1 Petero 2:24 - Bibilia Buk na Ŋun nagon koti luŋu a

²⁴ Nye lepeŋ lo ’doŋu toronjin kaŋ kanyit i mugun i kodini, anyen yi boŋo twatwa i kulya ti toron ko anyen ruru i kulya ti loti lo rigwo.

1 Petero 2:24 ပူးပေါင်းရင်းမြစ်များ

Suluet 22:6

A Abarayama ’dumuŋdye kaden ’yuresi ti rubaŋga kune, a ’dukukiŋdye ko ŋuro lonyit Yisaka i kwe, a nye joŋgi kimaŋ ko wale, a se liŋ murek iti tu.

Saumajin 147:3

Nye totoligga ŋutu logon töilyet kase a ’be ’beleŋo kilo, a nye toŋi ’dikasin kase.

Saumajin 38:4

Kogwon tukwölöŋesi kwe a muluja kwe nio, se a ru ’ya nan gwoso sopet na ŋömöni lwölwöŋ ’doggu nio.

Yuörö 28:38

A nye gwe ko Arona i komor, a Arona ködyö ’doggi lyaŋesi ti ŋo nake nagon Ŋutu ti Yisaraele mo gegeluŋ a ’dokesi kase nake liŋ kune; a ŋina beleŋ beleŋ ködyö gwe kanyit i komor ŋupi, anyen Ŋutu ti Yisaraele böŋö rurukö ko MATAT i komor.

Tolupesi 20:30

Masala lo böböŋöddu tokeladdu toron kaŋo, a ’bitesi na totomijö toluduŋge lukata na töili.

Yisaya 53:11

i mukök na dara na ködudwö nanyit a nye mo meddi parara, a piö yimönöni yimönö, a kölipönit liŋ lo rigwo lo mo ririkiŋdye ŋutu jore gwogwo, kogwon kuruŋdyönanyit, a nye mo ’doggi toronjin kase.

Lewi 16:22

a lu meetyo mo ’dokoddi ŋonyesi ti lepeŋat liŋ kanyit i mugun tojo i lele jur logon a wöli kana, a ŋuto ködyö kölökiŋdye lu meetyo i yöbu kata.

Lewi 22:9

Nyenagon se ködyö ’debba jujuwet nio, an se ’doggu toron i kulya ti jujuwet, a twatwane twatwa, na toluddye se jujuwet nu nan logon a MATAT logon geluŋdya se kaŋo a loke lo.

Malaki 4:2

Ama a kolor na loti lo rigwo nagon gwon ko kopukon tokelesi na mo puköki i ta logon kukuk karin kwe kilo. A ta mo luponi kaŋo lyölyöŋiörö gwoso kaja lo kolwe i gorwat.

Kenet 18:22

A ŋutu ti Yisaraele ködyö tine mijun nyona köti i kemia torumet, an se ko ’doggu toronjin kase an se twatwa.

Kenet 7:15

ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

Matayo 27:26

A kirut Pilato yukukiŋdye se Baraba, a nye tiŋdi Yesu i ’bitö ko kurubat logon a kwara, a ŋutukiŋdye lepeŋ i ’bikiki i ködini na görö.

Matayo 5:20

Kogwon nan kulya ko ta adi, ko löti losu lo rigwo a ko lwöŋ lo katodinok ti Saresi ti Mose se ko lo Parusijin, a ta mo tine lupö i Tumatyan na Ki.

Matayo 8:17

anyen ŋo na jam nebi Yisaya köju kunu ködyö kokona, nagon a jama adi, Lepeŋ a joŋga tomunyan nikaŋ, a iŋge sopa ko twana kaŋ.

Marako 15:15

a Pilato ’deke tulyöŋgu lodir lo ŋutu, nyena a nye yukukiŋdye lepeŋat Baraba; a nye tiŋdi Yesu i ’bitö ko kurubat logon a kwara, a kirut nye wukiŋdye lepeŋ i ’bikiki i ködini na görö.

