1 Petero 3:8 - Bibilia Buk na Ŋun nagon koti luŋu a

⁸ Kune gwe a kulya ti ’dutet adi, ta liŋ ködyö gwon ko töili gelen, i ŋaŋu na delyaesi ko lyöŋesi i pirit na geleŋ ko kulye ŋutu; tunyare ta tunyar ko ’börik gwoso luŋasirik, gwe ta kowon na konyen se ko töilyet lokoyokak.

1 Petero 3:8 ပူးပေါင်းရင်းမြစ်များ

Saumajin 103:13

Gwoso nagon monye wowon konyen ko ŋwajik kanyit na, sona a MATAT won konyen ko se logon kukuk lepeŋ kilo.

Tolupesi 28:8

Ŋuto logon buŋö möri ko wöli kode ’yalet anyen tundijö tukwörien nanyit ŋilo ŋuto ’de ’ya ŋurut kanyit a ti ŋuto lo won konyen ko lomerika.

Jakaria 7:9

MATAT lo kurumi lo kulya adi, ’Duŋge ta putesi rigwo, koti ŋutu liŋ ge-leŋ geleŋ kwekiŋdye ’borik nyaŋu kowon na konyen,

Matayo 18:33

Do köti ködyö ti won konyen ko kölipönit logon ta kita i pirit na geleŋ lo, gwoso nagon nan aje won konyen ko do na le?

Luka 10:33

Ama a Samariatyo na jolöri nye nu ’dure i pirit nagon nye gwon kata nu, a na meddi nye ŋilo ŋuto nu, a nye wone konyen ko lepeŋ.

Konesi 2:1

A nagon lor lo Pentekosta aje ’durökin nu, a ryeni lepeŋat liŋ aje momora i pirit na geleŋ.

Konesi 27:3

Ko ’bure a ki ’bo monoani Sidona, a Yuliŋ konakiŋdye Paulo ’bura, a iŋge kölörö lepeŋ i meddya na julin kanyit anyen paparaki.

Konesi 28:7

Nyena meleseno kata nyona ko ŋinu pirit nagon a ti Pubeliŋ duma lo ŋilu tikön. Lepeŋ a wu yi a iŋge konakin yi ’bura ko perok musala.

Konesi 4:32

A teŋ na kayupök gwe ko yeyeet geleŋ ko töili geleŋ, a lele gwe ’bayin logon kulya adi po kanyit a kanyit ka ’de, ama po liŋ papara.

Roma 12:10

Tunyare ta tunyar ko ’börik gwoso luŋasirik, möŋi ta kugga kulye ŋutu lwölwöŋ nagon ta kugga ’börik.

Roma 15:5

Ti Ŋun logon tiŋdu ŋutu i gwo ’dan go ko a katogolonit lo, ti lepeŋ tiŋdi ta i gwon ko yeyeet geleŋ ko ’börik i mirakiŋdya na Kristo Yesu,

1 Korinto 1:10

Nyena luŋasirik, nan mo ’yu ta i karin ti Matat likaŋ Yesu Kristo, toruköki ta ko ’borik i ŋo na jam ta kine, anyen ta gwon ti koŋa ko ’borik. Gwe ta a ŋo geleŋ ko toili geleŋ ko yeyeet geleŋ.

1 Korinto 12:26

Ko lele swöt lo mugun mimien, a mugun liŋ mine mien, a ko lele swöt lo mugun a bula, a mugun liŋ lyöŋi lyöŋön.

Epeso 4:2

Wöröni ta a lokoyokak ko toilyet lo lilik, i ŋoŋaddu taliŋ ko i tuyatakin ko ’börik i nyaŋu.

Epeso 4:31

Paji ta töilyet lo pötwör liŋ, ko woran liŋ nagon po ’de ’de, ko ŋoma liŋ, ko woŋon liŋ, ko momoröju liŋ, se ko maŋdu liŋ.

Epeso 4:32

Gwe ta a lo ’but ko ’börik, ko i won konyen ko ’börik, ko i topitökin ko ’börik gwoso nagon Ŋun köti a pitökiŋdye ta ko Kristo i mugun na.

Pilipoi 2:3

An ta ko koŋdya ta nene ŋo i deŋdya na teŋ nasu ka ’de, kode i bu ’ya na ’börik, ama gwe ta a lokoyokak i yeyeju na kulye ŋutu adi se a lo ’but lwölwöŋ ta ko ’börik kasu.

Pilipoi 3:16

Tuŋ ti yi möröddi ta ŋerot i ŋo nagon yi aje ’durökin kata na.

Kolosai 3:12

Nyenagon gwoso nagon Ŋun aje wulun ta a ŋutu kanyit lo nyanyara na, jupukiŋdye ta kine ŋo gwoso boŋgwat, kweja adi, won na konyen, ko kwekiŋdya na ’busan, ko tokoyokan, ko pele na lilik, se ko ŋoŋga taliŋ.

Ebere 13:1

Yeŋe ta nyaŋu ’börik gwoso luŋasirik ko Kristo i mugun.Yeyene ta yeye wuju Lwaka a kömu kasu i midijik.

Yakobo 2:13

Kogwon ŋutu logon ti yatakiŋdya lo mo ’duŋöki ’bak yataki, ama yatakiŋdya te ’ya ’duŋöki na putet.

Yakobo 3:17

Ama koŋon na po ki yu na, a kokwe a nake, lepeŋ a na taliŋ, ko a nakoyok. Ŋina koŋon tiŋdu ŋutu i yiŋga na yeyeesi ti kulye Ŋuto; lepeŋ a jore ko yatet, a rade ludweki lo ’but, lepeŋ ti nyunyumbö ŋutu, ko ti mumuluŋga.

Yakobo 5:11

Mete ta, yi lung tin titu logon a gwo ’dan go tojo ko ’dutet kulo a kalyönök. Ta aje yiŋ kulya ti nopaddu na Eyobo tojo ko ’dutet, a ta inge den ko Matat a konakin lepeŋ nyo i ’dutet. Kogwon Matat a jore kowon na konyen se ko yatakiŋdya.

1 Petero 1:22

Ta soŋinana aje toke ’ya ’börik i twöju nasu na kulya ’diri, a ta nyaŋi luŋasirik lo yubbö kilo ko tugwakan, nyena nyare ta nyar ’börik ko töilyet kasu liŋ.

1 Petero 2:17

Twoji ta ŋutu liŋ. Nyare ta nyar luŋasirik lo yubbo kilo. Kuŋge ta Ŋun. Twoji ta mor.

1 Petero 5:5

Köti ta teton kodyö twötwö temejik kasu. Ta liŋ ködyö jupukiŋdya tokoyok gwoso boŋgo anyen tokitakin ko ’börik; kogwon a wurö adi, Ŋun rerenya ŋutu kabulak ti kusik ama kwekiŋdya ’busan i ŋutu lokoyokak.

2 Petero 1:7

ko i ’yalakiŋdya na toluŋaseran kasu i kugga na Ŋun, ko i ’yalakiŋdya na nyaŋu kasu i toluŋaseran.

1 Yoane 3:14

Yi a den adi yi aje lwöpöddu kaŋo i twan tojo i ru, kogwon yi nyanyar luŋasirik. Nye logon ti nyaŋu lo lepeŋ yeŋon i twan.