1 Petero 3:18 - Bibilia Buk na Ŋun nagon koti luŋu a

¹⁸ Kogwon Kristo köti a twan daŋ geleŋ a ’dutet kogwon toronjin kaŋ; lepeŋ a ŋuto lo ’but a iŋge twan kogwon ŋutu lorok anyen joŋga yi ko Ŋun yu. Lepeŋ a tatua i mugun ama a toruöni i ködudwö.

1 Petero 3:18 ပူးပေါင်းရင်းမြစ်များ

Daniele 9:26

A i mukök na jimalan merya buker wot murek, a ŋuto lo welaki lo mo tukarani tukara, ama nagon kajunyök kanyit ’bayin; a ŋutu ti duma lo popo lo mo tukaŋi köji se ko pirit nake na rurwan. A ’dutet nanyit mo gwe gwoso bar, a gor mo lo gwe tojo ko ’dutet se ko körösi na saraki.

Jakaria 9:9

Ta ŋutu ti Siona, lyoŋi ta lyoŋon parik! Ta ŋutu ti Yerusalema, maraŋgi ta maraŋgu! Mete ta, mor losu ŋilo popo kasu ni; nye aje tutuŋgo moro ko aje te ’ya, lepeŋ a lokoyok i si ’da ’e i kaine, i kolojityo tore lo kaine.

Kenet 7:15

ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

Matayo 27:19

A na si ’dari Pilato i si ’daet ’dupet na putet nu, a nakwan nanyit sunyukiŋdye lepeŋ kutuk adi, Ti kulya kunök gwe ’bayin ko ŋilo ŋuto lo ’bak kulya, kogwon i lo lor nan a poŋga po jore i rudwe i kulya ti lepeŋ.

Matayo 27:24

A Pilato ko meddi adi ’bulit ’bayin, kölumbö a woŋon duma parik ŋdine ŋdi, a nye ’dumuŋdye pioŋ, a lalaji könisi kanyit ko lodir lo ŋutu i komor, kulya adi, Ti nan gwe pajo i rima ti ŋilo ŋuto. Kine gwe a kulya kasu ko ’börik.

Yoane 16:10

se köti a lyaŋan i kulya ti tugwakan kogwon nan lo iti ko Baba yu, a ta mo tine met nan koti;

Konesi 22:14

A nye kulyani adi, Ŋun lo merenyejin kaŋ a wuluŋdyö do anyen deden ’dekesi kanyit, ko anyen meddya Ŋuto lonyit Lorigwo se ko i yiŋga na lepeŋ i jambu ko gworo lonyit;

Konesi 3:14

Ama a ta renyani Ŋuto Loke ko a Lorigwo, a ta kölumbö muluŋdye katatuanit anyen tiki ta,

Roma 1:4

ama i gwon nanyit ko toili loke, lepeŋ a kweya ko riŋit a duma adi nye a Ŋuro lo Ŋun, kogwon toŋiyu nanyit i twan.

Roma 4:25

Ŋilo a Yesu logon a tatua kogwon toronjin kaŋ, a iŋge toŋiyu anyen tetenayeiŋdya yi a lo rigwo ko Ŋun i komor lo.

Roma 5:2

Lepeŋ a pakiŋdya yi kiko logon yi ryeji ’busan na nyaŋu nagon yi gwogwo ’di ’e na, a yi lyoŋi lyöŋön i yeŋdu adi yi mo parundya minyo lo Ŋun.

Roma 8:11

A ko Mulökötyo lo Ŋun lo toŋiju Yesu i twan lo gwolor kasu i mugunya, a nye lo toŋiju Kristo Yesu i twan lo mo köti toruje mugunya kasu na ’bu ’burön kine, kogwon Mulökötyo lonyit lo gwolor kasu i mugunya ŋilo.

Roma 8:3

Ŋo nagon kilo Saresi ti bulö koŋdya kune kogwon kune mugunya kaŋ a namunyak, a Ŋun lo koŋdi. Lepeŋ a sunyuŋdyö Ŋuro lonyit ko mugun na Ŋuto gwoso mugunya kaŋ nagon totoroŋdya kune, kogwon kulya ti toron, anyen ’duŋökiŋdyö putet riŋet lo toron na gwon i mugun na ŋuto lo la kak lo.

2 Korinto 1:24

Ti gwon adi yi tutumatyan i kulya ti yubbo nasu, kogwon ta gwoŋwo ’dan go i yupet nasu; ama yi kikita ko ta i pirit na geleŋ anyen ta gwon ko lyoŋon.

