1 Petero 2:25 - Bibilia Buk na Ŋun nagon koti luŋu a

²⁵ Ta aje tobiala kogwon ’dikasin kanyit na ’bitoki kune.Ta koju aje gigiri gwoso yidin, ama soŋinana ta aje yitwe ko Kayukunit ni logon a Kametanit lo ködudwölön kasu lo.

1 Petero 2:25 ပူးပေါင်းရင်းမြစ်များ

Saumajin 119:176

Nan a girara gwoso köbilityo na likin; galaddi nan köliŋönit ilot kogwon nan ti böŋö saresi kulök.

Saumajin 80:1

Pon Kayukunit lo Yisaraele, tindi swö i yiŋga, do logon meyaddu kötumit na Yosepa gwoso teŋ na toro ’bo, yiŋge yi; do logon si ’da i kerubajin loki lo,

Yisaya 13:14

A ŋutu liŋ mo yitöni i ŋutu kase, a se liŋ mo wöki kase i jurön, gwoso nyama na totogora, kode gwoso yidin nagon ’bak katutunanit.

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Yisaya 53:5

Ama nye a remo kogwon lyaŋesikaŋ, nye a mumuyuka kogwon toronjin kaŋ; riŋesi na ’durukin kanyit loki kune se na tiŋdu yi gwon taliŋ, a ’dikasin na ’bitöki lepeŋ kune se na tobia ’yi yi.

Yisaya 53:6

Yi liŋ a gigiri gwoso yidin;yi a girara geleŋ geleŋ i kikolin kaŋ; a MATAT aje sopakin toronjin kaŋ liŋ kanyit loki.

Yeremia 23:2

Nyenagon nan MATAT ŋun lo Yisaraele lo jambu i kulya ti kayukuk lo yuggu ŋutu kwe kulo adi, Ta aje torekiŋdya teŋ na köbilu kwe, ta aje rikörö se mu ’diŋ, a ta gwe a ko met se ’bura. Mete ta, nan mo memet ta kogwon konesi kasu narok, ŋilo a nan MATAT lo jambu.

Ejikele 34:6

Köbilu kwe aje rekin, a lepeŋat wirte wirtö i loki na merya liŋ, ko i lurwat liŋ lojo. Iŋkoi, köbilu kwe aje rekin i kak ’bukuluŋ, a ŋutu gwe ’bayin lo pipija kode galaddu se.

Ejikele 37:24

A köliŋönit lio Dawidi mo lo gwe a mor lose, a se liŋ mo gwe ko kayukunit geleŋ. A se mo kebbi jujuwesi kwe, a tirikuni ’debba saresi kwe lo wurö.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Matayo 18:12

Ta yeyeju ada? Ko lele ŋuto gwon ko köbilu mia geleŋ, a nene nase geleŋ iŋge lyaŋan, nye ŋona ti kölökin merya buŋwan wot buŋwan kune i merya a galaddi na nagon aje lyaŋan na?

Matayo 9:36

A Yesu ko meddi lodir lo ŋutu a nye wone konyen ko se, kogwon se gwon gwosoyidin nagon ’bak kayukunit, a iŋge yo yoŋo a reki abur.

Konesi 20:28

Tiji ta ’börik, köti tiji ta teŋ na yidin ’bukuluŋ nagon Mulökötyo Loke a tiŋdu ta a kamemetak kase na, anyen ta yuggu kanisa na Matat, nagon nye a ryekin mugun ko rima kanyit na.

Ebere 13:20

Ŋun a toŋiju Matat likaŋ Yesu i twan, logon a kayukunit duma lo yidin kogwon ’bukwe na rima kanyit i tomoret nagon Ŋun a torukökin koyi ko milye lo yeŋ nyin.

Ebere 3:1

Nyenagon ta luŋasirik kwe logon Ŋun a gelun ko a luŋi parundya na kulya ti ki kulo, yeyene ta yeye Yesu. Lepeŋ a Luyökie ko a Koane duma i keri likaŋ lo yupet.

Ebere 5:2

Lepeŋ a lokoyok i ŋutu logon ti den kulya ko se logon lyalyaŋi kulo, kogwon tomunyan momok lepeŋ ko mugun nanyit.

1 Petero 3:20

Kine ködudwölön a ti ŋutu logon köju a renya twöju Ŋun, na mordi nye madaŋ i kulya kase i perok ti Noa na tetenari ki ’bo nu. Ŋutu ku ’dik, kweja adi budök ka ’de lo lwökwe i pioŋ i ki ’bo lukata.

1 Petero 5:4

A na pukuŋdye Kayukunit duma nu, a ta mo wuji Iŋguya telet logon a bulet lo ti riŋön.