1 Petero 2:23 - Bibilia Buk na Ŋun nagon koti luŋu a

²³ Ko ŋutu a moru lepeŋ a nye tine ropakiŋdya moru; na ŋoŋgi nye nu, a nye gwe a ko tokujoŋdu ŋutu, ama a nye yinikiŋdye mugun ko lepeŋ logon lilija kulya rigwo lo.

1 Petero 2:23 ပူးပေါင်းရင်းမြစ်များ

Suluet 18:25

Ti do gwe pajo i koŋdya na ŋo gwoso ŋina i tatuja na Ŋutu lo rigwo ko lorok i pirit na geleŋ, anyen kulya ti Ŋutu lo rigwo ko lorok gwon jojo! Ti do gwe pajo i ŋo gwoso ŋina! Ka ’duŋönit lo kak liŋ ŋona ti ’duŋgö gwogwo le?

Saumajin 10:14

Do ’diri a met lepeŋ; iye do kakatimba sasanyesi ko yöyö-ŋesi, anyen do robba se; ŋuto logon ’bak riŋit lo yinikindyo mugun konut i könin; kogwon do lo gwon a kaparanit lo kikijikö.

Saumajin 31:5

Nan a tin ködudwö nio konut i könisi; ŋon MATAT, do a dakundya nan, do a Ŋun lo to ’diri.

Saumajin 37:5

Tindi MATAT kiko ilot; yendi lepeŋ a nye de kitani kita.

Saumajin 7:11

Ŋun a ka ’duqönit lo rigwo, iye, nye a Ŋun logon wowori ko katoronyak perok liŋ.

Saumajin 96:13

kogwon nye ŋoŋo i ’duŋgö na ŋutet lo na kak. Nye mo ’duŋgö ŋutet lo na kak rigwo, nye mo ’duŋgö ŋutet lo gweyajin ti ŋutu ko to ’diri nanyit.

Yisaya 53:7

Nye a sasanya, a nye iŋge toko-yoŋga mugun, ama a nye tine ŋaju kutuk; gwoso kilolor lo jikö i tatua, ko gwoso köbilityo na gwon taliŋ ko ka ’barinyuk i komor na, a nye tine ŋaju kutuk nanyit kwöŋ.

Luka 23:41

Yi ’diri riŋa a gwak, a yi ropakine ŋo nagon yi a kon kune; ama lo ŋuto a ko koŋdya nene ŋo naron kwöŋ.

Luka 23:46

a Yesu woŋe parik ko gworo lobot adi, Baba, nan a tin ködudwö nio konut i könisi; a na kulyari nye sona nu, a nye duwuŋdye duwuŋdya.

Luka 23:9

a nye pije lepeŋ ko piyesi jore, ama a Yesu gwe a ko wat lepeŋ kwöŋ.

Konesi 17:31

kogwon nye aje wuluŋdyö lor logon nye mo ’duŋge kulya ti ŋutu liŋ ti kak ko torigwo. Lepeŋ aje wuluŋdyö ŋuto a ka ’duŋönit, a iŋge tokurukin ŋutu liŋ adi kine kulya a gwak, kogwon nye a toŋiju lo ŋuto i twan.

Konesi 4:29

Nyenagon pon Matat, mete met tokujöŋdu nase na yi, ko tiki yi köliŋönök kulök i jambu na kulyaet ilot ko topurwan a duma.

Konesi 7:59

a nagon se gwon i gugubuja na Setepano nu, a nye kwakwaddi adi, Matat Yesu, wuji kodudwo nio.

Konesi 9:1

A Saula nyuŋ gwe i jöggi kopoma i tatuja na ŋutu ti Matat kajujumuk, a lepeŋ iti ko koane duma yu,

Roma 2:5

Ama do a miŋe ti ’bon löpuggo töili. Nyenagon do a ’delakiŋdya mugun riŋet a duma i lor lo woran na Ŋun logon nye mo kweji ’duŋgo nanyit na rigwo lu.

Epeso 6:9

Ta komorye kita, konaki ta lepeŋat sona köti. Kölöki ta woŋon ko se ko kulyaesi tokujönöesi. Dene ta den adi ta se ko lepeŋat Duma losu lu ki yu. Lepeŋ ti gwon a kanyunyumönit lo ŋutu.

2 Tesalonike 1:5

Kine kulya kwekiŋdya adi Ŋun ’duŋgö kulya gwogwo, anyen ta boŋö jujukin lupö i tumatyan na Ŋun, kogwon ta a ŋoŋga i kulya ti ŋina tumatyan.

2 Timoteo 1:12

a nan iŋge ŋoŋga ko ŋina kwe. Ama kwe nio ti yu, kogwon nan deden nye logon nan yuyuŋ lo, a nan iŋge den ’bura adi nye bubulo tiju ŋo nagon nan a yinikin lepeŋ kune tojo ko ŋilu lor lo ’dutet.

2 Timoteo 4:8

Soŋinana yöŋgi Iŋguya telet logon mömöŋdu nan, ŋilo Iŋguya a Löti lo rigwo logon Matat ka ’duŋönit lo rigwo mo tikin nan i lor lo ’dutet. Ti gwon a nan lo tiki geleŋ, ama tiki ŋutu liŋ logon gwon ko pusök i mböŋu na pukun nanyit kilo.

Ebere 12:3

Yeyeji ta ŋoŋga nanyit na rerenyesi ti katorönyak logon a rerenya ko lepeŋ kulo, anyen ta böŋö gwon ti dara a tine gwon ko töilyet lomunyak.

1 Petero 3:9

Ko ropakiŋdya ta toron ko toron, ko ŋutu a moru ta ko ropakiŋdya ta se ko moru, ama kölumbö luŋgi ta ’boriet ko Ŋun kogwon kulya kase, kogwon ta aje luŋuki i kine kulya anyen ta böŋö wuju ’boriet.

1 Petero 4:19

Nyenagon ti se logon a ŋoŋgo gwoso na ’deggi Ŋun na, ti se yeŋe koŋdya ’bura, ko ti se yinikiŋdye ’börik i Ka gweyanit lose logon jojo yiniki ti Iöpuggö lo.

Kweyatti 19:11

A kirut nan meddi ki gwon ŋa; mete, a kusan nakwe gwe nyu, a nye lo si ’daki kanyit loki lo luŋuni a lo To ’diri ko a logon Ti löpuggö kwöŋ; lepeŋ ’duŋgö putet gwogwo, a möröni gor ko torigwo.