1 Petero 1:3 - Bibilia Buk na Ŋun nagon koti luŋu a

³ Ti Ŋun Monye Matat likaŋ Yesu Kristo purani pura. Lepeŋ ko yatet nanyit duma a tiŋdu yi i yuŋwe a luduko kogwon nye a toniju Yesu Kristo i twan, anyen yi gwon ko yenet nagon ti twan.

1 Petero 1:3 ပူးပေါင်းရင်းမြစ်များ

1 Moran 8:15

A nye kulyani adi, Ti MATAT Ŋun lo Yisaraele purani pura, kogwon nye aje koŋdya ko könin lonyit gwoso nagon nye aje milyekin monye lio Dawidi ko kutuk nanyit adi,

1 Dekat 29:20

A kirut Dawidi kulyani ko momoret liŋ adi, pupurje ta MATAT Ŋun losu. A momoret liŋ pupurje MATAT Ŋun lo merenyejin kase, a dulakiŋdye kusik kase kak, a bu ’ye MATAT, a twöji mor.

2 Dekat 31:8

A Kijikia se ko ŋutu kanyit lokukwon ko poŋdi i woŋu na ’domio kulu, a lepeŋat pupurje MATAT se ko ŋutu kanyit Yisaraele.

Saumajin 41:13

Ti MATAT ŋun lo Yisaraele ŋurani ŋura, suluja ’beron ’beron tojo ko ŋupi ŋupi. Amin! Amin!

Saumajin 86:15

Ama do ŋon MATAT, do a Ŋun logon wowon konyen parik ko ŋutu, do a kanyaranit, do a ’dikö i woran ko a jore ko nyaŋu nagon ti ’duddyö kwöŋ na ko to ’diri.

Saumajin 86:5

Kogwon do MATAT, gwon a lo ’but, do gwon ajo i pitökindyö, do nyanyar ŋutu liŋ lo luluŋgu do kilo ko nyaŋu a duma.

Yuörö 34:6

A MATAT lwöŋöddi kanyit i komor laŋa adi, MATAT, MATAT, lepeŋ a ŋun logon wowon konyen ko a kanyaranit, ’di ’dikö i woran ko a jore ko nyaŋu nagon ti ’duddyö kwöŋ se ko to ’diri.

Yisaya 26:19

Lo twatwa kulök mo ruru, öpuö kase mo ŋiŋien.

Yona 4:2

A nye momo ’yi MATAT a kulyani adi, Böŋo pon MATAT, a ko temakiŋdya köyö i kutuk na gwoŋdi nan köyo i jur nu le? ŋina a kwe nagon nan a nyoŋga wokön Tarasisa; kogwon nan a den adi do a Ŋun kanyaranit ko wowon konyen ko ’di ’diko i woran, ko a jore ko nyaŋu nagon ti ’duddyö kwoŋ, ko lölopuggö i ŋo nagon do konakin i ŋutu.

Yoane 1:13

Yuŋwe nase ti gwon gwoso na yuŋweni ŋutu na i ’dekesi ti mugun gwoso na ’deggi ŋutu na, ama yuŋwe nase a na Ŋun.

Roma 12:12

Lyöŋi ta lyöŋön i yeŋdu na ŋo ti Ŋun na popo. Yeoe ta ŋoŋaddu i sasanya nasu. Kwakwaddi ta kwakwaddu perok liŋ.

Roma 15:13

Ti Ŋun logon yenet gwon ko lepeŋ lo töjoreji ta ko lyöŋön liŋ se ko taliŋ liŋ kogwon yubbö nasu na lepeŋ, anyen yeŋdu nasu na lepeŋ ŋöŋdi a duma parik i riŋit na Mulökötyo Loke.

Roma 4:25

Ŋilo a Yesu logon a tatua kogwon toronjin kaŋ, a iŋge toŋiyu anyen tetenayeiŋdya yi a lo rigwo ko Ŋun i komor lo.

Roma 5:10

Kogwon ko twan na Ŋuro lo Ŋun a tomoruŋdya yi ko Ŋun i diŋit nagon yi nyuŋ a merok nu, bia parik yi logon aje tomora ko Ŋun kulo mo lwölwökö kogwon Ŋuro lonyit aje ru i twan.

Roma 8:11

A ko Mulökötyo lo Ŋun lo toŋiju Yesu i twan lo gwolor kasu i mugunya, a nye lo toŋiju Kristo Yesu i twan lo mo köti toruje mugunya kasu na ’bu ’burön kine, kogwon Mulökötyo lonyit lo gwolor kasu i mugunya ŋilo.

