1 Petero 1:8 - Bibilia Buk na Ŋun nagon koti luŋu a

⁸ Ta nyanyar lepeŋ ma ’di kodyo ta a ko met lepeŋ: ta yuyuŋ lepeŋ ma ’di ködyö ta a ko met lepeŋ, a ta lyoŋi lyoŋön ko lyöŋön a duma parik nagon kulya kanyit ti bulo jama, ama gwon ko bulet a duma nagon po ki,

1 Petero 1:8 ပူးပေါင်းရင်းမြစ်များ

Koli Lo ’but Parik 1:7

Nyaratti lio, tuköki nan ko do yuggu yidin kunok ya, köti ko do tikin se ruŋön ya i tuparan kiden, anyen nan böŋö gwon ti wörö abur i kiden na teŋon ti yidin ti julin kulök.

Koli Lo ’but Parik 5:16

Kulyaesi kanyit paleleŋ parik, lepeŋ nyanyara ’bukuluŋ.Ta kö ’disi ti Yerusalema, nyaratti logon a ju lio gwon sona.

Koli Lo ’but Parik 5:9

Do nakwekwelen i kiden nakö ’disi, nyaratti ilot a nyo lwölwöŋ kulye lonyanyara? Nyo na tiŋdu lepeŋ i gwon a lo ’but lwölwöŋ kulye lonyanyara anyen do saŋi yi na?

Matayo 10:37

Ŋuto lo nyaŋu monye kode ŋote lwölwöŋ nan lo ti jukin i nan, köti nye lo nyaŋu ŋuro lonyit kode ŋuro nanyit lwölwöŋ nan lo ti jukin i nan.

Yoane 14:15

Ko ta nyanyar nan ta ’de ’dep saresi kwe;

Yoane 14:21

Ŋuto logon a wuju saresi kwe a ’debbi se lo, nye ŋilo lo nyanyar nan lo; a Baba mo nyaŋi ŋuto logon nyanyar nan lo, a nan köti mo nyaŋi lepeŋ a mo kwekiŋdye lepeŋ mugun nio.

Yoane 14:24

Ŋuto logon ti nyar nan lo ti ’dep kulyaesi kwe; kulyaesi logon ta aje yiŋ kilo ti gwon a kwe, ama a ti Baba lo sunyuŋdyö nan lo.

Yoane 16:22

Ta köti dedelya soŋinana, ama nan mo memet ta koti, a töilyet kasu mo lyöŋi lyoŋön, a ŋutu gwe ’bayin lo ’dumaddu lyöŋön nasu.

Yoane 20:29

A Yesu kulyani ko lepeŋ adi, Do ŋona yubbö kogwon do aje met nan? ŋutu logon a ko met nan ama aje yuŋ kilo a kalyöŋök.

Yoane 8:42

a Yesu kulyani ko lepeŋat adi, A ko ködyö Ŋun a Munyi, a ta ködyö nyanyar nan, kogwon nan pukun ko Ŋun, nan a po ni ko lepeŋ yu. Nan a ko po ko kulya kwe ti mugun, ama lepeŋ lo sunyuŋdyö nan.

Konesi 16:34

a nye joŋgi ko Paulo se ko Sila kanyit kadi, a tiŋdi lepeŋat kinyo, a lepeŋ se ko mede nanyit liŋ iŋge lyöŋön parik kogwon se aje yubbo Ŋun.

Roma 14:17

Kogwon tumatyan na Ŋun ’bayin a kulya ti nyesu kode möju, ama a kulya ti löti lo rigwo, ko taliŋ, se ko lyöŋön nagon Mulökötyo Loke lo tindu.

Roma 15:13

Ti Ŋun logon yenet gwon ko lepeŋ lo töjoreji ta ko lyöŋön liŋ se ko taliŋ liŋ kogwon yubbö nasu na lepeŋ, anyen yeŋdu nasu na lepeŋ ŋöŋdi a duma parik i riŋit na Mulökötyo Loke.

1 Korinto 16:22

Ko lele ŋuto ti nyaŋu Matat likaŋ ti Ŋun lömi löm lepeŋ. Marana tila!—kweja adi, Poŋdi Matat likaŋ!

