1 Petero 3:9 - Bibilia Buk na Ŋun nagon koti luŋu a

⁹ Ko ropakiŋdya ta toron ko toron, ko ŋutu a moru ta ko ropakiŋdya ta se ko moru, ama kölumbö luŋgi ta ’boriet ko Ŋun kogwon kulya kase, kogwon ta aje luŋuki i kine kulya anyen ta böŋö wuju ’boriet.

1 Petero 3:9 ပူးပေါင်းရင်းမြစ်များ

Suluet 42:25

A Yosepa saŋi adi ti jurakan kase kulo tojorene tojore ko ’bolot, adi ti gurut kase geleŋ geleŋ nyökökine kase i jurakan, Köti adi ti lepeŋat tikine kinyo lo kiko. A kine go iŋge konaki se.

Tolupesi 17:13

Ko do a konakin ŋuto ’bura a kolumbo nye ropakindye do ko toron, toron mo ti kolokin mede na ŋilo ŋuto kwoŋ.

Tolupesi 20:22

An do yeyeju ropakindya toron ko toron; möndi MATAT, lepeŋ mo ŋaparakin do.

Tolupesi 28:10

Ŋuto logon tulyaŋaddu ŋuto lo rigwo i kiko loron mo ’doro i dili na ’bok nye na; ama ŋuto logon ’bak yuyukesi mo ruddya go na ’but.

Matayo 19:29

Ŋutu liŋ logon aje kö ’yu midijik, kode luŋasirik, kode kiasirik, kode komonye, kode ko ŋote, kode ŋwajik, kode kak jin kogwon karin kwe kulo, mo wuju jore köti gwoso daŋin mia geleŋ, a molu wuji ru na yeŋ nyin.

Matayo 25:34

a kirut nan Mor mo kulyani ko se lo gwon köyö i swöt lo lutaten kulo adi, Po ta, ta logon Baba aje ’boroja kilo, wuji ta kido anyen ta gwon a ŋutu ti Tumatyan nagon aje tetenaki ta köju ’beron suluja i gweya na kak;

Matayo 5:39

Kölumbö nan takiŋdya ta adi, Do ködyö ti mörö ko ŋuto logon konakiŋdya do arabat. A ko lele ŋuto a naŋgu do i ŋebi lutaten, löpuköki lepeŋ lo kadoŋe lo köti anyen nanaŋa.

Matayo 5:44

Kölumbö nan takiŋdya ta adi, Nyare ta nyar merok kasu, ko momo ’yi ta Ŋun kogwon kulya ti ŋutu lo sasaŋdu ta kilo,

Marako 10:17

A na suluje Yesu jölö nu, a lele ŋuto woku wokun, a rugwuŋökine kak ko lepeŋ i komor, a pije lepeŋ adi, Katodinönit lo ’but, nan ködyö koŋdya nyo anyen wuju ru na yeŋ nyin?

Luka 10:25

Mete, a bodo lo Saresi ti Mose ŋine ki a ’deke möŋu lepeŋ pija adi, Katodinönit, nan koŋdya nyo anyen wuju ru na yeŋ nyin?

Luka 18:18

A lele temejiktyo pije Yesu adi, Katodinönit lo ’but; nan kodyö koŋdya nyo anyen wuju ru na yeŋ nyin?

Roma 12:14

Luŋgi ta ’boriet ko Ŋun i ŋutu logon sasaŋdu ta kilo; iŋkoi, luŋukiŋdye ta se ’boriet, an ta ko lombu ta se.

Roma 12:17

Ko ropakiŋdya ta toron ko toron. Tirikuni ta ŋo na ’but nagon ŋutu liŋ pupur kune.

Roma 8:28

kogwon yi deden adi ŋutu logon nyanyar Ŋun, logon nye a luŋun gwoso i yeyeet nanyit kulo, Ŋun kikita ko se i ŋo liŋ i tetenakiŋdya na se ŋo na ’but.

Roma 8:30

Nyena a Ŋun köti luŋgi se logon nye a gelun kulo; a kilo ŋutu logon nye a luŋun kulo a nye köti tiŋdi se i gwon rigwo kanyit i komor; a nye köti tiŋdi kilo logon nye a tikin i gwon rigwo kanyit i komor kulo i parundya na minyo lonyit.

Galatia 3:14

Lepeŋ a ŋoŋga sona anyen ’boriet nagon a ’boriarikin Abarayama na boŋo pokin i ŋutu ti juron ko Kristo Yesu i mugun, anyen yi boŋo wuju Mulokotyo kogwon yubbo nikaŋ. ŋun a milyekin tiŋöju yi lepeŋ.

Epeso 4:32

Gwe ta a lo ’but ko ’börik, ko i won konyen ko ’börik, ko i topitökin ko ’börik gwoso nagon Ŋun köti a pitökiŋdye ta ko Kristo i mugun na.

1 Tesalonike 5:15

Ti ŋuto logon a konaki arabat lo ti gwe ti ropakiŋdya ŋo naron, ama ŋupi möŋi ta i tukonakin ko ’börik ŋo nagon a na ’but ko i ŋutu liŋ.

Ebere 12:17

Ta deden adi, i mukök lepeŋ yono wuju ’boriet nagon a na kayu ama a nye inge renyarikin, ma ’di lepeŋ a mamaŋdu parik ko ŋolitan, ama lepeŋ ti ryö kiko logon nye löpuŋge no nagon nye a kon kune.

Ebere 6:14

A lepeŋ milyeji adi, ’Diri ’diri, nan mo ’bo ’boro do, a tiŋdi do nyakwariat jore.

1 Petero 5:10

A i mukök nagon ta aje ŋoŋgo ko diŋit a na ’dit nu, a Ŋun lepeŋ mo toluduŋge ta, a togo ’yi ta, a togwi’dikiŋdye ta go. Lepeŋ a Ŋun logon ’busan na nyaŋu liŋ gwon ko lepeŋ, logon a lupuŋdya ta i parundya na bulet na yeŋ nyin ko Kristo i mugun lo.

1 Samuele 26:11

Ti MATAT teŋgi nan an nan ’bulukiŋdyö könin liŋ ko ŋuto logon MATAT a welakin a mor lo; ama böŋö joŋgi gor nagon a rimiki kak nyona ko kwe nanyit ŋina, ko kere lo pioŋ, ko ti yi iti tu.