1 Petero 2:5 - Bibilia Buk na Ŋun nagon koti luŋu a

⁵ anyen ta ’dukö gwoso ŋurupö lo gwon jörun a kadi na Mulö kötyo, anyen ta gwon a koanejin loke, i wukiŋdya na rubaŋgajin ti töilyet kasu logon Ŋun a ruk kogwon Yesu Kristo.

1 Petero 2:5 ပူးပေါင်းရင်းမြစ်များ

1 Moran 7:11

A kulye ŋurupö lo gwörö go gwe kase loki, logon a tuturu gwoso temesi kase, mora ko kaden logon gwoso tika.

Saumajin 141:2

Ti momolesi kwe gwe gwoso bökur lo ’yura konut i komor, ti mamanyaddu nio ko könisi gwe gwoso rubaŋga lo kona i koriri i ’doro na kolor!

Saumajin 50:14

Wukindye ta nan Ŋun pupuresi a rubaŋga, konakindye ta nan Katoŋanit lo ki liŋ ŋo na milyekin ta kune.

Saumajin 50:23

Ŋuto logon wukindya nan pupuresi a rubaŋga lo, nye bu ’ya nan; a nan Ŋun de kwekindye lwökit nio i ŋuto lo wöwörö rigwo lo.

Yuörö 19:6

a ta mo gwe köyö a koanejin ti mor, ko a jur lo gelwe a loke. Kilo a kulyaesi logon do ködyö jamakin Ŋutu ti Yisaraele.

Tolupesi 9:1

Koŋon a ’dukökindyö mugun kadi gwoso ŋuto, lepeŋ aje togwi ’dikindya togwo-diesi kanyit buryo.

Yisaya 61:6

ama a ta mo luguni a koanejin ti MATAT, a ŋutu mo luŋgi ta a kölipönök ti Ŋun likaŋ; a ta mo nyesi tukwörien na jurön, a ta mo ruddye minyojin kase.

Yisaya 66:21

A nan mo joŋgi kulye kase köti a koanejin ko Lewijin, nan MATAT lo kulya.

Osea 14:2

Teteŋdi ta kulyaesi kasu ajo ko yitwene ta ko MATAT ni; kulyani ta ko lepeŋ adi, ’Dumara toronjin liŋ; wuji go nagon a na ’but. a yi mo pupurje do gwoso ŋutu logon wukiŋdya rubaŋgajin.

Malaki 1:11

Kogwon karin kwe kukwon i kiden na gweyajin lio ti ŋutu suluja i swot lo ’yure tojo i swot lo tokotyaŋ, a bökur wukine nan i piriton lio se ko ’dokesi nake; kogwon karin kwe kukwon i kiden na gweyajin ti ŋutu, nan MATAT lo kurumi lo kulya sona.

Roma 12:1

Nyenagon luŋasirik kwe, ko-gwon Ŋun a won konyen koyi, nan mo ’yu ta anyen ta wukiŋdya lepeŋ mugunya kasu gwoso rubaŋga loke, ti gwon i tatua, ama anyen gwon jörun i tulyöŋgu na lepeŋ.Ŋina a twöju gwak nagon ködyö lupuŋdyö kasu i töilyet.

Roma 15:16

anyen nan gwon a köliŋönit lo Kristo Yesu, anyen nan kita i swöt lo ŋutu ti jurön i tokukiŋdyö na se Loŋe Lo ’but lo Ŋun. Nan gwon gwoso koane anyen wukiŋdya Ŋun ŋutu ti jurön a rubaŋga lo tulyöŋgu lepeŋ, ŋilo rubaŋga a tokela ko Mulökötyo Loke.

1 Korinto 3:16

Iŋkoi, ta ŋona ti den le adi, ta a kadi na Ŋun a Mulokotyo lo Ŋun gwolore kasu i mugunya?

1 Korinto 3:9

Kogwon yi paŋu kita na Ŋun i pirit na geleŋ, a ta gwe a melesen na Ŋun. A ta koti gwe a kadi nagon Ŋun ’du ’duk na.

1 Korinto 6:19

Ta a ko den le adi, mugunya kasu a kadi na Mulokotyo Loke lo gwon kasu i mugunya, logon Ŋun a tikin ta lo le? Ta ’bayin gwon a ’borik ko mugunya kasu ama ta a ti Ŋun.

