1 Petero 2:22 - Bibilia Buk na Ŋun nagon koti luŋu a

²² Lepeŋ a ko koŋdya toron kwoŋ, a mumulukesi gwe a ko rye kanyit i kutuk.

1 Petero 2:22 ပူးပေါင်းရင်းမြစ်များ

Saumajin 34:13

Kweja adi, kunyar ŋedeŋ ilot i jambu na kulya narok, köti kunyar kutuk inot i jambu na mumulukesi.

Yisaya 53:9

A se wulekiŋdye lepeŋ dili nuket ikiden na katoronyak, i twan nanyit a nye nukakine i gulöm na ŋuto kwörinit, ma ’di nagon nye a ko koŋdya kulya naŋon kwöŋ, a mumulukesi gwe a ko rye kanyit i kutuk.

Matayo 27:19

A na si ’dari Pilato i si ’daet ’dupet na putet nu, a nakwan nanyit sunyukiŋdye lepeŋ kutuk adi, Ti kulya kunök gwe ’bayin ko ŋilo ŋuto lo ’bak kulya, kogwon i lo lor nan a poŋga po jore i rudwe i kulya ti lepeŋ.

Matayo 27:4

a kulyani adi, Nan aje toroŋdya i tiŋdu na ŋuto logon ’bak kulya i tatua. A se waddi adi, Kine ’bayin a kulyan kaŋ. Kine gwe a kulya kunök ko mugun.

Luka 23:41

Yi ’diri riŋa a gwak, a yi ropakine ŋo nagon yi a kon kune; ama lo ŋuto a ko koŋdya nene ŋo naron kwöŋ.

Luka 23:47

a na meddi duma lo kamörök mia geleŋ ŋo na kona nu, a nye pupurje Ŋun, a kulyani adi, ’Diri lo ŋuto a ŋuto lo rigwo.

Yoane 1:47

A na meddi Yesu Natanaele i po kanyit ni nu, a nye kulyani i kulya ti lepeŋ adi, Malo Yisaraeletyo gwak logon ’bak ’burönö!

Yoane 8:46

Lon losu logon bubulö joŋga nan i putet anyen tokurukiŋdyö adi nan a koŋdya toron? Ko nan jambu to ’diri a kirut nyo ta ti yuŋ nan?

2 Korinto 5:21

Kristo ’bak toron, ama Ŋun a kon lepeŋ a toron kogwon kulya kaŋ, anyen yi bonö gwon ko torigwo na Ŋun kanyit i mugun.

Ebere 4:15

Ŋilo koane duma likaŋ ti gwon a ŋuto logon ti bulö deŋdya tomunyan nikaŋ, kölumbö nye a ŋuto logon a tema ko möriesi i ŋo liŋ nagon a temarikin yi, ama nye a ko toroŋdya.

Ebere 9:28

jojo köti Kristo a wukiŋdya mugun dao geleŋ anyen ’doggu toronjin ti ŋutu jore. Lepeŋ mo pupukun daŋ tomurek, ti gwon i kulya ti toronjin, ama joŋdya lwökit i ŋutu lo mömöŋdu nye ko pusök kulo.

1 Yoane 2:1

Ŋwajik kwe, nan wurökiŋdyo ta kine kulya anyen ta böŋo gwon ti toroŋdya. Ama ko ködyö lele ŋuto a toroŋdya, yi kata ko ŋuto logon gwo ’dan i kulya kaŋ ko Ŋun Monye i komor, ŋilo ŋuto a Yesu Kristo logon a lo rigwo lo.

1 Yoane 3:5

Ta a den adi, lepeŋ a pukun anyen lepeŋ böŋo joŋga toronjin ti ŋutu kaŋo, a toron gwe ’bayin ko lepeŋ.

Kweyatti 14:5

Lepeŋat kwöŋ a ko jambu kulya ’burönö, a gwe ’bak yuyukesi.