A MATAT pipije Satani adi, Do ŋona a timun koliponit liŋ Eyobo? Lele ŋuto ’bayin i kak ni gwoso lepeŋ. Nye a ŋuto loke ko a lo rigwo, ko kukujono nan ko maman kulya narok. Lepeŋ nyuŋ ’depakiŋdya go i ’busan nanyit, ma ’di do kodyo a jujukin nan i tukaŋu na lepeŋ ’bak kwe na kulya.
anyen ta böŋo gwon a ŋwajik ti Monye losu lo gwon ki lu, logon tiŋdu kolor nanyit i nyerakin i ŋutu lo ’but ko lorok, ko a sunyuŋdye kudu i ŋutu lo yiyiniki ko logon ti yiniki.
Ama nyare ta nyar merok kasu, konaki ta lepeŋat ’bura. Rukökiŋdye ta se i kuröddu na ŋo kasu, an ta ko yeŋdu ropaki; a ta mo gwe ko ’doket a duma, a ta mo gwe a ŋwajik ti Katoŋanit lo ki liŋ; kogwon nye a lo ’but i ŋutu logon ti lyotion ko ŋo nagon se a wu kune ko a lorok i toilyet kulo.
A kirut Yesu kulyani ko lepeŋat adi, Nan pija ta adi, Nan nagon saret a ruk adi ti konani kona i Sabata, ŋo na ’but, kode ŋo naron? I lwöggu na ŋutu kode i tukaŋu na se?
Ko ŋuto tiŋdu töili lonyit i kulya ti gwiliŋit lo na kak, ŋina jakiŋdya lepeŋ twan, ama ko ŋuto tiŋdu töili lonyit i kulya ti Mulökötyo Loke, ŋina jakiŋdya lepeŋ ru se ko taliŋ.
Ju lio lo nyanyara, an do ko mirakiŋdya no nagon a narok kine, kolumbo mirakiŋdye ŋo nagon a na ’but. Nye logon koŋdya ŋo na ’but lo a lo Ŋun, ama nye logon koŋdya ŋo narok lo lepeŋ kwoŋ a ko met Ŋun.