Luka 4:18

Mulökötyo lo MATAT gwon koyo loki, kogwon nye aje welakin nan i tokukiŋdyo na lore lo ’but i ŋutu lomerika, nye aje son nan i laikiŋdya na ŋutu lo rereka i yukwe nase, ko i laikiŋdya na ŋutu mo ’dokeno adi se mo memeddya ko i köloddu na ŋutu lo ruda kulo a lui,

Yoane 1:29

A kotumalu Yoane meddi Yesu i po kanyit ni, a kulyani adi, Meddi ta Kilolor lo ŋun lo joŋga toronjin ti ŋutu ti na kak kapo malu!

Yoane 19:1

Nyena a Pilato joŋgi Yesu a tiŋdi lepeŋ i ’bitö ko kurubat logon a kwara,

Konesi 10:35

ama lepeŋ ruruk ŋutu ti jurön liŋ logon kukuk lepeŋ ko logon koŋdya po nagon a na ’but kulo.

Konesi 10:39

Yi aje met kulya liŋ nagon nye a kon i jur lo Yudayaki se ko i Yerusalema. A ŋutu iŋge tatu lepeŋ i ’bikikindyö na lepeŋ i ködini ki.

Konesi 13:29

a nagon lepeŋat aje koŋdya ŋo liŋ gwoso nagon köju a wurörikin i kulya kanyit nu, a se ’dumuŋdye öpu nanyit kak i kodini na goro, a topirikiŋdye i gulöm.

Konesi 5:30

Yesu logon ta a tatu i ’bikikiŋdyo na lepeŋ i ködini i? a görö lo, Ŋun lo merenyejin kaŋ aje topiju lepeŋ i twan.

Roma 6:11

Nyena köti dene ta den ’börik adi ta aje twatwa a gwe ’bayin i kulya ti toron, ama ta gwilipara jörun a ti Ŋun ko Kristo Yesu i mugun.

Roma 6:13

An ta ko tikin ta toron kulye swötön ti mugunya kasu gwoso tito kitaesi ti kulya narok, ama tiŋdi ta Ŋun ’börik kasu gwoso ŋutu lo toŋiyu i twan, tiŋdi ta Ŋun swötön ti mugunya kasu gwoso tito kitaesi ti löti lo rigwo.

Roma 6:16

Ta ’diri deden adi ko ta a tiŋdu ’börik gwoso ’dupi i kitakiŋdya ko i twöju na lele ŋuto, a ta ’diri gwe a ’dupi ti lepeŋ logon ta twötwö lo. Ko ta kitakiŋdya toron, a ’dutet nanyit gwe a twan, ama ko ta a katwöyök ti Ŋun, a ’dutet nanyit tiŋdi ta i gwon rigwo kanyit i komor.

Roma 6:2

’Bayin sona kwöŋ! Yi aje twatwa yi gwe ’bayin i kulya ti toron, a yi kirut yeŋe gwolor i toron kata ada?

Roma 6:22

Ama soŋinana ta aje yukwe kaŋo i toron a ta gwe a ’dupi ti Ŋun, nyena a ’bulit nagon ta wuwu na gwe a kelan, a ’dutet nanyit gwe a ru na yeŋ nyin.

Roma 6:7

kogwon ko ŋuto aje twan a lepeŋ tine ’duŋöki putet lo toron.

Roma 7:6

Nyena soŋinana kilo Saresi gwe ’bak riŋit kayaŋ, kweja adi yi aje twatwa yi gwe ’bayin i riŋit na ŋo logon köju morga yi go lu; yi soŋinana kitakiŋdye Ŋun i gwiliŋit lo töili ludukötyo ti gwon i saresi ti ’beron lo wurö kulu.

