1 Petero 1:4 - Bibilia Buk na Ŋun nagon koti luŋu a

⁴ Yenet nagon yi a yuŋweki kata na kweja adi yi mo wuju lomore. Ŋina lomore a ’delaki ta ki yu, a mo tine bulö ’buron, kode koro, kode toriŋö.

1 Petero 1:4 ပူးပေါင်းရင်းမြစ်များ

Saumajin 31:19

’Busan inot duma gwanan nagon do a ’delakin i se logon twötwö do kilo, nagon do a konakin se logon a yendu do kilo i komor na ŋutu!

Saumajin 47:4

Nye a wulökin yi jur a likaŋ, a yi bu ’ye ’borik, yi kotumit na Yakobo logon lepeŋ nyanyar kulo.

Yisaya 66:22

Nan MATAT lo kulya adi, Gwoso nagon ki ludukötyo ko kak ludukötyo nagon nan mo gwegwe kune mo yeyeŋon köyö i komor, nyena a nyakwariat kasu ko karin kasu mo yeŋe yeŋon ŋupi.

Ejikele 47:12

A gwe-yarijin liŋ ti kaden logon ludweki kase nyenyei kulo mo ’duŋe i kijitön ti ŋilo kare i swötön kanyit liŋ murek. Koropo kase mo ti teteyon, a ludweki kase mo tine jaran i toran, ama se mo radan ludweki logon a ludukö temba i yapa, kogwon pioŋ kase ’dukun i pirit nake na rurwan. Ludweki kase mo gwon a kinyo, a koropo kase mo gwe a tolikesi.

Matayo 25:34

a kirut nan Mor mo kulyani ko se lo gwon köyö i swöt lo lutaten kulo adi, Po ta, ta logon Baba aje ’boroja kilo, wuji ta kido anyen ta gwon a ŋutu ti Tumatyan nagon aje tetenaki ta köju ’beron suluja i gweya na kak;

Marako 10:17

A na suluje Yesu jölö nu, a lele ŋuto woku wokun, a rugwuŋökine kak ko lepeŋ i komor, a pije lepeŋ adi, Katodinönit lo ’but, nan ködyö koŋdya nyo anyen wuju ru na yeŋ nyin?

Konesi 20:32

Nyena soŋinana nan tiŋdu ta ko Ŋun i könin ko i kulyaet lo ’busan na nyaŋu nanyit. Lepeŋ ko riŋit i gweyuŋdya na ta ki, ko i tiŋdu na ta ŋo na ’but ti mede nanyit na Ŋun, nagon ta se ko ŋutu liŋ logon a gelwe a ŋutu kanyit kilo mo wuwu kune.

Konesi 26:18

Nan soŋdu do i ŋaju na konyen kase anyen se löpukuŋdyö kaŋo i mudwe tojo i parara, ko i löpukuŋdyö i riŋit na Satani tojo ko Ŋun ni, anyen toronjin kase böŋö pipitöki, anyen mora ko ŋutu logon Ŋun a wulun a kanyit kulo kogwon yubbö nase na nan.

Roma 8:17

Koyi gwon a ŋwajik a yi mo wuji ŋo nagon Ŋun a ’delakin ŋwajik kanyit kune, a yi mo ŋaŋi se ko Kristo i pirit na geleŋ. Kogwon koyi a ŋarundya ŋoŋga na Kristo, a yi mo köti paruŋdye minyo lonyit.

1 Korinto 9:25

ŋuto liŋ logon mömöŋu i biryeesi kilo teteŋgu ’börik i ŋo liŋ.Lepeŋat koŋdya ’börik sona anyen wuju ’doket nagon a Iŋguya logon a koroŋo logon mo riripön lo, ama yi kulo teŋgu ’börik anyen wuju Iŋguya logon ti ripön kwoŋ.

Galatia 3:18

Kogwon ko ködyo lomore nagon ŋun titiŋdu na po kogwon ’debba na Saresi, kweja adi a ko po kogwon milye lo Ŋun adi nye mo titin. Kolumbö Abarayama a wuju lomore kogwon Ŋun a milyekin tiŋöju lepeŋ.

