1 Petero 3:12 - Bibilia Buk na Ŋun nagon koti luŋu a

¹² Kogwon Matat meddya ŋutu lo rigwo, a lepeŋ gwe ajo i yiŋga na kwakwasesi kase; ama komor na Matat gwon a natun ko ŋuto lo koŋdya arabat.

1 Petero 3:12 ပူးပေါင်းရင်းမြစ်များ

2 Dekat 16:9

Kogwon konyen kanyit woŋu swötön liŋ ti kak anyen kwekiŋdya riŋit nanyit i parakiŋdya na ŋutu logon toilyet kase twoju lepeŋ kulo. Do aje koŋdya na ŋo ko tu ’böŋön; nyena suluja soŋinana tojo ko ŋerot do mo gwon ko moro.

2 Dekat 7:15

Nyenagon soŋinana konyen kwe mo meddi ko ’busan ko swo kwe mo gwon i yiŋga na kwakwasesi nagon a kwakwasarikin i na pirit kune.

Saumajin 11:4

MATAT gwon i kadi nanyit nake, MATAT si ’da i si ’daet nanyit na gwon ki yu; konyen kanyit memeddya ŋutu, lepeŋ gwulu ’ya kulya kase.

Saumajin 33:18

MATAT memet ŋutu logon kukuk lepeŋ kilo, iŋkoi, nye memet ŋutu logon yendu nyaŋu nanyit nagon ti ’duddyö kwöŋ na,

Saumajin 65:2

kogwon do yiyiŋ kwasesi. ŋutu liŋ mo ŋoŋo konut ni

Saumajin 80:16

Merok kaŋ a ’yur nye ko kimaŋ, a iŋge tukukin nye kak; mete met lepeŋat ko woran anyen se twatwa.

Tolupesi 15:29

MATAT gwoŋ pajo i ŋutu lorok, ama lepeŋ yiyiŋ momolesi ti ŋutu lo rigwo.

Tolupesi 15:3

Konyen ti MATAT gwoŋ i meddya na piritön liŋ, i wöŋu na ŋo narok ko na ’but.

Tolupesi 15:8

MATAT maman rubaŋgajin ti ŋutu lorok, ama a nye lyöŋi lyöŋön ko kwa-kwasesi ti ŋuto lo rigwo.

Yeremia 21:10

Nan MATAT lo kulya adi, Nan a komorga ŋina köji i kona­kiŋdya na lepeŋ ŋo naron ti gwon a ŋo na ’but; a ŋina köji mo ŋutu kine i konisi ti mor lo Babela, a lepeŋ mo ’yuŋe nye ko kimaŋ.

Yeremia 39:12

Joŋe lepeŋ, ko mete met lepeŋ ’bura, an do ko konakin lepeŋ arabat, ama konaki lepeŋ gwoso nagon lepeŋ kulyari ko do na.

Ejikele 15:7

A nan mo tiŋdi komor nio a naron ko lepeŋat; nyena ma ’di se ködyö a rwösöddu kaŋo i kimaŋ, ama kimaŋ mo nyuŋ tototum se; a ta mo dene den adi nan logon a MATAT na tiŋdi nan komor nio a naron ko lepeŋat nu.

Lewi 17:10

A ko lele ŋuto lo kömit na Yisaraele kode lo ŋutu logon si ’da kase kiden a lepelok lo a nyesu kunie rima, a nan mo tiŋdi komor nio a naron ko lu ŋuto logon a nyesu rima lo, a nan mo riköddi lepeŋ kaŋo i kiden na ŋutu kanyit.

Lewi 20:3

A nan köti mo tiŋdi komor nio a naron ko ŋilo ŋuto, a mo ’duŋörö lepeŋ kaŋo i kiden na ŋutu kanyit, kogwon nye a tiŋdu Molek lele lo ŋwajik kanyit a rubaŋga, i toluddya na pirit nio nake na rurwan ko i topoŋdya na karin kwe nake.

Lewi 20:6

A ŋuto logon a löpuköddu i se logon do ’ya ko kwen ti mulökö ko ’bunuk kawanak, i biryeni na ’börik ko lepeŋat gwoso kalupök, nan mo tiŋdu komor nio a naron ko lu ŋuto, a mo ’duŋörö lepeŋ kaŋo i kiden na ŋutu kanyit.

Lewi 26:17

a nan mo tiŋdi komor nio a naron ko ta, a ta mo telani tela ko merok kasu i komor; a se lo maŋdu ta kulo mo tumatyane ko ta, a ta mo wöki wökön ’bak ŋutu lo riköddu ta.

Jakaria 4:10

Kogwon ko ŋa logon aje lauŋdya lor lo kitarikin ŋo na ’di ’dik lu, a se mo lyoŋi lyöŋon na meddi se witi na leleyo ko Jerubabela i könin nagon temarikin gorom nu. Kilo konyen buryo a ti MATAT logon woŋu kak ’bukuluŋ.

Yoane 9:31

Yi deden adi Ŋun ti yiŋ katoronyak, ama ko lele ŋuto kukuk Ŋun a koŋdi ’dekesi ti lepeŋ, a Ŋun yiŋge ŋilo ŋuto.

Nyökit 11:12

nye a jur logon MATAT Ŋun losu a tirikuni i gaju; a MATAT Ŋun losu gwe i meddya na lepeŋ perok liŋ, suluja i suluet na kiŋa tojo ko ’dutet nanyit.

Yakobo 5:16

Nyenagon totuke ta toronjin kasu ko ’borik, ko kwakwasakiŋdye ta ’borik, anyen ta bönö totobiala. Kwakwaddu na nuto lo rigwo gwon ko riŋit a duma i koŋdya na no Jore.