1 Petero 2:9 - Bibilia Buk na Ŋun nagon koti luŋu a

⁹ Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.

1 Petero 2:9 ပူးပေါင်းရင်းမြစ်များ

Saumajin 106:5

anyen nan böŋö meddya ŋutu kulök logon do a wulun kilo i puputuru ’bura, anyen nan böŋö lyölyöŋön i nyola na ŋutu ti jur ilot, iŋkoi, anyen nan bubulö yuöggu ko ŋutu kulök lomoriot i ŋirit na geleŋ.

Saumajin 118:27

MATAT a Ŋun, nye aje tindu yi parara. Toŋi rubaŋga ko nekenet, joŋgi lepeŋ teŋ ko oŋgwora ti ŋirit ’yuret na rubaŋgajin.

Saumajin 135:4

Kogwon MATAT a wulundyö kötumit na Yakobo a nanyit tuŋ, iye, nye a wulundyö kotumit na Yisaraele a lomore nanyit.

Saumajin 22:30

Nyakwariat lo ŋoŋo mo kitakindya lepeŋ; a ŋutu mo jamakindye kulya ti MATAT i toberon na ŋoŋo.

Saumajin 33:12

Jur logon Ŋun lose gwon a MATAT lo, ŋutu kanyit a kalyö-ŋök, iŋkoi, ŋutu logon nye a wulun a lomore kanyit kulo a kalyöŋök!

Saumajin 73:15

Ko nan ködyö a kulya adi, Nan mo jambu sona, meddi, a nan ködyö gwe a ’burönit i ŋutu kulök.

Yisaya 26:2

Dane ta kötumitön ti mariŋ na köji, anyen ŋutu ti jur lo rigwo lo yiyiniki kulo bögö lupö nyin.

Yisaya 41:8

Ama do, kölipönit liŋ Yisaraele, Yakobo, logon nan a wulun, nyakwari lo ju liŋ Abarayaijia;

Yisaya 42:16

A nan mo tuwöpoji ŋutu mo ’dokeno i kiko logon se a ko den lo, a nan mo nyömöddi lepeŋat i gwokiot logon se a ko den kulo. A nan mo lopuŋge mudwe a parara kase i komor, a löpuŋge piritön ko ’dulan a na ’dayatak. A nan mo koŋdi kine kulya, a nan mo tine kölökin se.

Yisaya 44:1

Do Yakobo kölipönit liŋ, soŋinana yiŋge nan, do Yisaraele logon nan a wulun lo, yiŋge nan!

Yisaya 61:6

ama a ta mo luguni a koanejin ti MATAT, a ŋutu mo luŋgi ta a kölipönök ti Ŋun likaŋ; a ta mo nyesi tukwörien na jurön, a ta mo ruddye minyojin kase.

Yisaya 62:12

A se mo lupuni a Ŋutu loke, ko a Ŋutu ludakwe ti MATAT; a do mo luŋuni a Nanyanyara, a Köji na ti paye.

Yisaya 66:21

A nan mo joŋgi kulye kase köti a koanejin ko Lewijin, nan MATAT lo kulya.

Yisaya 9:2

Ŋuto lo wöwörö i mudwe kilo a meddya parara duma; se logon sisi ’da i jur logon twan gwon kata kilo, parara a loja se.

Malaki 3:17

A nan MATAT lo kurumi kulyani adi, Se mo gwon a ŋutu kwe, iŋkoi, se a ŋutu kwe lomoriot gwak i ŋilu lor lo kitari nan lu, a nan mo wone konyen ko lepeŋat gwoso nagon ŋuto won konyen ko ŋuro lonyit logon kitakiŋdya lepeŋ lo.

Matayo 4:16

ŋutu lo si ’da i mudwe kilo a meddya parara duma, se lo si ’da i jur logon twan gwon kata kilo parara a pukökin kase.

Matayo 5:16

Nyena ti parara nasu kobbi kobbu sona ko ŋutu i komor, anyen na meddi lepeŋat ŋo na ’but na kon ta kine nu, a se böŋö pupurje Monye losu lo gwon ki lu.

Luka 1:79

anyen pararakiŋdya i ŋutu liŋ logon si ’da i mudwe logon twan gwon kata kilo, ko anyen tuworoddu mokosi kaŋ i kiko lo taliŋ.

Yoane 17:19

Nan soŋinana aje gelun mugun kogwon kulya kase anyen se köti gegelwe i swöt lo to ’diri.

Konesi 20:28

Tiji ta ’börik, köti tiji ta teŋ na yidin ’bukuluŋ nagon Mulökötyo Loke a tiŋdu ta a kamemetak kase na, anyen ta yuggu kanisa na Matat, nagon nye a ryekin mugun ko rima kanyit na.

Konesi 26:18

Nan soŋdu do i ŋaju na konyen kase anyen se löpukuŋdyö kaŋo i mudwe tojo i parara, ko i löpukuŋdyö i riŋit na Satani tojo ko Ŋun ni, anyen toronjin kase böŋö pipitöki, anyen mora ko ŋutu logon Ŋun a wulun a kanyit kulo kogwon yubbö nase na nan.

Konesi 26:28

a Agaripa pije Paulo adi, Do yeyeju adi do bubulö löpuggö nan a Kristiani ko diŋit a na ’dit, anyen nan tuggö adi nan a yubbö le?

Roma 9:24

Yi gwoso kilo sapya logon nye wowoji konyen kilo. Nye a ko lupuŋdya yi i kiden na Yudayaki ka ’de, ama nye köti a lupuŋdya yi i kiden na ŋutu ti jurön;

1 Korinto 3:17

A ko lele Ŋuto a koŋu kadi na Ŋun, a Ŋun mo köti koŋi lepeŋ. Kogwon kadi na Ŋun a nake, a ta ko ’börik kasu gwe a kadi nanyit.

