1 Petero 3:16 - Bibilia Buk na Ŋun nagon koti luŋu a

¹⁶ Gwe ta ko töilyet lo rigwo, anyen ŋutu lo liŋ i kiŋdyö gwolor nasu na ’but ko Kristo i mugun kulo boŋö wuju yu na kusik i ŋo na ’dö ’döji se ta kune.

1 Petero 3:16 ပူးပေါင်းရင်းမြစ်များ

Daniele 6:4

A kirut temejik se ko mödirön dumalak ga ’yi nene kwe nagon se pökiŋdye Daniele i kulya ti miri; ama a lepeŋat tine ryö nene kwe kode nene toron nagon se pökiŋdye lepeŋ kogwon lepeŋ a lo yiyiniki, a lyaŋet kode toron gwe a ko rye ko lepeŋ.

Matayo 5:11

Ta a kalyöŋök ko ŋutu momoröju ta, ko a sasaŋdi ta, ko a ŋökiŋdye ta kulya narok liŋ ka ’de ka ’de kogwon kulya kwe.

Konesi 24:16

Nyena nan ŋupi mömöŋu ’bura anyen gwon ko töili lo ’but logon toyiyikiŋdyö nan adi nan a ko konakiŋdya Ŋun arabat kode ŋutu.

Konesi 28:22

Kölumbö yi ’dekan yipuŋdya konut ko do yeyeju nyo, kogwon yi a den adi ŋutu jambu arabat i piritön liŋ i kulya ti ŋilo lapet.

Roma 9:1

Nan ŋilo jambu kulya ’dirigwoso ŋuto lo Kristo, nan ’bayin ’bu ’burönö; töili liŋ denet logon tiyu ko Mukölötyo Loke lo tuggö adi

2 Korinto 1:12

Bu ’ya nikaŋ na ’borik gwon sona adi, toilyet kaŋ a kwekin yi adi gwiliŋit likaŋ lo gwolorgi yi i ŋutu ti na kak ama kegga i ta lo, a lo rigwo i to ’diri na Ŋun. Ŋina ti po i kogon na ŋutu ama po i ’busan na Ŋun.

2 Korinto 4:2

Yi aje renya konesi na mukö ti yu na kwe, yi gwe ’bayin a kamumulukak. Yi ti tukwölöŋgu kulyaet lo Ŋun, ama tuŋ yi kwekiŋdya kulya ti to ’diri köke, a yi tiŋdi ŋutu liŋ ko Ŋun i komor i deŋdya kase i töilyet adi yi a lo ’but.

1 Timoteo 1:19

ko tito moriesi nagon a yupet se ko toili denet lo ’but. Kulye ŋutu a dukara toilyet kase denesi a swot a tolikiŋdye yupet nase gwoso ’diron na ki ’bo.

1 Timoteo 1:5

Kwe nagon yi sasaŋi sona na anyen tiŋdu se i nyaŋu ko nyaret na po kaŋo i toili loke, ko i deŋdya na ’but, se ko i yubbö ko to ’diri.

2 Timoteo 1:3

Nan a puŋa Ŋun logon nan a kitakiŋdya nye ko töili denet lo ’but lo gwoso nagon merenyejin kwe köju a kitakiŋdye lepeŋ nu. Nan puŋa lepeŋ na yeyeŋ nan do tuparan ko tukwaje koyo i kwasesi nu.

Tito 2:8

Tambi kulyaesi logon tiŋdu nutu i gwon ’bura, logon ti bulö yuyuko, anyen merok kaŋ totoyuŋ kusik, a gwe ’bak nene po naron nagon se jajam i kulya kaŋ.

Ebere 13:18

Kwakwaddi ta kogwon kulya kaŋ, kogwon yi a den adi töilyet kaŋ a ko tuggö adi yi a koŋdya arabat, ama yi ’de ’dekan koŋdya ŋo na ’but i diŋitan liŋ.

Ebere 9:14

Kristo a wukiŋdya mugun ko Ŋun i riŋit na Mulökötyo lo yeŋ nyin a rubaŋga gwoso kilolor logon ’bak yuyuket. Nyena bia parik rima kanyit totoke ’ya töilyet kaŋ logon deden adi yi a koŋdya ŋo nagon mo joŋga yi i twan, anyen yi böŋö kitakiŋdya Ŋun lo gwon jöruŋ.

1 Petero 2:12

Gwe ta ko gwiliŋit lo ’but ko paganojin i komor, anyen na ŋökiŋdye se adi ta a katoronyak na, a se boŋo meddi konesi kasu na ’but a pupurje Ŋun i lor lo pöri nye lu.

1 Petero 2:15

Kogwon Ŋun ’de ’dekan adi ti ta koŋdi ’bura anyen ŋutu lu ’bbo logon ti den kulya kilo böŋö yiŋa taliŋ.

1 Petero 2:19

Kogwon kodyö na a ŋo na ’but ko ŋuto ŋoŋgo taliŋ kogwon lepeŋ yeyeju Ŋun, ma ’di nagon nye a tomie ’bak kwe na kulya.

1 Petero 3:21

Kine pioŋ a kweyet na batisimo nagon lwöggu ta soŋinana. Batisimo ti gwon a lalaet na lut ti mugun, ama a milye logon milyeki Ŋun ko töili lo ’but. Batisimo lwöggu ta kogwon ŋien na Yesu Kristo i twan.

1 Petero 4:4

Paganojin sösöŋu kogwon ta a ko morakiŋdya ko se i gwiliŋit lose abur logon se koŋdya a wuya kana, a se liŋ i kiŋdye ta.