1 Petero 2:1 - Bibilia Buk na Ŋun nagon koti luŋu a

¹ Nyenagon paji ta manesi liŋ, ko mumulukesi liŋ, ko ’burönö, ko yulön, se ko jamesi lorok liŋ.

1 Petero 2:1 ပူးပေါင်းရင်းမြစ်များ

Eyobo 36:13

A ŋutu logon ti twöju Ŋun kase i töilyet kulo ’de ’yi woran, a se tine gwien pariet na, rereggi nye lepeŋat nu,

Saumajin 32:2

Lyöŋön gwon i ŋuto ko MATAT a ko kenakindya lepeŋ tukwo-löŋ nanyit, logon mumulugga ’bayin ko lepeŋ i töili.

Saumajin 34:13

Kweja adi, kunyar ŋedeŋ ilot i jambu na kulya narok, köti kunyar kutuk inot i jambu na mumulukesi.

Saumajin 37:1

An do ko yulön i kulya ti ŋutu lo kondya arabat kilo, an do ko be ’ya ŋutu katoronyak.

Saumajin 73:3

kogwon nan a be ’ya kulya ti ŋutu kabulak ti kusik, i diŋit nagon nan a met adi ŋo liŋ ti ŋutu lorok wöröji ’bura nu.

Tolupesi 14:30

Toili lo potö tindu muŋun na ŋuto gwon ’bura, ama yulön köŋu kuyu ti ŋuto.

Tolupesi 24:1

An do ko be ’ya ŋutu katoronyak, kode ’dekan gwon a ju lose;

Tolupesi 24:19

An do ko yulon kogwon ŋutu lo kondya arabat, an do ko be ’ya ŋutu katoronyak;

Tolupesi 3:31

Ko be ’ya ŋuto kamönyi, an do ko wulundyö kebbu lele kiko lonyit asut.

Yisaya 2:20

A i ŋilu lor a ŋutu mo gumbe nyömuejin kase logon a pödö ko a dakap kaŋo, nagon se aje tetenakin ’börik anyen kwakwasa kine, a mo gubaki se i lunyöpu ’dulön ko i lukululiet,

Yisaya 30:22

A kirut a ta mo toluddye nyömuejin kasu lo gigiru lo mulua ko pödö se ko nyön mejin kasu lo ninitö lo mulua ko dakap. A ta mo totoreji se gwoso ŋo nagon a lut; a ta mo kulyani ko lepeŋat adi, Iŋgo ta!

Matayo 15:7

Ta kamumulukak! Yisaya a ’beron keju kulya kasu a gwak, adi Ŋun lo kulya adi,

Matayo 23:28

Nyena köti ŋutu met ta kaŋo a ŋutu ti löti lo rigwo, ama kasu lukata taajoreko mumulukesi se ko toronjin.

Matayo 24:51

a mo totoggi lepeŋ ka ’de ka ’de, a mo tiŋdi lepeŋ i parundya na pirit na ŋutu kamumulukak. A ŋutu mo gwine gwien a mo pije kala nyu.

Matayo 7:5

Do kamumulukanit, a kokwe kiyaŋ ’dumu bau kaŋo konut i koŋe, a kirut a do bulöni bulö meddya ’bura i kurutuŋdyö na korodoti na ’dit kaŋo ko luŋösur i koŋe.

Marako 12:15

Yi ködyö roröŋ kode ’bayin? Ama a nye iŋge den adi lepeŋat a kamumulukak, a nye pije se adi, Nyo ta möŋu nan? Taki ta nan gurusutöt, anyen nan memet.

Luka 11:44

Woidio ta! Ta gwon gwoso gulomö nagon ’bak ŋo gwuluesi, a ŋutu wöröni kase loki a tine den adi se a gulömo.

Luka 12:1

Nyenagon i ŋinu diŋit na momoruŋdye ŋutu aliŋan jorenu, a se gwe i toryok ko ’borik, a Yesu suluje kulya a kokwe ko ŋutu kanyit kajujumuk kulo adi, Kunyar ta kape ti Parusijin, kweja adi mumulugga nase.

Luka 6:42

Do bubulo kulya ada ko luŋaser ilot adi, Luŋaser liŋ, ti nan kurutu ŋina korodoti na ’dit kaŋo konut i koŋe, ama do kwoŋ a ko met bau na gwon konut i koŋe na? Do kamumulukanit, a kokwe kiyaŋ ’dumu bau kaŋo konut i koŋe, a kirut a do buloni bulo meddya ’bura i kurutuŋdyo na korodoti na ’dit kaŋo ko luŋösur i koŋe.

Yoane 1:47

A na meddi Yesu Natanaele i po kanyit ni nu, a nye kulyani i kulya ti lepeŋ adi, Malo Yisaraeletyo gwak logon ’bak ’burönö!

Roma 1:29

Lepeŋat a Jore ko gweyajin liŋ ti kulya narok, ko toron, ko goma, se ko töilyet lurwök. Lepeŋat a jore ko be ’ya, ko tatuja. ko mörö, ko mululugga, se ko töilyet lo pötwör. Lepeŋat a kayekak ti kulya,

1 Korinto 14:20

Luŋasirik, an ta ko gwon ta gwoso lupudiet i yeyeesi kasu; gwe ta gwoso lupudiet i kulya ti ŋisa, ama gwe ta a ŋutu lo wora i yeyeesi kasu denesi.