Epeso 1:14

Ŋilo Mulökötyo a tiki yi a waŋet lo lomore nagon yi a ko nyuŋ wu na, anyen kwekiŋdya adi yi mo wuwu i diŋit nagon Ŋun lwökuŋdyö yi anyen gwon a lui gwoso ŋwajik kanyit. A ti minyo lonyit pupurani pupura.

Epeso 1:6

Lepeŋ a kondya sona anyen yi pupurja kwelen na ’busan nanyit nagon nye a ’doggi yi kana na ko Ŋuro lonyit lo nyanyara i mugun.

Epeso 3:21

Ti nye bulani bula ko kanisa ko Kristo Yesu i mugun i nyakwariat liŋ ŋupi ŋupi. Amin.

Nyökit 10:15

ama a MATAT gwe ko pusök i nyaŋu na merenyejin kasu, a i mukök nase a nye wuluŋdye ta logon a nyakwariat kase, a nyaŋi ta lwolwöŋ kulye gweyajin liŋ ti ŋutu gwoso i lo lor na.

Nyökit 14:2

Kogwon ta logon a gweya na ŋutu logon a loke lo rurwan ko MATAT Ŋun losu, a MATAT aje wuluŋdyö ta i gwon a ŋutu kanyit lomoriot i kiden na gweyajin ti ŋutu liŋ logon gwon i na kak kulo.

Nyökit 18:2

Kweja adi se ’bak kak lomore i kiden na luŋasirik kase; a MATAT lepeŋ mo lo gwe a lomore lose gwoso na milyekiŋdye nye lepeŋat nu.

Nyökit 4:20

Ama MATAT aje joŋga ta kaŋo ko aje toyuöddu ta kaŋo i tuka nitet nagoŋ a Ejipeto, anyen gwon a ŋutu lomoriot kanyit gwoso na gwoŋdi ta i lo lor na.

Nyökit 7:6

Kogwon ta a gweya na ŋutu logon a gelwe a loke ti MATAT Ŋun losu, a MATAT Ŋun losu aje wuluŋdyö ta i kiden na gweyajin liŋ ti ŋutu logon gwon i na kak kulo anyen gwon a ŋutu kanyit lomoriot.

Pilipoi 3:14

Nan ri ’diara mugun ŋerot anyen ’durökin i pirit tutuŋet na opere.anyen böŋö wuju ’doket na gwon ki yu nagon Ŋun a lupukin yi i wuju ko Kristo Yesu i mugun na.

Kolosai 1:13

Lepeŋ a lwökuŋdyö yi kaŋo i riŋit na mudwe, a toyubödi yi i tumatyan na Ŋuro lonyit lo nyanyara lo.

2 Timoteo 1:9

Lepeŋ a lwöggu yi a luŋgi yi i gwon a Ŋutu kanyit loke. Lepeŋ a ko luŋgu yi kogwon ŋo na kon yi kune, ama kogwon yeyeet nanyit se ko ’busan na nyaŋu nanyit nagon nye a tiŋdu yi ko Kristo Yesu i mugun koju ’beron ti kak nyuŋ ’bayin.

Tito 2:14

Lepeŋ a tiŋdu mugun a rubaŋga kogwon kulya kaŋ, anyen dakuŋdya yi i toronjin liŋ, i toke ’ya na yi a ŋutu kanyit lomore, anyen yi gwon ko pusök i koŋdya na ŋo na ’but.

1 Petero 1:2

Ta koju aje wulwe ko yeyeet na Ŋun Monye anyen tokela ko Mulokötyo lonyit, anyen twoju Yesu Kristo, ko anyen gwagwata ko rima kanyit. Nan roman ko ta adi, Ti ’busan ko taliŋ gwe ko ta bia parik.

1 Petero 2:5

anyen ta ’dukö gwoso ŋurupö lo gwon jörun a kadi na Mulö kötyo, anyen ta gwon a koanejin loke, i wukiŋdya na rubaŋgajin ti töilyet kasu logon Ŋun a ruk kogwon Yesu Kristo.

1 Petero 4:11

Ko lele nuto totokujö ti nye tokuje kulyaesi gwoso lo lupe ko Ŋun i kutuk; ko lele ŋuto kikitakiŋdya, ti nye kitani i riŋit nagon po ko Ŋun, anyen Ŋun pupura i ŋo liŋ kogwon Yesu Kristo. Ti bulet ko riŋit gwe ko lepeŋ ŋupi ŋupi. Amin.

Kweyatti 1:6

logon a tiŋdu yi tumatyan i kitakiŋdya na Ŋun Monye lonyit a koanejin lo, koti ti kido saret gwe ko lepeŋ Ŋupi ŋupi. Amin.

Kweyatti 20:6

Se a kalyöŋök ko a loke se lo parundya ŋiet togeleŋ i twan kilo! A twan tomurek gwe ’bak riŋit kase loki, ama se mo gwon a koanejin ti Ŋun ko a ti Kristo, a se mo tumatyane ko lepeŋ i pirit na geleŋ ko kiŋajin aliŋ geleŋ.

Kweyatti 5:10

A do iŋge kon se a tumatyan na koanejin ti Ŋun likaŋ, a se mo tumatyane tumatyan i kak.

1 Samuele 12:22

Kogwon MATAT mo ti paju ŋutu kanyit, kogwon a ’deket na MATAT i tiŋdu na ta i gwon a ŋutu kanyit lomoriot kogwon karin kanyit na bubula.