1 Petero 4:18 - Bibilia Buk na Ŋun nagon koti luŋu a

¹⁸ A wurö adi, Ko ŋutu lo rigwo a lwökö go, a nyo mo na poki i ŋutu logon ti twöju Ŋun ko i katoronyak kilo?

1 Petero 4:18 ပူးပေါင်းရင်းမြစ်များ

Suluet 13:13

a Ŋutu ti Sodoma gwe a katoronyak lorok a Iwoŋgu ko MATAT i komor.

Tolupesi 11:31

Ko ködyö ŋuto lo rigwo a ropaki toron nanyit i na kak, a bia parik kulya ti ŋuto loron logon a katoronyanit lo kirut mo ropakine ada?

Yeremia 25:29

Kogwon mete ta, nan susuluja riŋga köji nagon luŋu ko karin kwe na; ta yeyeju adi ta ŋona ti riŋa le? Ta ti bulö kölöki ’bak riŋa, kogwon nan ŋilo luŋgu merok ko baŋdujin i mörö ko ŋutu liŋ ti kak. Kilo a kulyaesi kwe ti MATAT lo kurumi.

Ejikele 18:24

Ama ko ŋuto loron a löpukuŋdyö kapo i torigwo nanyit a iŋge toroŋdya, a koŋdi po na mamana jojo ko nagon ŋuto loron kökon kune, lepeŋ ŋona gwon jörun le? Iŋkoi, nene na konesi kanyit na rigwo nagon nye a kon kune ’bayin nagon yeyeŋ; lepeŋ twatwan kogwon nye a ko ’yu twöju a iŋge koŋdya toron.

Jakaria 13:9

A nan mo gwurusökiŋdye ŋina tupet i kimaŋ, a mo ŋoŋoji se gwoso ŋuto lo ŋoŋoaddu korodo kaŋo i pödö, a nan mo tembi se gwoso na temari dakap na. A se mo luluŋgi karin kwe, a nan mo waddi se adi, Se a nutu kwe; a se mo kulyani adi, MATAT a ŋuri likaŋ.

Luka 15:1

Nyena a kapepenak ti usur se ko katoronyak liŋ gwe i mimijorö nyona ko Yesu yu i yiŋga na lepeŋ.

Luka 23:31

Kogwon ko ŋutu koŋdya kine ŋo a ködini nyuŋ a lodon, a nyo mo na konani ko gwe a loteyon?

Konesi 14:22

totŋgoloddu töilyet ti ŋutu kajujumuk, a jujukiŋdye lepeŋat anyen yeŋon i ’debba na ŋina yupet, a kulyani adi, Yi agu ködyö tiri kiko lo sasanyesi jore anyen luŋö i Tumatyan na Ŋun.

Konesi 27:24

A malaikatat kulyani adi, Paulo, ko kujönö, kogwon do agu ködyo gwo ’dan ko Kaisar i komor; nyena mete, Ŋun aje rukökin do adi ŋutu liŋ logon moraddu ko do i ki ’bo kulo mo ti twatwa.

Konesi 27:31

ama a Paulo takiŋdye duma lo kamörök mia geleŋ se ko ŋutu kanyit adi, Ko kilo tomonok a ko gwon i ki ’bo kata a ta tine bulö lwökö.

Roma 1:18

Kogwon ŋun ki yu a kwekiŋdya woran nanyit i riŋga na lawesi nagon lawerikin Ŋun se ko konesi narok ti ŋutu. Kilo ŋutu konesi kase narok teŋggu kulya ’diri i dena kulo.

Roma 5:6

Kogwon i diŋit gwak nagon Ŋun a wulun na gwoŋdi yi nyuŋ a lomunyak nu, Kristo a twan kogwon ŋutu logon ti twöju Ŋun.

Roma 5:8

Ama Ŋun a kwekin yi adi nye nyanyar yi parik, kogwon i diŋit nagon yi nyuŋ gwon a katoronyak nu, a Kristo iŋge twan kogwon kulya kaŋ.

1 Korinto 10:12

Ŋuto logon yeyeju adi nye gwogwo ’dan go lo, ti nye meddi ’bura an nye ’doro.

1 Timoteo 1:9

kweja adi koyi a kurun adi saresi ’bayin tetena anyen riŋari ŋutu lo ’but, ama riŋari ŋutu ka ’beleŋok ti saresi se ko ŋutu logon ti ’bön sara, ko anyen riŋari ŋutu logon ti twoju Ŋun ko a katoronyak, ko anyen riŋari nutu logon lauŋdya Ŋun ko logon woro abur, ko anyen riŋari katatuak kase komonye se ko ko ŋote, ko a karemok ti ŋutu,

Ebere 4:1

Nyena ma ’di milye lo Ŋun nyuŋ kata adi yi bubulö luŋö kanyit i pirit yukaet, nyena ti yi meddi ta ’bura an lele losu meta gwoso nye a karakin kiden i luŋö i ŋinu pirit yukaet.

Yakobo 5:6

Ta aje ’duŋgo putet lo ŋutu logon ’bak kulya, a ta iŋge tatu lepeŋ, a nye gwe a ko teggu ta.

1 Petero 5:8

Tiji ta tiju, ti konyen kasu gwe na, kogwon miriku losu kaŋöönit gwon gwoso kömiru lo wuwuŋi gaga ’yu ko nye koja ŋa.

2 Petero 3:7

Ŋilo kulyaet lo geleŋ lo a ’de ’ya ’diko ko kak anyen möŋdu ’yura ko kimaŋ i lor ’duŋet lo putet na tukarari ŋutu logon ti twoju Ŋun kilo.

Yuda 1:15

Nye po i joŋdya na ŋutu liŋ i putet, ko i ’duŋokiŋdyo na ŋutu liŋ logon ti twoju lepeŋ kilo, kogwon konesi liŋ nagon ’bayin a twoyesi nagon se a kon kune, se ko kulyaesi laesi logon kilo ŋutu katoronyak logon ti two lepeŋ kilo a jam arabat i kulya kanyit kulo.

1 Samuele 15:18

A MATAT aje yököŋ do i jölö, a kulyani adi, Iti ko tukare asut ŋutu ti Amalek logon a katoronyak kulu, ko möröni ko se, tojo se a tutuŋö.