1 Petero 4:11 - Bibilia Buk na Ŋun nagon koti luŋu a

¹¹ Ko lele nuto totokujö ti nye tokuje kulyaesi gwoso lo lupe ko Ŋun i kutuk; ko lele ŋuto kikitakiŋdya, ti nye kitani i riŋit nagon po ko Ŋun, anyen Ŋun pupura i ŋo liŋ kogwon Yesu Kristo. Ti bulet ko riŋit gwe ko lepeŋ ŋupi ŋupi. Amin.

1 Petero 4:11 ပူးပေါင်းရင်းမြစ်များ

Saumajin 145:13

Tumatyan inot gwon a tumatyan na yeŋ nyin, tomiriön inot yeyeŋon i nyakwariat liŋ. MATAT yiyiniki i kondya na ŋo liŋ na kulyari lepeŋ kune, ko a lo ’but i konesi kanyit liŋ.

Yisaya 8:20

Tirikuni ta i yiŋga na saresi ko todinesi! A se ’diri jambi gwoso i lo kulyaet, logon baŋun nanyit na kak gwe ’bayin.

Yeremia 23:22

Ama ko se kodyo a gwo ’dan köyö i komor anyen wuju jujuwet, a kirut se kodyo laikiŋdye kulyaesi kwe i ŋutu kwe, a se kodyo lopukuŋdye lepeŋat kaŋo i kikolin kase lorok se ko i konesi kase narok kune.

Daniele 4:3

Kweyesi kanyit a temejik, sörösi kanyit a ti riŋitön! Tumatyan nanyit a tumatyan na ti ’duddyö, a tomoran nanyit yepe i nyakwariat liŋ.

Daniele 4:34

A ko diŋit aje temakiŋdya, a nan Nebukadanesar ’bi ’ye konyen kwe ki, a yeyeesi kwe iŋge yitwe a na ’but, a nan bu ’ye Katoŋanit lo ki lio, a pupurje a twoji lepeŋ lo yeyeŋon ŋupi ŋupi lo adi, Tomoran nanyit a tomoran na gwogwolor ŋupi. tumatyan nanyit yeŋon i nyakwa-riat liŋ;

Daniele 7:14

A lepeŋ iŋge tiki tomoran ko minyo se ko tumatyan, anyen gweyajin lio ti ŋutu, ko juron, ko ŋuto lo jambu kutusen ka ’de ka ’de ködyö kitakiŋdya lepeŋ; tomoran nanyit a tomoran na yeyeŋon ŋupi nagon molu ti bulo ’duddyo, a tumatyan nanyit mo tine bulo toliki asut.

Matayo 6:13

An do ko tikin yi i tema, ama lwöki yi i ŋilo loron.

Yoane 13:31

A nagon Yuda aje tu kaŋo nu, a Yesu kulyani adi, Soŋinana nan Ŋuro lo ŋuto bubula, a Ŋun bulani köyö i mugun.

Konesi 7:38

Lepeŋ a nye lo gwon i pirit na geleŋ ko ŋutu lo momora i yöbu, ko malaikatat lo jambu ko nye i mere Sinai lo, mora ko merenyejin kaŋ; a lepeŋ iŋge wuju kulyaesi lo yeyeŋon ti Ŋun, anyen nyönyökökin yi.

Roma 11:36

Kogwon lepeŋ lo gweja ŋo liŋ, ŋo liŋ yeŋon kogwon lepeŋ, köti ŋo liŋ tiriku lepeŋ. Ti bulet gwe ko lepeŋ ŋupi ŋupi. Amin.

Roma 12:3

Nyena kogwon ’busan nagon Ŋun a ’doggi nan na, nan takiŋdya ta adi, ti ta liŋ geleŋ geleŋ gwe ti yeyeju ’borik adi ta a ŋutu temejik lwölwöŋ nagon ta ködyö yeyeji na, ama ti ŋutu liŋ geleŋ geleŋ yeyeji ’börik ko töilyet lo lilik gwoso i temet na yupet nagon Ŋun a tiŋdu ta liŋ geleŋ geleŋ na.

