1 Petero 4:12 - Bibilia Buk na Ŋun nagon koti luŋu a

¹² Julin kwe lo nyanyara, ko söŋu ta i ŋo na pokin i temba na ta gwoso na tembi kimaŋ na, adi ŋina ŋo a ŋo sörit nagon a pokin kasu ki.

1 Petero 4:12 ပူးပေါင်းရင်းမြစ်များ

Katokuönit 5:8

Ko do meddya adi ŋutu lomerika a rudaki kak a ’duŋgö na putet gwogwo aje joŋa kaŋo ko riŋit i möddria, an do ko söŋu ko kine ŋo; kogwon ŋutu lokukwön memeta ko dumalak kase, a kulye köti kata lo lwöŋgu se.

Yisaya 28:21

Kogwon MATAT mo ŋien ki gwoso i mere Parasim, a nye mo wore woran gwoso i pirit na ’dir na Gibeon, i koŋdya na konet nanyit—ŋinu konet nanyit a sörit! ko i kita na kita nanyit—ŋinu kita nanyit a lepetyo!

Daniele 11:35

A kulye ŋutu lokoŋ mo sasanyani sasanya anyen totokela, anyen seseta gwoso ’bolot, anyen lala a loke, tojo ko diŋit na ’dutet nagon möŋdu diŋit na wulwe.

1 Korinto 10:13

Nene mörit ’bayin na pokin kasu lwölwöŋ na pokin i ŋuto liŋ. Ŋun yiyiniki i po liŋ, a lepeŋ mo tine kölökin ta i tema lwölwöŋ riŋit nasu, ama lepeŋ mo kwekwekin ta kiko logon ta rwöddi kaŋo i ŋina mörit kata, anyen ta bubulö poŋga.

1 Korinto 3:13

a kitajin ti Ŋutu liŋ geleŋ geleŋ mo kweyani kweya i lor lo ’dutet. Kogwon kimaŋ na Ŋilu lor molu na kweja, a ŋinu kimao mo na tembi ko kitajin a nyo nagon Ŋutu liŋ geleŋ geleŋ a kon kune.

2 Timoteo 3:12

Iŋkoi, ŋutu lio logon ’de ’dekan gwolor a ti ŋun ko Kristo Yesu i mugun kilo mo sasanya.

1 Petero 2:11

Julin kwe lo nyanyaia, nan mamaŋöju ta ko konisi murek adi, ta a lepelok ko a lo momonuŋdyö, nyena paji ta ’dekesi ti mugun nagon mömörö ko kodudwo kine.

1 Petero 4:4

Paganojin sösöŋu kogwon ta a ko morakiŋdya ko se i gwiliŋit lose abur logon se koŋdya a wuya kana, a se liŋ i kiŋdye ta.

1 Petero 5:9

Gwe ta a iŋgo i yupet i renya na lepeŋ, kogwon ta a den adi luŋasirik kasu lo yubbö i kak ’bukuluŋ kilo ködyö ŋoŋoŋgo kine ŋoŋesi na geleŋ kine.