1 Korinto 15:3

Nan aje todinikin ta ŋo duma togeleŋ nagon nan aje wu na, kweja adi, Kristo a twan kogwon toronjin kaŋ gwoso na wurörikin köju nu adi lepeŋ mo tatatua,

2 Korinto 6:17

Nyenagon nan Matat lo kulya adi, Po ta kaŋo kase kiden, ko gwe ta ka ’de, an ta ko ’bo ’yu ta nene ŋo nagon a lut; a nan mo wuyuŋdye ta,

Galatia 3:13

Kristo aje dakuŋdya yi i lömit na gwon i Saresi ti Mose, a inge lomo kogwon kulya kaŋ, kogwon a wuro adi, Ŋutu logon a leleyo i kodini ki kulo a lomö ko Ŋun.

Epeso 5:9

Kogwon parara radan konesi nagon a na ’but, ko a ti löti lo rigwo ko a ti to ’diri.

Pilipoi 1:11

a ta mo rade ludweki ti loti lo rigwo logon Yesu Kristo lo tiŋdu kulo, anyen Ŋun bubula ko anyen pupura.

Kolosai 2:14

Lepeŋ aje seyara kulya kaŋ kaŋo nagon a wuröki i waraga kune. Kine kulya nagon tuggo adi yi a ’beleŋgu saresi a yi ködyö agu robbi se kune. Kweja adi lepeŋ aje baraddu ŋina waraga na möri nikaŋ, a iŋge ’bikikin i kodini na goro.

Kolosai 2:20

Ta aje twatwa ko Kristo i pirit na geleŋ i kulya ti mulökö ka ’de ka ’de ti na kak, nyena ko nyo ta nyuŋ gwolor gwoso ŋutu ti na kak i yiŋga na saresi gwoso kilo,

Kolosai 3:3

Kogwon ta aje twatwa, a ru nasu iŋge ’delaki ko Kristo i mugun, iŋkoi, ko Ŋun i mugun.

Ebere 10:10

Nyena kogwon Yesu Kristo a koŋdya gwoso nagon Ŋun ’de ’dekan na, yi a tokela kogwon lepeŋ a wukiŋdya mugun a rubaŋga dao geleŋ asut.

Ebere 10:5

Ko ŋina kwe, i diŋit nagon Kristo pöri i na kak nu, lepeŋ a kulya adi, Do ti ’bön rubaŋgajin se ko ’dokesi, ama do aje tetenakiŋdya nan mugun.

Ebere 12:13

tetene ta kikolin lo rigwo anyen ta wörö kata, anyen moköt lo nuto node gwon ti puleddya, ama kölumbö a tokelani tokela.

Ebere 7:26

Kogwon koane duma gwoso ŋilo ’diri a jukin yi. Lepeŋ a loke, ’bak kulya, a gwe a ko toluta, lepeŋ a gelaji kaŋo ko katoronyak kiden, soŋinana lepeŋ aje ’ ’biluŋ ki Iwolwoŋ ’diko.

Ebere 9:28

jojo köti Kristo a wukiŋdya mugun dao geleŋ anyen ’doggu toronjin ti ŋutu jore. Lepeŋ mo pupukun daŋ tomurek, ti gwon i kulya ti toronjin, ama joŋdya lwökit i ŋutu lo mömöŋdu nye ko pusök kulo.

Yakobo 5:16

Nyenagon totuke ta toronjin kasu ko ’borik, ko kwakwasakiŋdye ta ’borik, anyen ta bönö totobiala. Kwakwaddu na nuto lo rigwo gwon ko riŋit a duma i koŋdya na no Jore.

1 Yoane 2:29

Ko ta deden adi lepeŋ a lo rigwo, ta agu kodyo kukurun adi, ŋutu liŋ lo koŋdya ’bura kilo a ŋwajik ti Ŋun.

1 Yoane 3:7

Ŋwajik kwe, ti lele ŋuto gwe ti togiŋa ta. Nye logon yeŋon koŋdya ’bura lo a lo rigwo, gwoso na gwoŋdi Kristo a lo rigwo na.

Kweyatti 22:2

a ’doke i kiden na kiko lo köji. A ködini toruet gwe i na pele na kare ko i nu pele. Lepeŋat radan ludweki daŋin puök wot murek daŋ geleŋ temba i yapa, a koroŋo ti kilo kaden gwe a tolikesi ti jurön.