1 Petero 4:16 - Bibilia Buk na Ŋun nagon koti luŋu a

¹⁶ ama ko lele ŋuto a ŋoŋgo kogwon nye a Kristianityo ti kwe nanyit gwe ti yu, ama ti nye bu ’ye Ŋun kogwon kine karin.

1 Petero 4:16 ပူးပေါင်းရင်းမြစ်များ

Yisaya 24:15

Nyenagon bu ’ye ta MATAT i swöt lo ’yure; bu ’ye ta karin ti MATAT Ŋun lo Yisaraele i jurön ti kijit na tör duma na ’balaŋ.

Yisaya 50:7

Kogwon MATAT Ŋun ŋaparakindya nan, nyenagon a nan tine yuran, nyenagon a nan tiŋdi komor nio a nago gwoso lele nagon a wiyu, a nan deŋdi adi nan mo ti gwon ko yu na kwe;

Yisaya 54:4

Ko kujönö, kogwon do mo ti yu kwe; an do ko delya, kogwon do mo tine wuju yu na kwe; kogwon do mo böböŋöri yu na kwe na tukö ’disen inot, a do mo tine yeyeju lawet na tuka-ru ’ben inot köti kwöŋ.

Konesi 11:26

A na ryeji nye lepeŋ nu, a nye joŋgi lepeŋ Antlokia. A i kiŋa ’bukuluŋ a se liŋ murek iŋge tojulin ko kayupök lo momora i ŋinu pirit kulu, a iŋge todiŋdyö ŋutu jore parik. A ŋutu suluje luŋgu kajujumuk ti Yesu a Kristianijin Antlokia yu.

Konesi 26:28

a Agaripa pije Paulo adi, Do yeyeju adi do bubulö löpuggö nan a Kristiani ko diŋit a na ’dit, anyen nan tuggö adi nan a yubbö le?

Konesi 28:22

Kölumbö yi ’dekan yipuŋdya konut ko do yeyeju nyo, kogwon yi a den adi ŋutu jambu arabat i piritön liŋ i kulya ti ŋilo lapet.

Konesi 5:41

Nyena a luyökie iti kaŋo i komor na momoret na ŋutu temejik, lyölyöŋiörö adi se a rye jujukin poŋga ’dö ’döyö kogwon kine karin.

Pilipoi 1:20

Nan yeyeŋdu ko pusok a duma adi kwe nio mo ti yu, a nan mo gwe a ŋurutat gwoso na yeŋ na, anyen boŋo ko nan gwon jorun kode a tatua, a nan tiŋdi Kristo i bula koyo i mugun.

Pilipoi 1:29

Kogwon Ŋun a ’dogga ta ti gwon i yubbö na Kristo ka ’de, ama anyen ta ŋoŋoŋga kogwon kulya kanyit köti.

2 Timoteo 1:12

a nan iŋge ŋoŋga ko ŋina kwe. Ama kwe nio ti yu, kogwon nan deden nye logon nan yuyuŋ lo, a nan iŋge den ’bura adi nye bubulo tiju ŋo nagon nan a yinikin lepeŋ kune tojo ko ŋilu lor lo ’dutet.

Yakobo 2:7

Ti gwon a se lo ’dö ’döju lepeŋ lo luggu ta ko karin kanyit nakwekwelen lo le?

1 Petero 2:12

Gwe ta ko gwiliŋit lo ’but ko paganojin i komor, anyen na ŋökiŋdye se adi ta a katoronyak na, a se boŋo meddi konesi kasu na ’but a pupurje Ŋun i lor lo pöri nye lu.

1 Petero 4:11

Ko lele nuto totokujö ti nye tokuje kulyaesi gwoso lo lupe ko Ŋun i kutuk; ko lele ŋuto kikitakiŋdya, ti nye kitani i riŋit nagon po ko Ŋun, anyen Ŋun pupura i ŋo liŋ kogwon Yesu Kristo. Ti bulet ko riŋit gwe ko lepeŋ ŋupi ŋupi. Amin.

1 Petero 4:14

Ta a kalyoŋok ko ŋutu a momoröju ta kogwon karin ti Kristo, kogwon Mulökötyo lo bubula logon a Mulökötyo lo Ŋun lo gwon ko ta.

1 Petero 4:19

Nyenagon ti se logon a ŋoŋgo gwoso na ’deggi Ŋun na, ti se yeŋe koŋdya ’bura, ko ti se yinikiŋdye ’börik i Ka gweyanit lose logon jojo yiniki ti Iöpuggö lo.