1 Petero 4:2 - Bibilia Buk na Ŋun nagon koti luŋu a

² Nyena ta ködyö joŋga pitönö na diŋit nasu i na kak anyen sara ko ’deket na Ŋun ti gwon ko ’dekesi ti mugun.

1 Petero 4:2 ပူးပေါင်းရင်းမြစ်များ

Saumajin 143:10

Todinikindye nan i kondya na ŋo nagon do ’de ’dekan kune, kogwon do a Ŋun lio. Ti mulökötyo ilot lo ’but nyömöddi nan i kiko logon a yayaraki jojo.

Osea 6:7

Lepeŋat aje ’beleŋgu tomoret nio ko se Adama yu, a se gwe i dudumuja na nan nyu.

Matayo 12:50

Kogwon ŋuto logon kökon ŋo nagon Baba lo gwon ki lu ’de ’dekan na, nye lo gwon a luŋaser liŋ, ko a kiaser nio, ko a yaŋgo.

Matayo 20:4

a nye takiŋdye se adi, Ta koti, iti ta i kita i luköbi na kaden ti binyo, a nan de ropakiŋdye ta ropet na ’but.

Matayo 21:31

I kilo ŋwajik murek lon logon aje koŋdya ŋo nagon monye ’de ’dekan? A se waddi adi, Ŋuro kayu lo logon aje koŋdya. A Yesu kulyani ko se adi, ’Diri nan takiŋdya ta adi, Kapepenak ti usur se ko kalupejin lupö i Tumatyan na Ŋun kasu ŋerot.

Matayo 7:21

Ti gwon a ŋutu liŋ lo luŋgu nan adi, MATAT, MATAT kilo, logon mo lupö i Tumatyan na Ki, ama ka ’de ŋuto lo koŋdya ŋo nagon Baba lo gwon ki lu ’de ’dekan lo mo lo lupö.

Marako 3:35

ŋuto logon kökon ŋo nagon Ŋun ’de ’dekan na, nye lo gwon a luŋaser lio, ko a kiaser nio, ko a yaŋgo.

Marako 7:21

Kogwon ŋo narok lupuŋdyö ko ŋuto i töili kata yu, kweja adi yeyeesi narok, ko towutön, ko koko ’ya, ko tatuja, ko lubbo,

Yoane 1:13

Yuŋwe nase ti gwon gwoso na yuŋweni ŋutu na i ’dekesi ti mugun gwoso na ’deggi ŋutu na, ama yuŋwe nase a na Ŋun.

Yoane 7:17

Ko lele ŋuto ’de ’dekan koŋdya ’dekesi ti lepeŋ lo sunyuŋdyo nan lo, lepeŋ mo kukurun kode ŋo na todin nan kune po ko Ŋun yu, kode nan jambu ŋo kwe.

Roma 12:2

An ta ko kepoddu ta gwiliŋit lo na kak, ama ti yeyeosi kasu toluduköni toludukö anyen gwiliŋisi kasu leleuddya a ludukö asut; a kirut ta mo kuruŋdye adi ko ’doket na Ŋun a nyo, kweja adi ŋo nagon a na ’but, nagon tutulyöŋgu lepeŋ ko tetemakiŋdya kune.

Roma 14:7

Kogwon lele likaŋ ’bayin logon gwolor gwoso i ’dekesi kanyit, köti lele likaŋ ’bayin logon twatwan gwoso i ’dekesi kanyit.

Roma 6:11

Nyena köti dene ta den ’börik adi ta aje twatwa a gwe ’bayin i kulya ti toron, ama ta gwilipara jörun a ti Ŋun ko Kristo Yesu i mugun.

Roma 6:2

’Bayin sona kwöŋ! Yi aje twatwa yi gwe ’bayin i kulya ti toron, a yi kirut yeŋe gwolor i toron kata ada?

Roma 7:4

Köti gwon sona luŋasirik kwe, ta aje morakiŋdya ko Kristo i mugun, a ta iŋge twatwa a gwe ’bayin i kulya ti Saresi, anyen ta böŋö gwon a ti lele ŋuto, kweja adi a ti nye lo toŋiyu i twan lo, anyen yi böŋö raradan ludweki ti Ŋun.