Roma 8:24

a i diŋit nagon yi aje lwökö nu a yi mo gwe ko yenet na kine kulya, ama koyi a yeŋdu ŋo nagon yi a met kune, ŋina ’bayin a yenet. Ŋuto a ŋa logon yeŋdu ŋo nagon nye memet?

1 Korinto 13:13

Do kata musala nagon yeyeŋon ŋupi; kweja adi yupet, ko yenet, se ko nyaret; ama nyaret nagon a duma na se liŋ.

1 Korinto 15:20

Ama ’diri Kristo a topiyu i twan, lepeŋ a waŋet lo kokwe lo ŋuto lo twatwa.

2 Korinto 1:3

Ti Ŋun Monye Matat likaŋ Yesu Kristo, logon a Monye yatakiŋdya ko a ŋun logon ti jaran i togo ’yu na ŋutu lo, ti nye purani pura.

Galatia 6:16

Ti taliŋ se ko yatet gwe i ŋutu liŋ logon kebbu lo kiko kilo, iŋkoi, i Yisaraele ti Ŋun.

Epeso 1:17

Nan mo ’yu Monye lo bubula logon a Ŋun lo Matat likaŋ Yesu Kristo, anyen nye bono tiŋdu ta konon na po ki nagon kwekiŋdya ta i deŋdya na lepeŋ.

Epeso 1:3

Ti Ŋun Monye Matat likaŋ Yesu Kristo purani pura! Lepeŋ aje ’boroja yi kayan i toilyet ko Kristo i mugun ko ’boriesi liŋ na po ki yu ko Mulokotyo Loke.

Epeso 1:7

Rima ti Ŋuro lonyit a dakuŋdya yi, a yi inge pitöki i toronjin kaŋ. ’Busan nanyit na nyaŋu a duma parik ti bulo tema.

Epeso 2:4

Ama Ŋun a kworiŋit i yatakiŋdya abur, nyaŋu nanyit nagon nye nyaŋi yi na a duma parik ti bulo tema.

Epeso 3:20

Ti Ŋun bulani bula. Lepeŋ bubulö koŋdya ’bak temet lwölwöŋ ŋo liŋ nagon yi a piyun ko a yeye kune, kogwon riŋit nanyit kikita kayaŋ i mugunya.

Kolosai 1:23

Ama ta agu kodyo yeŋon gwo ’dan go i yubbo nasu, an ta ko wusaji ta kaŋo i yeŋdu na kulya nagon ta a yiŋ i Loŋe Lo ’but kune. ŋilo Loŋe Lo ’but aje tokuki i ŋutu liŋ ti kak ’bukuluŋ; nan Paulo logon a katokuonit lo ŋilo Loŋe.

Kolosai 1:27

Ŋun ’de ’dekan kwekiŋdya lepeŋat ko ŋina Iwon a tukworien gwanan ko a minyo i kiden na juron liŋ. Ŋina Iwon a Kristo logon gwon kasu i töilyet lo, logon tiŋdu ta i yeŋdu na minyo logon ta mo wuwu lo.

1 Tesalonike 1:3

Yi koti ti jaran i yeyeju ko Ŋun Monye likaŋ i komoŋ gwoso nagon ta aje kitari yupet nasu, koti gwoso nagon nyaŋu nasu a tin ta i kita parik, ko koti gwoso nagon ta gwo’dan go i yeŋdu nasu na Matat likaŋ Yesu Kristo.

1 Tesalonike 4:13

Luŋasirik, yi ’de ’dekan ta deden kulya ti ŋutu logon aje twatwa kilo, anyen ta kodyo gwon ti gwigwitu gwoso Ŋutu logon ’bak yenet.

2 Tesalonike 2:16

Ti Matat Yesu Kristo ko mugun nanyit, se ko Ŋun Baba likaŋ logon nyanyar yi, ko a won konyen koyi i togo ’yu na yi ko tŋgolet nagon yeyeŋon se ko yenet na ’but lo,

1 Timoteo 1:14

a Matat likaŋ Kristo Yesu iŋge tiŋdu nan ’busan na nyaŋu nanyit abur i pirit na geleŋ ko yupet, se ko nyaret na gwon kanyit i mugun na.