1 Korinto 5:8

Nyena ti yi koŋdi ta rorwe, ’bayin ko ambata nagon ko kape poroko logon a ŋisa ko toron, ama ko ambata nagon ’bak kape, iŋkoi, ambata nagon a kelan se ko kulya ’diri.

2 Korinto 12:20

Nan kukujönö adi kode ŋona ko nan a ŋo kasu pini, a nan mo ryeji adi ta gwon ka ’de ’bayin gwoso nagon nan ’de ’dekan na, a ta mo ryeji adi nan gwon ka ’de ’bayin gwoso nagon ta ’de ’dekan na. Nan kukujönö an nan ko ryö adi ta gwon i rerenya, ko i be ’ya, ko i woran, ko i deŋdya na ’börik ka ’de, ko i momoröju, ko i yeyeŋga na kulya, ko i bu ’ya na kusik, ko i wopesi.

Epeso 4:31

Paji ta töilyet lo pötwör liŋ, ko woran liŋ nagon po ’de ’de, ko ŋoma liŋ, ko woŋon liŋ, ko momoröju liŋ, se ko maŋdu liŋ.

1 Tesalonike 2:3

Kogwon tokujo nikaŋ ti gwon adi yi a giran, kode gwon ko yeyeesi ti lubbo, kode lulukuŋdya ŋutu.

1 Timoteo 3:11

Köti ti ŋutu wate gwe a na kukuka, ko ti se gwe ti gwon a kayeyekak ti kulya ’burönö. Lepeŋat kodyö ti gwon a ŋutu nagon woran ’de ’de, ama ködyö yiyiniki i ŋo liŋ.

Tito 2:3

Koti saŋi ŋutu wate nagon a temejik adi, ti se gwe gwoso ŋutu nagon kitakiŋdya Ŋun, ko ti se gwe ti gwon a kaŋöök, kode a ’dupi ti yawa.

Ebere 12:1

Nyenagon kulya kaŋ gwon ada? Yi aje loraki kiden ko ’diko duma parik na ŋutu logon a kwekiŋdya yupet kulo, ti yi rösöddi ta kaŋo ŋo liŋ na pömöni, se ko toron nagon a ’depakiŋdya kayaŋ i mugunya go na, ti yi möröddi ta wökön nikao na opere ’bak dara.

Yakobo 1:21

Nyenagon paji ta go liŋ nagon a lut se ko toronjin kasu na ’duroddu ki jore kine, ko gwe ta a lokoyokak i wuju na kulyaet logon lepeŋ a ’yutikin kasu i toilyet lo. Ŋilo kulyaet bubulo Iwoggu ta.

Yakobo 3:14

Ama ko ta gwon ko yulon na pötwör se ko bu ’ya nasu na ’borik kasu i toilyet adi ta a temakiŋdya, an ta ko bu ’ya ta ’borik, ko jambu ta ’buröno, a lauŋdye kulya ti A to ’diri.

Yakobo 4:11

Luŋasirik, ko jambu ta ’borik arabat. Kogwon ŋutu logon jambu arabat i kulya ti luŋaser lo kudyakan lepeŋ jambu arabat i kulya ti Saresi, a ko ŋuto ’duŋökiŋdyo luŋaser arabat kudyakan lepeŋ ’duŋökiŋdyö Saresi arabat. Ama ko do ’duŋökiŋdyö Saresi arabat, do ’bayin a kakonanit lo Saresi ama do a ka ’duŋönit lo putesi.

Yakobo 4:5

Ta gona yeyeju adi kulya ti Ŋun na wuro kune tuggo go kana le, na jambu adi, Ŋun yiyino parik adi ti kodudwolon nagon nye a tiŋdu kayaŋ i mugunya kune nyare nyar lepeŋ ka ’de?

Yakobo 5:9

Luŋasirik, an ta ko wiwinya ta ko ’borik arabat, an kulya kasu ’dunöki arabat. Meddi ta, ka ’duŋonit malu gwogwo ’dan i kotumit.

1 Petero 2:16

Gwe ta a luwi; ama ko kitari ta tolien nasu a muket na toron, ama gwe ta a ’dupi ti Ŋun.

1 Petero 2:22

Lepeŋ a ko koŋdya toron kwoŋ, a mumulukesi gwe a ko rye kanyit i kutuk.

1 Petero 3:10

Kogwon a wurö adi, ŋuto logon nyanyar gwon jörun, logon ’de ’dekan si ’da ’bura lo, ti nye ködyo teŋe teŋ ŋedep lonyit i kulya narok, ko ti teŋe teŋ kutuk nanyit i jambu na mumulukesi.

1 Petero 4:2

Nyena ta ködyö joŋga pitönö na diŋit nasu i na kak anyen sara ko ’deket na Ŋun ti gwon ko ’dekesi ti mugun.

1 Petero 4:4

Paganojin sösöŋu kogwon ta a ko morakiŋdya ko se i gwiliŋit lose abur logon se koŋdya a wuya kana, a se liŋ i kiŋdye ta.

Kweyatti 14:5

Lepeŋat kwöŋ a ko jambu kulya ’burönö, a gwe ’bak yuyukesi.