Epeso 1:11

Yi aje wulwe ko aje ’beron gelwe a nutu kanyit ko Kristo i mugun, kogwon ŋina a yeyeet nanyit na Ŋun logon tokitaju no liŋ gwoso na ’deggi nye na.

Epeso 1:14

Ŋilo Mulökötyo a tiki yi a waŋet lo lomore nagon yi a ko nyuŋ wu na, anyen kwekiŋdya adi yi mo wuwu i diŋit nagon Ŋun lwökuŋdyö yi anyen gwon a lui gwoso ŋwajik kanyit. A ti minyo lonyit pupurani pupura.

Epeso 1:18

Nan momo ’yu adi anyen toilyet kasu böŋö gwon ko parara, anyen ta böŋö deden ko lepeŋ lungu ta i yeŋdu na nyo, koti anyen ta böŋö deden ko tukworien na no na bubula nagon nye titin ta i naŋu se ko nutu kanyit kune a nyo.

Kolosai 1:12

i tiŋdu na Ŋun Monye tinate. Lepeŋ a koŋdya yi a jukin i parundya na ŋo ti ŋutu ti Ŋun na gwon i parara kune.

Kolosai 1:5

Ta gwon i yubbö ko i nyaŋu kogwon ta yeŋdu ŋo nagon a ’delaki ta ki yu kune. Ta köju a yiŋ kulya ti ŋina yenet i diŋit nagon Loŋe Lo ’but logon a kulyaet lo to ’diri a ’dur kasu ŋini.

Kolosai 3:24

kogwon ta deden adi Matat mo lo ropakiŋdya ta ŋo nagon nye a milyekin tiŋdu ta kune. Ŋilo a Kristo Matat logon ta kitakiŋdya nye lo.

2 Timoteo 4:8

Soŋinana yöŋgi Iŋguya telet logon mömöŋdu nan, ŋilo Iŋguya a Löti lo rigwo logon Matat ka ’duŋönit lo rigwo mo tikin nan i lor lo ’dutet. Ti gwon a nan lo tiki geleŋ, ama tiki ŋutu liŋ logon gwon ko pusök i mböŋu na pukun nanyit kilo.

Ebere 10:34

Kogwon ta a parundya sasanyesi ti ŋutu lo rereka, a i diŋit nagon ŋo kasu ryaryaka nu, a ta kölu-mbö lyöŋi lyöŋön, kogwon ta a den adi ta kata ko go na ’but parik nagon yeye-ŋon lwölwöŋ na ryaka kine.

Ebere 9:15

Nyenagon ko ŋina kwe, lepeŋ a katomoranit lo tomoret ludukötyo, anyen se logon Ŋun a luŋ kulo böŋö wuju ŋo nagon a lomore nagon ti ’duddyö, nagon nye aje rukökin na. Kine kulya bubulö, tuŋ kogwon twan nanyit kata nagon dakuŋdya ŋutu i toronjin nagon lepeŋat a kon na gwoŋdi se i saret lo tomoret na kokwe nu.

Yakobo 1:11

Kogwon ko kolor sa ’yi pape ko köbuŋöt lo yulöŋ, a teteyoŋdi döru adi kuyum, a köturön kanyit ’do ’done kak, a kwelen nanyit iŋge körö asut. Nyena ŋuto kworinit lo mo kakaŋu sona i kepoddu na kitajin kanyit.Ŋogga na temesi se ko te ’ya

1 Petero 3:9

Ko ropakiŋdya ta toron ko toron, ko ŋutu a moru ta ko ropakiŋdya ta se ko moru, ama kölumbö luŋgi ta ’boriet ko Ŋun kogwon kulya kase, kogwon ta aje luŋuki i kine kulya anyen ta böŋö wuju ’boriet.

1 Petero 5:4

A na pukuŋdye Kayukunit duma nu, a ta mo wuji Iŋguya telet logon a bulet lo ti riŋön.

Kweyatti 21:27

a nene ŋo nagon a lut mo tine tu nyin, kode lele ŋuto logon a koŋdya ŋo na mamana se ko ’burönö, ama ka ’de ŋutu logon a wuröki i buk na ŋilo Kilolor nagon a na ŋutu lo gwon jörun kilo mo lo tu nyin.