2 Korinto 13:4

Ma ’di kodyo lepeŋ a lomunyan i ’bikiki nanyit i kodini na goro, ama soŋinana lepeŋ gwon jorun kogwon riŋit na Ŋun. Yi a lomunyak ko lepeŋ i pirit na geleŋ, ama yi gwon Jorun i pirit na geleŋ kogwon riŋit na Ŋun i kulya kasu.

2 Korinto 5:21

Kristo ’bak toron, ama Ŋun a kon lepeŋ a toron kogwon kulya kaŋ, anyen yi bonö gwon ko torigwo na Ŋun kanyit i mugun.

Galatia 1:4

Ŋilo Yesu a tiŋöju mugun nanyit kogwon toronjin kaŋ anyen lwökuŋdyö yi kaŋo i na diŋit naron na, gwoso na ’deggi Ŋun Baba likaŋ na.

Galatia 3:13

Kristo aje dakuŋdya yi i lömit na gwon i Saresi ti Mose, a inge lomo kogwon kulya kaŋ, kogwon a wuro adi, Ŋutu logon a leleyo i kodini ki kulo a lomö ko Ŋun.

Epeso 3:12

Ko Kristo i mugun yi gwon ko topurwan kogwon yi a yubbö lepeŋ, a yi gwe a lui i tu ko Ŋun i komor.

Tito 2:14

Lepeŋ a tiŋdu mugun a rubaŋga kogwon kulya kaŋ, anyen dakuŋdya yi i toronjin liŋ, i toke ’ya na yi a ŋutu kanyit lomore, anyen yi gwon ko pusök i koŋdya na ŋo na ’but.

Ebere 10:10

Nyena kogwon Yesu Kristo a koŋdya gwoso nagon Ŋun ’de ’dekan na, yi a tokela kogwon lepeŋ a wukiŋdya mugun a rubaŋga dao geleŋ asut.

Ebere 9:14

Kristo a wukiŋdya mugun ko Ŋun i riŋit na Mulökötyo lo yeŋ nyin a rubaŋga gwoso kilolor logon ’bak yuyuket. Nyena bia parik rima kanyit totoke ’ya töilyet kaŋ logon deden adi yi a koŋdya ŋo nagon mo joŋga yi i twan, anyen yi böŋö kitakiŋdya Ŋun lo gwon jöruŋ.

Ebere 9:26

kogwon ko ködyö gwon sona, a lepeŋ ködyö aje nyöggu ŋoŋga daŋin jore suluja i gweya na kak. Ama lepeŋ soŋinana aje pukun daŋ geleŋ asut i diŋit na ’dutet anyen tiŋdu mugun nanyit a rubaŋga i tutuŋgö na toronjin liŋ.

Ebere 9:28

jojo köti Kristo a wukiŋdya mugun dao geleŋ anyen ’doggu toronjin ti ŋutu jore. Lepeŋ mo pupukun daŋ tomurek, ti gwon i kulya ti toronjin, ama joŋdya lwökit i ŋutu lo mömöŋdu nye ko pusök kulo.

Yakobo 5:6

Ta aje ’duŋgo putet lo ŋutu logon ’bak kulya, a ta iŋge tatu lepeŋ, a nye gwe a ko teggu ta.

1 Petero 3:19

A ködudwö nanyit iti i tokukiŋdyö na ködudwölön nagon a rereka kunu.

1 Petero 4:1

Nyena kogwon Kristo a ŋoŋga i mugun na, jupukiŋdye ta töili lo geleŋ anyen ta gaji ’börik, kogwon ko ŋuto aje ŋoŋga i mugun nye aje kö ’yu toronjin.

1 Petero 4:6

Kogwon ŋina kwe, Loŋe Lo ’but a tokuki i ŋutu lo twatwa. Ŋutu lo twatwa a ’duŋöki putet na gwoŋdi se i na kak gwoso na ’duŋöki ’e ŋutu liŋ na. Loŋe Lo ’but a tokuki se anyen ködudwölön kase böŋö ruru gwoso na gwoŋdi Ŋun na.

1 Yoane 1:9

Koyi tutuk toronjin kaŋ kaŋo, lepeŋ a lo rigwo ko a lo yiyiniki i pitökiŋdyö na yi i toronjin kaŋ ko i toke ’ya na yi i ŋo narok liŋ.