1 Petero 2:11 - Bibilia Buk na Ŋun nagon koti luŋu a

¹¹ Julin kwe lo nyanyaia, nan mamaŋöju ta ko konisi murek adi, ta a lepelok ko a lo momonuŋdyö, nyena paji ta ’dekesi ti mugun nagon mömörö ko kodudwo kine.

1 Petero 2:11 ပူးပေါင်းရင်းမြစ်များ

Suluet 21:34

a Abarayama iŋge si ’da ko perok jore i jur lo Ŋutu ti Pelesete.

Suluet 23:4

Nan gwon a lwakatyo lo si ’da kasu kiden ko diŋit a na ’dit; koraki ta nan pirit nuket a nio, anyen nan ködyö ’de ’yi öpu nio na an nan nyuŋ memeddya nye.

Suluet 47:9

A Yakobo waddi Paro adi, Kiŋajin kwe logon nan a mönuŋdye i na kak kulo a kiŋajin mia geleŋ ko merya musala; kilo kiŋajin kwe ku ’dik ko a lorok, a tine töjowe ko kiŋajin lo mönuŋdye kobaba i na kak köju kulu.

1 Dekat 29:15

Kogwon yi a Lwaka konut i komor ko a ŋutu lo momonuŋdyö kana, gwoso na merenyejin kaŋ köju nu; perok kaŋ i na kak gwoso tölimot na mimijörö nagon ti bulö yeŋon.

Saumajin 119:19

Nan gwon a lwakatyo i na kak; an do ko ’de ’ya saresi kulök, nan ’de ’dekan se.

Saumajin 119:54

Nan yo ’yu kölisi i kulya ti saresi kulök lo wurö, i ŋirit na mönundye nan kata nu.

Saumajin 39:12

Pon MATAT, yiŋge momolesi kwe, ko tindi swö i yiŋga na gwien nio; ko yiŋa taliŋ i politan kwe; kogwon nan a kömutöt ilot lo mömönundyö, nan si ’da a lepetyo, gwoso na si ’dari merenyejin kaŋ liŋ nu.

Lewi 15:18

A ko lele ŋuto a doto ko ŋuto nakwan a kula yuŋweesi na poni kaŋo kanyit i mugun, a se murek liŋ ködyö tukwöji mugunya kase, a se gwe a lut tojo ko sömukö.

Lewi 25:23

A kak ködyö tine tugwörö asut, kogwon kak a nio; kogwon ta po nyin a lwaka ko a ŋutu logon si ’da köyö ni a lepelok.

Luka 21:34

Ama kunyar ta ’börik an töilyet kasu gwon pömöni ko rorweki, ko meran se ko wiwinyesi ti kak, an ŋilu lor jakakin ta adi wulek gwoso ridiket;

Konesi 15:20

ama ti yi kölumbö wurökiŋdye ta lepeŋat waraga, anyen se paju kinyojin logon wuki punyen logon a nyömuejin, kogwon a toluta; köti ti se teŋgi ’börik i towutön, ko i nyesu na ŋo nagon totolo, se ko i nyesu na rima.

Konesi 15:29

adi ta ködyö paju kinyojin logon wuki ŋunyen logon a nyömuejin, a paji nyesu na rima, ko nyesu na ŋo nagon totolo, köti ta ködyö teŋgu ’börik i towutön. Ko ta a teŋgu ’börik i kine ŋo, a ta mo koŋdi ’bura. Ti Ŋun gwe ko ta.

Roma 12:1

Nyenagon luŋasirik kwe, ko-gwon Ŋun a won konyen koyi, nan mo ’yu ta anyen ta wukiŋdya lepeŋ mugunya kasu gwoso rubaŋga loke, ti gwon i tatua, ama anyen gwon jörun i tulyöŋgu na lepeŋ.Ŋina a twöju gwak nagon ködyö lupuŋdyö kasu i töilyet.

Roma 7:23

ama nan a meddya köyö i mugun adi kulye saresi lepelok kata logon mömörö ko Saresi logon yeyeesi kwe a ruk kulo, a kilo saresi lepelok ’deke mokaddu nan a ’dupiet lo toron nagon si ’da köyö i inugun na.

