ŋina, ’duŋge ta putesi gwogwo, koŋdi ta ko torigwo; kölöki ta ririkijö na ŋutu kwe i kak jin kase na kukuru, ŋilo a nan MATAT ŊUN lo jambu.

Marako 7:22

ko goma, ko konesi narok, ko mumulugga, ko koŋdya ŋo ti yu na kwe aka, ko ki ’dem, ko jamaddu na karin ti ŋutu arabat, ko ’du ’duŋga, se ko tubaman.

Konesi 17:30

Nyenagon Ŋun a jalatara konyen ŋerot i diŋitan nagon ŋutu ti den kulya na kon se kunu, ama soŋinana nye lo sarakiŋdya ŋutu liŋ adi ti se liŋ i piritön liŋ löpuŋge töilyet;

Roma 13:13

Ti yi wöröni ta ’bura gwoso ŋutu lo wörö i tuparan, ’bayin i to ’betan, kode i meran, kode i toluŋ, kode i koŋdya na ŋo nagon a wuya kana, kode i mörö, kode i yulön.

1 Korinto 12:2

Ta deden adi, na gwoŋdi ta köju a paganojin nu, a ta iŋge jiköji i kikolin ka ’de ka ’de i kwakwaddu na nyömuejin logon a mumutön.

1 Korinto 6:11

Kulye kasu köju gwoso kilo ŋutu, ama ta aje lalai, ta aje tokela a ŋuto ti Ŋun, ta aje tiki i gwon a lo rigwo ko Ŋun i komor i karin ti Matat Yesu Kristo se ko i riŋit na Mulökötyo lo Ŋun likaŋ.

2 Korinto 12:21

Nan kukujönö adi ko nan a ŋo kasu pini köti, a Ŋun liŋ mo tiŋdi kwe nio i yu kasu i komor, a nan ködyö gwine ko ŋutu jore logon köju aje toroŋdya a gwe a ko löpuggö töilyet i ŋo na kon se kune i gwiliŋisi kase logon a lut kulo, ko i lulupujö nase, ko i koŋdya na ŋo ti yu na kwe aka.

Galatia 5:19

Nyenagon konesi ti mugun na na kak gwon köke makine: lubbö, tolutan, konesi ti yu na kwe na kona aka kune,

Galatia 5:21

yulon ko ŋo ti leŋe, meran, löju lo yawa, se ko kunie ŋo gwoso kine. Nan tokujoŋdu ta gwoso na tokujoŋdi nan ta köju nu adi, ŋutu lo koŋdya ŋo gwoso kine kulo mo ti ŋaŋu ŋo ti Tumatyan na Ŋun.

Epeso 5:18

Ko meran ta ko yawa koŋwon köŋu ŋutu. Ama kölumbö jorene ta ko Mulokötyo Loke,

1 Tesalonike 4:5

Ti pusok na ’dekesi narok ti mugunya gwe ti koŋu ta, gwoso na koŋdi ŋutu ti jurön logon ti den Ŋun kilo na.

Tito 3:3

Kogwon yi köju a lu ’böŋ ko a karenyak. Yi a giran a gwe a ’dupi ti ’dekesi narok ko ti lyoŋesi ka ’de ka ’de ti na kak, a yi gwilipara ko töilyet lurwök ko a kayulök, ŋutu maman yi a yi koti iŋge man ’börik.

1 Petero 1:14

Gwe ta a ŋutu kayiŋak ti kulya, an ta ko gwolor ta gwosoi ’dekesi kasu ti ’beron nagon ta a ko nyuŋ den kulya nu.

Yuda 1:4

Kogwon kulye ŋutu kata logon a domaddu ’borik a lwön. Kilo a ŋutu logon ti twoju Ŋun, ama a löpuŋge tolien nikaŋ nagon Ŋun a tikin yi kana na anyen se koŋdya toron aka nagon joŋdya yu na kwe, a se renyani Duma likaŋ lo geleŋ logon a Matat Yesu Kristo. Koju ’beron lepeŋat a wuloki i ’duŋoki na ŋilo putet.