Roma 16:27

Ŋun geleŋ logon a lokoŋ lo, ti bulet gwe ko lepeŋ kogwon Yesu Kristo ŋupi ŋupi! Amin.

Roma 3:2

Iŋkoi, lepeŋat gwon ko ’bulit a duma i ŋo liŋ. A kokwe Ŋun a yinikin Yudayaki i wuju na kulyaesi kanyit.

1 Korinto 10:31

Waset lio gwon sona adi, Kode ta nyenyesu, kode mömoju, kode koŋdya nyo, koŋdi ta po liŋ i bu ’ya na Ŋun.

1 Korinto 12:4

Mulökötyo Loke katinunit kata geleŋ logon ’dogga ŋutu kase i töilyet ko ’dokesi ka ’de ka ’de.

1 Korinto 3:10

Nyenagon gwoso nagon Ŋun a wulökin nan i ’busan na nyaŋu nanyit na, a nan ’boggi pipilisi gwoso nan a bodo ka ’dukonit, a lele ŋuro lo ’duŋge kata, ama Ŋutu liŋ agu ködyö meddya ’bura ko se gweyuŋdya ada i kilo pipilisi.

1 Korinto 6:20

Lepeŋ a gworun ta ko ropet duma, nyena bu ’ye ta Ŋun kasu i mugunya.

2 Korinto 2:17

Yi ti yeyekaddu kulyaet lo ŋun gwoso na koŋdi kulye ŋutu jore na, adi a ŋo na ’di ’dik nagon katujarak tutugwör kune; ama yi tokujö kulyaet lo ŋun ko to ’diri ko Kristo i mugun ko ŋun i komor, gwoso ŋutu logon Ŋun lo yökijö kilo.

2 Korinto 9:13

Ŋina kita nasu nagon ta kökon na kwekiŋdya adi yuŋet nasu a rye a gwak, a tiŋdi ŋutu jore i bu ’ya na Ŋun, kogwon keŋoddu nasu na Loŋe Lo ’but lo Kristo logon ta a ruk lo, a ta liŋgi ’dogga lepeŋat abur se ko ŋutu liŋ.

Epeso 1:19

A nyen ta bönö deden ko todumalan na riŋit nanyit gwanan nagon kikita kayan i mugunya, yi logon a yubbo kilo. Ŋina riŋit duma jojo ko riŋit nanyit duma parik

Epeso 4:29

Ti kulyaesi logon a lut gwe ti lupe kaŋo kasu i kutusen, ama tuŋ jambi ta kulyaesi lo ’but logon jojo parakiŋdya ŋutu gwoso nagon ködyö jujukin jama i diŋit nase na, anyen ŋutu lo yiŋga kilo kulyaesi kulo böŋö ryeju ŋo na ’but.

Epeso 5:20

Ŋupi tiŋdi ta ŋun Monye tinate i ŋo liŋ i karin ti Matat likaŋ Yesu Kristo.

Epeso 6:10

Kune gwe a kulya ti ’dutet, adi, Gwe ta a iŋgo ko Matat likaŋ i mugun, togo ’yi ta ’börik ko riŋit nanyit.

Pilipoi 1:11

a ta mo rade ludweki ti loti lo rigwo logon Yesu Kristo lo tiŋdu kulo, anyen Ŋun bubula ko anyen pupura.

Pilipoi 2:11

anyen ŋutu liŋ tukun kaŋo adi, Yesu Kristo a Matat, anyen Ŋun Monye bubula.

Kolosai 4:6

Ti jamesi kasu ŋupi gwe a lo ’but paleleŋ gwoso kinyo logon a yuro ko ’balaŋ, anyen ta böŋö deden ko ta ködyö waddu ŋutu liŋ geleŋ geleŋ ada.