Roma 8:13

Kogwon ko ta gwolor gwoso nagon mugunya kaŋ ti na kak ’de ’dekan na, a ta mo twatwane twatwa, ama ko ta tatuja konesi ti mugun i riŋit na Mulökötyo a ta mo rune ru.

2 Korinto 5:20

Nyena yi a gworolo ti Kristo, gwoso nagon Ŋun ko mugun nanyit lo mo ’yu ta kayaŋi kutusen na. Yi mo ’yu ta i karin ti Kristo adi, Morani ta mora ko Ŋun.

2 Korinto 6:1

Yi kita ko Ŋun i pirit na geleŋ, nyena yi momo ’yu ta, an ta ko wuju ta ’busan na nyaŋu na Ŋun ko kana.

2 Korinto 7:1

Julin kwe lo nyanyara, kulo rukesi a milyeki yi. Nyena ti yi toke ’yi ta ’börik i lut liŋ nagon toluddya mugun se ko töili kune, anyen yi gwon a loke ’bukuluŋ i kugga na ŋun.

Galatia 5:24

Ŋutu logon a ti Kristo Yesu kilo aje ’bikikiŋdyo i kodini na goro mugunya kase ti na kak nagon gwon ko kure na ŋo narok, ko ’dekesi narok kune.

Epeso 2:19

Nyenagon ta köti tine gwon a Lwaka ko a lepelok; ama ta a ŋutu ti jur geleŋ i pirit na geleŋ ko ŋutu ti Ŋun ko a ti mede nanyit.

Epeso 4:1

Nyenagon nan logon a rereka kogwon kulya ti Matat likaŋ lo, nan mo ’yu ta anyen ta böŋö wörö jojo i luŋit nagon a luŋuri ta na.

2 Timoteo 2:22

Nyenagon paji ’dekesi narok ti toteton, ko juŋe löti lo rigwo, ko yupet, ko nyaŋu, ko taliŋ, mora ko ŋutu lio logon ’diŋdya karin ti Matat ko töilyet loke kilo.

Ebere 11:13

A kilo ŋutu liŋ iŋge twakin i ŋina yupet. A lepeŋat gwe a ko wu ŋo nagon Ŋun a milyekin i tiŋdu na se kune, ama a se iŋge met kine ŋo pajo a se iŋge lyöŋön ko se. A se iŋge tukun köke adi se a Lwaka ko a lepelok i na kak.

Ebere 6:9

Ama ma ’di yi a jambu sona pon julin kwe lo nyanyara, yi a kurun kulya kasu a na ’but lwölwöŋ kune, kweja adi kine kulya mo tiŋdu ta i lwökö.

Yakobo 4:1

Nyo na tiŋdu mörö se ko rerenyesi kasu kiden? Ti gwon a ’dekesi ti go ti na kak nagon momoro kasu i mugunya kine le?

1 Petero 1:1

Nan Petero luyökie lo Yesu Kristo roman ko ta nutu ti ŋun logon aje tore aji, a mönuŋdye i Ponto, ko i Galatia, ko i Kapodokia, ko i Asia, ko i Bitunia kilo.

1 Petero 1:17

Ko ta kwakwaddu nye logon ’duŋokiŋdyo ŋutu liŋ gwoso i konesi kase ’bak nyunyumbö lo, a ta ’diŋdye lepeŋ adi Baba, nyena kuŋge ta lepeŋ na mönuŋdye ta i na kak ni na.

1 Petero 4:12

Julin kwe lo nyanyara, ko söŋu ta i ŋo na pokin i temba na ta gwoso na tembi kimaŋ na, adi ŋina ŋo a ŋo sörit nagon a pokin kasu ki.

1 Petero 4:2

Nyena ta ködyö joŋga pitönö na diŋit nasu i na kak anyen sara ko ’deket na Ŋun ti gwon ko ’dekesi ti mugun.

2 Petero 3:1

Julin kwe lo nyanyara, na soŋinana a leta nio tomurek na wurokin nan ta na. I kine letajin murek nan aje wuŋo i toyiyikiŋdyo na ta yeyeesi na rigwo,