2 Korinto 1:22

Lepeŋ a gigirikiŋdya gwuluet nanyit kayaŋ i mugunya i kwekiŋdya adi yi a kanyit, a iŋge tiŋdu yi Mulokotyo lonyit kayaŋ i toilyet gwoso waŋet lo ŋo nagon mo titiki yi kune.

2 Korinto 12:4

A ŋilo ŋuto i iŋgi yiŋ kulya nagon ti bulö jama, kweja adi kulya nagon ŋuto a ko ’buruki i jambu na se kune.

2 Korinto 4:18

kogwon yi ti diŋa ŋo na memeta, ama ŋo nagon ti meta; kogwon ŋo na memeta kune ’du ’duddyö, ama ŋo nagon ti metakune yeyeŋon ŋupi.

2 Korinto 5:7

kogwon yi wöwörö i kulya ti ŋo nagon yi yuyuŋ kine, ti gwon i kulya ti ŋo nagon yi memet.

2 Korinto 9:15

Tinate lo Ŋun kogwon ’doket nanyit a duma parik nagon ŋutu ti bulo jambu kulya kanyit na!

Galatia 5:22

Ama ludweki ti Mulokotyo ko ŋuto i toili gwon a nyaŋu, lyoŋon, gwon taliŋ, ŋoŋga taliŋ, gwon a lo ’but ko ŋutu, ’busan, yubbo na yeyeŋon,

Galatia 5:6

Kogwon koyi gwon ko Kristo Yesu i mugun, kulya ’bayin kode yi a tawero kode yi a ko tawero, ama ŋo duma tuŋ gwon a yupet nagon riŋit nanyit pukun i nyaŋu na.

Epeso 3:19

Nan momo ’yu lepeŋ adi anyen ta deŋdya ŋina nyaŋu na Kristo na yi nagon lwölwöŋ deŋdya na, anyen Ŋun logon a jore ko ŋo liŋ adi miliŋ lo böŋö tojoreju ta ko ru nanyit ’bukuluŋ.

Epeso 6:24

Ti ’busan gwe ko ŋutu liŋ logon nyanyar Matat likaŋ Yesu Kristo ko nyaŋu nagon ti bulö ’duddyö na.

Pilipoi 1:25

Nan a yuŋ ’diri adi ködyö gwon sona, anyen nan deden adi nan mo yeyeŋon gwolor ko ta liŋ i pirit na geleŋ, anyen ta böŋö puputuru ŋerot ko lyöŋön i na yupet.

Pilipoi 3:3

Kogwon yi kulo a ŋutu lo tawero gwak, logon twöju ko Mu lokötyo lo Ŋun, a yi bu ’ye ’börik ko Kristo Yesu i mugun, a tine yinikindyo ’börik i po ti na kak.

Pilipoi 4:4

Lyöŋi ta lyöŋön ko Matat i mugun perok liŋ; nan köti nyöggu kulya adi. Lyöŋi ta lyöŋön.

Ebere 11:1

Nyena koyi gwon ko yupet, yi yiyinikin ŋo nagon yi yeyen kune adi a gwak, a yi dene den adi ŋo nagon yi ti met kune adi se ’diri kata.

Ebere 11:27

Ko ŋina yupet, a Mose kö ’yi Ejipeto, a tine kujönö woran na mor; a lepeŋ iŋge ŋoŋaddu tojo ko ’dutet gwoso ŋuto logon a meddya Ŋun logon ti bulö meta lo.

1 Petero 1:6

Ko ŋina kwe lyöni ta lyöŋön, ma ’di soŋinana ta ŋoŋoŋga moriesi ka ’de ka ’de ko diŋit a na ’dit,

1 Petero 2:7

Nyenagon ta logon a yubbö lepeŋ kilo, ŋilo ŋurupit gwon kasu a ’bulit duma, ama i ŋutu logon a ko yubbö kilo, ŋurupit logon ka ’dukök a renya lo. aje wora a ŋurupit tutuŋet lo goŋet lo kadi; koti adi,

1 Petero 5:4

A na pukuŋdye Kayukunit duma nu, a ta mo wuji Iŋguya telet logon a bulet lo ti riŋön.