2 Korinto 6:16

Kadi na Ŋun ŋona bubulö gwon a ŋo geleŋ ko nyömuejin le? Kogwon yi a kadi na Ŋun lo gwon jörun; gwoso na kulyari ŋun nu adi, Nan mo gwolor ko se, a mo wöröni ko se; a nan mo gwe a ŋun lose, a se mo gwe a ŋutu kwe.

Galatia 6:10

Nyenagon gwoso na gwoŋdi yi ko komor na ’but na, ti yi konakiŋdye ŋutu liŋ ŋo na ’but, kegga i se logon yi gwon a mede geleŋ ko se i yupet kulo.

Nyökit 18:2

Kweja adi se ’bak kak lomore i kiden na luŋasirik kase; a MATAT lepeŋ mo lo gwe a lomore lose gwoso na milyekiŋdye nye lepeŋat nu.

Pilipoi 1:11

a ta mo rade ludweki ti loti lo rigwo logon Yesu Kristo lo tiŋdu kulo, anyen Ŋun bubula ko anyen pupura.

Pilipoi 2:17

Ta wukiŋdya Ŋun yupet nasu gwoso rubaŋga, nyena ko ködyö rima kwe a ’yalaiki kata gwoso rubaŋga ’bu ’buket, a nan ködyö nyolani nyola ko a lyöŋi lyöŋön ko ta liŋ i pirit na geleŋ.

Pilipoi 4:18

Nan aje wuju ŋo liŋ ko kunie köti; nan gwe ko ŋo jore kogwon Epaporodito a tikin nan ’dokesi nagon ta a sunyun kune. Kine ’dokesi gwon gwoso rubaŋga lo mon paleleŋ logon wuki Ŋun logon nye a wu ko lyöŋön lo.

Kolosai 3:17

Ko ta koŋdya nyo, kode i jambu, kode i konesi, koŋdi ta ŋo liŋ i karin ti Matat Yesu, titiŋdu Ŋun Monye tinate i karin kanyit.

1 Timoteo 3:15

anyen ko nan a karakin, a do mo dene den ko ŋutu ködyö gwon ada i mede na Ŋun nagon a kanisa na Ŋun lo gwon jörun, ko a togwi ’diet ko a tökit lo kulya ti to ’diri.

Ebere 3:6

ama Kristo logon a Ŋuro lo mede lo a meddya mede na Ŋun ko töili lo to ’diri. Nyena yi kulo a mede na Ŋun ake koyi gwon a purwat ko a kalyöŋök i yeŋdu na kine kulya.

1 Petero 2:9

Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.

1 Petero 4:11

Ko lele nuto totokujö ti nye tokuje kulyaesi gwoso lo lupe ko Ŋun i kutuk; ko lele ŋuto kikitakiŋdya, ti nye kitani i riŋit nagon po ko Ŋun, anyen Ŋun pupura i ŋo liŋ kogwon Yesu Kristo. Ti bulet ko riŋit gwe ko lepeŋ ŋupi ŋupi. Amin.

1 Petero 4:17

Kogwon diŋit aje po nagon ’duŋdri putet; a ŋutu ti mede na Ŋun ’duŋökine putet a kokwe. Nyena koyi lo ’duŋöki putet a kokwe, a ’dutet nase mo gwe ada se logon rerenya Loŋe Lo ’but lo Ŋun kilo?

Kweyatti 1:6

logon a tiŋdu yi tumatyan i kitakiŋdya na Ŋun Monye lonyit a koanejin lo, koti ti kido saret gwe ko lepeŋ Ŋupi ŋupi. Amin.

Kweyatti 20:6

Se a kalyöŋök ko a loke se lo parundya ŋiet togeleŋ i twan kilo! A twan tomurek gwe ’bak riŋit kase loki, ama se mo gwon a koanejin ti Ŋun ko a ti Kristo, a se mo tumatyane ko lepeŋ i pirit na geleŋ ko kiŋajin aliŋ geleŋ.

Kweyatti 3:12

Ŋuto logon a te ’ya lo, nan mo tetenakin lepeŋ a togwi ’diet lo kadi na Ŋun lio, a nye mo kbti line tu kaŋo kata asut. A nan mo wurokiŋdye karin ti Ŋun lio kanyit i mugun, se ko karin ti köji na Ŋun lio, nagon a Yerusalema ludukotyo nagon a po kak ki yu ko Ŋun lio. A nan köti mo wurökiŋdye karin kwe ludukö kanyit i mugun.

Kweyatti 5:10

A do iŋge kon se a tumatyan na koanejin ti Ŋun likaŋ, a se mo tumatyane tumatyan i kak.