Tito 2:13

na mömöŋdi yi lyöŋit logon yi yeyen lo, kweja adi a diŋit nagon ŋun duma Kalwokönit likaŋ logon a Yesu Kristo lo mo pupukun ko minyo.

Ebere 3:6

ama Kristo logon a Ŋuro lo mede lo a meddya mede na Ŋun ko töili lo to ’diri. Nyena yi kulo a mede na Ŋun ake koyi gwon a purwat ko a kalyöŋök i yeŋdu na kine kulya.

Yakobo 1:18

A nye yuŋuŋdye yi gwoso na ’deggi nye na kogwon kulyaet lo to ’diri, anyen yi ködyö gwon gwoso ludweki waŋesi i ŋo liŋ na gwe nye kune.

1 Petero 1:13

Gwe ta ajo kasu i yeyeesi gwoso ŋuto lo kukunakiŋdya mugun i kita. Tiji ta ’borik. Tuŋ yeŋdi ta ’doket nagon Yesu Kristo mo jakin ta na poŋdi nye nu.

1 Petero 1:21

Ta a yubbö Ŋun kogwon lepeŋ. Ŋun a toŋiju lepeŋ i twan a tiŋdi lepeŋ i bula, anyen ta yuyubbö a yeŋdi Ŋun.

1 Petero 1:23

Ta aje yuŋwe a luduko. Yuŋwe nasu ti gwon a na na mugun nagon ’bu ’burön na, ama a na yeyeŋon. Ta aje yuŋwe kogwon kulyaet lo Ŋun logon gwon jörun lo ko yeyeŋon.

1 Petero 2:2

Gwe ta gwoso lupudiet lo pete ta ’due logon yöŋö ŋöggu le. Nyena yöŋöni ta kinyo logon Mulökötyo Loke lo tiŋdu logon ’bak mumuluket, anyen ta böŋö ’duruŋdyö ki i lwökö kogwon nye.

1 Petero 3:15

ama twöji ta Kristo a Matat kasu i töilyet. Gwe ta ajo ŋupi i nyönyökökiŋdyö na ŋutu liŋ logon pija ta i ŋo na yen ta kine. Ama tokuruki ta se ko tokoyokan se ko twöju.

1 Petero 3:21

Kine pioŋ a kweyet na batisimo nagon lwöggu ta soŋinana. Batisimo ti gwon a lalaet na lut ti mugun, ama a milye logon milyeki Ŋun ko töili lo ’but. Batisimo lwöggu ta kogwon ŋien na Yesu Kristo i twan.

1 Petero 3:5

Nyena gwon sona köju ’beron, adi wate nagon a katwoyok ti Ŋun nagon a yeŋdu lepeŋ kine. totokwelen ’börik kogwon se ruruk sara ko lyan kase.

1 Yoane 2:29

Ko ta deden adi lepeŋ a lo rigwo, ta agu kodyo kukurun adi, ŋutu liŋ lo koŋdya ’bura kilo a ŋwajik ti Ŋun.

1 Yoane 3:3

Nyena ŋutu liŋ logon yeŋdu Kristo kilo ködyo toke ’ya ’borik gwoso na gwoŋdi nye a loke na.

1 Yoane 3:9

Ŋuto logon Ŋun lo yupuŋdyö lo ti yeŋ po koŋdya toron, kogwon gwesin ti Ŋun gwon kanyit i mugun, a lepeŋ tine bulo yeŋon koŋdya toron kogwon lepeŋ a ŋuro lo Ŋun.

1 Yoane 4:7

Ta lo nyanyara kilo, ti yi tunyare ta tunyar ko ’börik, kogwon nyaŋu po ko Ŋun yu. Nye logon nyanyaŋu lo a ŋuro lo Ŋun, a deŋdi Ŋun.

1 Yoane 5:1

Ŋutu liŋ logon yubbö adi Yesu a Masia kilo a ŋwajik ti Ŋun. Ŋuto logon nyanyar monye ŋwajik lepeŋ nyanyar ŋwajik kanyit köti.

1 Yoane 5:18

Yi deden adi ŋuto logon Ŋun lo yupuŋdyö lo ti yeŋon koŋdya toron, ama a Ŋuro lo Ŋun lo tiji lepeŋ, a Ŋilo Loron tine ’bo ’yu lepeŋ.

1 Yoane 5:4

Kogwon ŋutu liŋ logon Ŋun lo yupuŋdyö kilo a te ’ya na kak, a yubbö nikaŋ gwe a telet nagon yi te ’yi na kak na.