1 Tesalonike 2:4

Ama Ŋun aje rukokin yi ko a yinikin yi i Takiŋdya na kulye ŋutu Loŋe Lo ’but, nyena yi Tambu ti gwon anyen tulyöŋgu Ŋutu, ama anyen tulyoŋgu Ŋun logon tetemeja töilyet kaŋ lo.

1 Timoteo 1:17

Nyena ti Mor lo yeŋ nyin logon ti twan, logon ti bulö meta, Ŋun lo geleŋ, ti nye gotani ko bulani ŋupi ŋupi! Amin.

1 Timoteo 6:16

Lepeŋ geleŋ ti twan, lepeŋ si ’da i parara nagon ŋuto ti bulö mijörö nyona, a lele ŋuto gwe a ko met lepeŋ kwöŋ a köti tine bulö meddya. Ti bulet se ko kido saret na yeŋ nyin gwe kanyit. Amin.

Tito 2:1

Do agu kodyo todiŋdyo ŋo nagon jujukin i todinet nagon tiŋdu ŋutu i gwon ’bura.

Tito 2:15

Sekilo kulyaesi logon do ködyö jajam. Kido liŋ a ’buruki do i jujuja, ko i ririŋga na ŋutu kayupök. Ti lele ŋuto ködyö gwe ti lanu do.

Ebere 13:7

Yiyiuŋdye ta temejik kasu, se logon köju jamakiŋdya ta kulyaet lo ŋun kulo. Yeyeji ta gwiliŋisi kase ko twatwa nase, miruŋdye ta yupet nase.

Ebere 5:12

Ta agu ködyö gwon a katodinök i na diŋit na, ama ta nyuŋ ’de ’dekan ti lele ŋuto nyöggi todinikiŋdyö ta todinesi suluesi ti kulyaesi ti Ŋun. Ta tuŋ ’de ’dekan möju le ti gwon a ’dilor.

Yakobo 1:19

Luŋasirik kwe lo nyanyara, dene ta den kine kulya. Ama ti ŋutu liŋ agu kodyo yiŋge yiŋga ’de ’de, ti se ’dore ’dor jambu, ko ti se ’dore ’dor woran.

Yakobo 1:26

Ko lele ŋutu yeyeju adi nye a lo ŋun, ama a nye tine teŋgu ŋedep lonyit, ŋilo ŋutu mumuluŋga mugun, a twoju nanyit gwe a go kana.

1 Petero 2:12

Gwe ta ko gwiliŋit lo ’but ko paganojin i komor, anyen na ŋökiŋdye se adi ta a katoronyak na, a se boŋo meddi konesi kasu na ’but a pupurje Ŋun i lor lo pöri nye lu.

1 Petero 2:5

anyen ta ’dukö gwoso ŋurupö lo gwon jörun a kadi na Mulö kötyo, anyen ta gwon a koanejin loke, i wukiŋdya na rubaŋgajin ti töilyet kasu logon Ŋun a ruk kogwon Yesu Kristo.

1 Petero 4:10

Ŋun a ’dogga yi liŋ ko ’dokesi ka ’de ka ’de, nyena ti yi gwe a kametak lo ’but ti kine ’dokesi, anyen tutunarakin ko ’börik ko kine ’dokesi.

1 Petero 4:16

ama ko lele ŋuto a ŋoŋgo kogwon nye a Kristianityo ti kwe nanyit gwe ti yu, ama ti nye bu ’ye Ŋun kogwon kine karin.

1 Petero 5:11

Ti tumatyan gwe ko lepeŋ ŋupi ŋupi. Amin.

Yuda 1:25

Ti bulet, ko tomoran, ko saret, ko kido, gwe ko lepeŋ kogwon kulya ti Yesu Kristo Matat likaŋ, suluja a kokwe i diŋitan liŋ, ko i na diŋit, se ko i diŋit na popo ŋupi ŋupi. Amin.