2 Korinto 5:15

Lepeŋ a twakin kogwon kulya ti ŋutu liŋ, anyen ŋutu lo gwon jörun kilo böŋö gwon ti gwolor i kitakiŋdya na ’börik, ama anyen kitakiŋdya lepeŋ logon aje twan ko aje topiyu kogwon kulya kase lo.

Epeso 2:3

Yi liŋ koti koju gwolor abur gwoso nagon yi ’de ’deggi, a yi koŋdi gwoso nagon mugunya kaŋ ko toilyet kaŋ ’de ’dekan na. Nyena yi liŋ gwon gwoso kulye kilo Ŋutu logon ŋun molu ririŋ kulo.

Epeso 4:17

Nyenagon nan jamakin ta sona a jujuje ta i karin ti Matat likaŋ adi, ko wörö ta gwoso na wöröri paganojin kilo na ko yeyeesi kase nagon a wuya kana.

Epeso 5:17

Nyenagon ko gwon ta a lu ’böŋ, ama kuru ta kurun ko ’deket na Matat likaŋ a nyo.

Epeso 6:6

Kitani ta kita ti gwon anyen komorye kasu memet a lyoŋi lyöŋön, ama kitani ta gwoso ’dupi ti Kristo i koŋdya na ’deket na Ŋun ko toilyet kasu liŋ,

Kolosai 1:9

Ko ŋina kwe, suluja i lor lo yiŋge yi lu, yi a ko ko ’yu kwakwaddu kogwon kulya kasu. Yi momo ’yu Ŋun anyen nye böŋö tiŋdu ta kopon liŋ se ko kuruŋdyo liŋ nagon Mulokotyo lonyit a tikin kune, anyen ta böŋö deden parik ko lepeŋ ’de ’dekan nyo.

Kolosai 3:3

Kogwon ta aje twatwa, a ru nasu iŋge ’delaki ko Kristo i mugun, iŋkoi, ko Ŋun i mugun.

Kolosai 4:12

Epapra logon a lele losu ko a köliŋönit lo Kristo Yesu lo a roman ko ta. Lepeŋ ŋupi gwon ko pusok i yeyeju na ta i kwakwasesi kanyit, anyen ta böŋö gwo ’dan go gwoso ŋutu lo wora i koŋdya na ’dekesi liŋ ti Ŋun.

1 Tesalonike 5:18

Tiŋdi ta tinate i ŋo liŋ, kogwon ŋun ’de ’dekan ta koŋdya sona ko Kristo Yesu i mugun.

Ebere 13:21

Ti Ŋilo Ŋun logon taliŋ liŋ gwon ko lepeŋ lo tojubbi ta ko ŋo liŋ na ’but, anyen ta boŋo koŋdya ŋo na ’deggi nye kune. Ti nye kitani kayaŋ i mugunya anyen yi tulyoŋgu lepeŋ kogwon kulya ti Yesu Kristo. Ti lepeŋ bulani bula ŋupi ŋupi. Amin.

Yakobo 1:18

A nye yuŋuŋdye yi gwoso na ’deggi nye na kogwon kulyaet lo to ’diri, anyen yi ködyö gwon gwoso ludweki waŋesi i ŋo liŋ na gwe nye kune.

1 Petero 1:14

Gwe ta a ŋutu kayiŋak ti kulya, an ta ko gwolor ta gwosoi ’dekesi kasu ti ’beron nagon ta a ko nyuŋ den kulya nu.

1 Petero 2:1

Nyenagon paji ta manesi liŋ, ko mumulukesi liŋ, ko ’burönö, ko yulön, se ko jamesi lorok liŋ.

1 Yoane 2:17

Na kak se ko ŋo nagon ŋutu ’de ’dekan kata kune ’ba ’baka, ama nuto logon kökon po nagon Ŋun ’de ’dekan kune, lepeŋ yeyeŋon Ŋupi.