1 Petero 4:10 - Bibilia Buk na Ŋun nagon koti luŋu a

¹⁰ Ŋun a ’dogga yi liŋ ko ’dokesi ka ’de ka ’de, nyena ti yi gwe a kametak lo ’but ti kine ’dokesi, anyen tutunarakin ko ’börik ko kine ’dokesi.

1 Petero 4:10 ပူးပေါင်းရင်းမြစ်များ

Matayo 20:28

ma ’di gwoso nan Ŋuro lo ŋuto a po i kitakiŋdya na ŋutu, ti gwon anyen nan kikitaki; nan a po i tiŋdu na mugun nio i daggu na ŋutu jore.

Matayo 24:14

A lo Loŋe Lo ’but lo Tumatyan mo totokuöjine i kak ’bukuluŋ anyen tokurukiŋdyö kine kulya i ŋutu liŋ ti jurön, a kirut ’dutet mo na poŋdi.

Matayo 24:21

Kogwon mo gwon a poŋga duma parik, gwoso nagon ’beron a ko gwoŋdi na suluja i suluwa na kak tojo ko na diŋit, a molu tine pokin köti kwöŋ.

Matayo 24:45

Taki ta nan, köliŋönit lo yiyiniki i kita ko a lokoŋ a ŋa, logon duma lonyit a sarakiŋdya i meddya na mede nanyit, i korakiŋdya na köliŋönök kinyo i diŋitan na ’but?

Matayo 25:17

Nyena köti a nye lo wuju jurakan murek ti gurut lo iŋge tujarundya kulye jurakan murek.

Matayo 25:44

Nyena a se köti mo pije adi, MATAT, yi a met do ko magor nanu, kode ko kure, kode a lwakatyo, kode a limu kana, kode a gilö, kode i kadi rereket, a yi gwe a ko parakiŋdya do?

Marako 10:45

Kogwon ’diri nan Ŋuro lo ŋuto köti a po i kitakiŋdya na ŋutu ti gwon anyen nan kikitaki; nan a po i tiŋdu na mugun nio i daggu na ŋutu jore.

Luka 12:42

A MATAT waddi adi, Taki nan, köliŋönit lo yiyiniki i kita ko a lokoŋ a ŋa, logon duma lonyit a sarakiŋdya i meddya na mede nanyit, i korakiŋdya na kulye köliŋönök kinyo i diŋitan na ’but?

Luka 19:13

A nye luŋgi köliŋönök kanyit puök, a tiŋdi se liŋ geleŋ geleŋ ŋine. A nye takiŋdye lepeŋat adi, Tujaŋi ta ko kune tojo ko po nio.

Luka 8:3

ko Yöana nakwan na Kuja katiyunit lo mede na Erode; ko Susana, se ko kunie jore. A kine wate parakiŋdye lepeŋat ko ŋo kase.

Roma 15:25

Ama i na diŋit na, nan lo tu Yerusalema jakiŋdya ŋutu ti Ŋun ŋariet.

Roma 15:27

Lepeŋat ko ’börik lo yeyeju koŋdya sona, iŋkoi, lepeŋat gwon ko möri i parakiŋdya na se. Kogwon ko Yudayaki a parakiŋdya ŋutu ti jurön ko kulya ti Ŋun, a ŋutu ti jurön köti ködyö parakiŋdye Yudayaki ko ŋo ti mugun.

1 Korinto 15:10

Ama Ŋun ko ’busan nanyit na nyaŋu a tiŋdu nan i gwon gwoso na gwoŋdi nan i na diŋit na, a ’busan nanyit na nyaŋu gwe a ko kita köyö a po kana. Kölumbö nan a kita parik lwölwöŋ kulye liŋ, ma ’di ködyö ’bayin a nan lo kita, ama a ’busan na nyaŋu na Ŋun na gwon köyö i mugun na nye na kita.

1 Korinto 3:10

Nyenagon gwoso nagon Ŋun a wulökin nan i ’busan na nyaŋu nanyit na, a nan ’boggi pipilisi gwoso nan a bodo ka ’dukonit, a lele ŋuro lo ’duŋge kata, ama Ŋutu liŋ agu ködyö meddya ’bura ko se gweyuŋdya ada i kilo pipilisi.

1 Korinto 4:7

Löju, nyo lo tiŋdu do gwon ka ’de lwölwöŋ kulye ŋutu? Ŋo a nyo konut nagon do a ko wu? A ko do a wu lepeŋ, a nyo nagon do bu ’ye mugun gwoso nye ’bayin a ’doket?

2 Korinto 6:1

Yi kita ko Ŋun i pirit na geleŋ, nyena yi momo ’yu ta, an ta ko wuju ta ’busan na nyaŋu na Ŋun ko kana.

2 Korinto 9:1

Nyena ’bulit ’bayin i wurokiŋdyo nio na ta i kulya ti pariesi nagon paraki ’e ŋutu ti Ŋun,

Epeso 3:8

Ŋina ’busan a tiki nan logon a lo ’dit Iwolwoŋ ŋutu liŋ lo ’di ’dik ti Ŋun, anyen nan tokukindyo ŋutu ti juron Loŋe Lo ’but lo tukworien na Kristo nagon gagalaji ’bak ’dutet na.

Epeso 4:11

’Dokesi kanyit gwon sona adi, nye a tiŋdu kulye ŋutu i gwon a luyökie, kulye a nebijin, kulye a katokuök ti Loŋe Lo ’but, kulye a kayukuk ti ŋutu se ko kulye a katodinok ti Loŋe Lo ’but.

2 Timoteo 1:18

Do deden ’bura kitajin jore nagon nye a konakin nan Epeso yu kunu. Ti Matat tiki lepeŋ i ryeju na yatet nanyit na Matat i ŋilu lor lo ’dutet.

Tito 1:7

Kogwon kametanit duma kodyo gwon ’bak yuyuket, kogwon lepeŋ a katiyunit lo mede na Ŋun. Lepeŋ agu kodyo ti koŋdya gwoso nagon nye ’de ’dekan, lepeŋ kodyo ti woran ’de ’de, kode gwon a kamere, kode a kamörönit, kode goma gurut.

Ebere 6:10

Kogwon Ŋun ti gwon a loron, lepeŋ mo ti böŋöri kita nasu ko nyaŋu nasu na lepeŋ nagon ta a kitakiŋdye ŋutu kanyit, gwoso nagon ta nyuŋ kikitari na.

1 Petero 5:10

A i mukök nagon ta aje ŋoŋgo ko diŋit a na ’dit nu, a Ŋun lepeŋ mo toluduŋge ta, a togo ’yi ta, a togwi’dikiŋdye ta go. Lepeŋ a Ŋun logon ’busan na nyaŋu liŋ gwon ko lepeŋ, logon a lupuŋdya ta i parundya na bulet na yeŋ nyin ko Kristo i mugun lo.

1 Petero 5:12

Nan a wurökin ta ŋina leta na ’dit ko paret na Siliwano logon a luŋaser lo yubbö logon nan yiyinikin i kita lo. Nan wurokiŋöyti ta anyen togo ’yu ta ko anyen tokurukiŋdyö adi kine ŋo liŋ ’diri a ’busan na nyaŋu gwak na Ŋun. Gwo ’de ta go i na ’busan.