1 Petero 1:17 - Bibilia Buk na Ŋun nagon koti luŋu a

¹⁷ Ko ta kwakwaddu nye logon ’duŋokiŋdyo ŋutu liŋ gwoso i konesi kase ’bak nyunyumbö lo, a ta ’diŋdye lepeŋ adi Baba, nyena kuŋge ta lepeŋ na mönuŋdye ta i na kak ni na.

1 Petero 1:17 ပူးပေါင်းရင်းမြစ်များ

Suluet 47:9

A Yakobo waddi Paro adi, Kiŋajin kwe logon nan a mönuŋdye i na kak kulo a kiŋajin mia geleŋ ko merya musala; kilo kiŋajin kwe ku ’dik ko a lorok, a tine töjowe ko kiŋajin lo mönuŋdye kobaba i na kak köju kulu.

1 Dekat 29:15

Kogwon yi a Lwaka konut i komor ko a ŋutu lo momonuŋdyö kana, gwoso na merenyejin kaŋ köju nu; perok kaŋ i na kak gwoso tölimot na mimijörö nagon ti bulö yeŋon.

2 Dekat 19:7

Nye­nagon kujono ni ta MATAT; tirikuni ta ŋo nagon ta kökon, kogwon MATAT ŋun likaŋ ’bayin a lukwolor, lepeŋ ti gwon a kanyunyumönit lo ŋutu, lepeŋ ti nyar ŋutu i wuju na ŋo nagon a ropaki a Iwon.

Eyobo 34:19

Lepeŋ ti nyaŋu ŋutu temejik lwölwöŋ kulye ŋutu, a tine yeyeju ŋutu kwörinikö lwölwöŋ lomerika, kogwon se liŋ lepeŋ lo gweja.

Saumajin 39:12

Pon MATAT, yiŋge momolesi kwe, ko tindi swö i yiŋga na gwien nio; ko yiŋa taliŋ i politan kwe; kogwon nan a kömutöt ilot lo mömönundyö, nan si ’da a lepetyo, gwoso na si ’dari merenyejin kaŋ liŋ nu.

Saumajin 89:26

Nye mo gwiun köyö ni adi, Do a Baba lio, do Ŋun lio, ko a Lurutat kalwökönit lio.

Tolupesi 14:16

Ŋuto lokoŋ tu madaŋ ko tiri-kwet a girara kago i kulya narok, ama ŋuto lu ’boŋ rumakin abur ti yeyeju.

Tolupesi 28:14

Ŋuto logon böböndu ko MATAT i komor perok liŋ a kalyöŋi; ama nye lo togo ’yu töili mo ’do ’doro i kulya narok.

Yeremia 3:19

A nan yeyeji adi, Nan ködyö tikin ta i kiden na ŋwajik kwe anyen tiŋdu ta jur lo ’but logon a lomore lokwekwelen lwölwöŋ jurön liŋ. A nan yeyeji adi ta ködyö luŋgu nan a Monye losu, a ködyö tine löpuköddu kaŋo i kepoddu na nan.

Jepania 3:9

A i ŋinu diŋit a nan mo tiŋdi gweyajin ti ŋutu kutusen nake, anyen se lio böŋo luluŋgu karin kwe ti MATAT, a kitakiŋdye nan ko töili geleŋ.

Matayo 16:27

Kogwon nan Ŋuro lo ŋuto mo popo ko malaikajin kwe i pirit na geleŋ i minyo lo Baba, a kirut a nan mo ropakiŋdye ŋutu liŋ gwoso i konesi kase.

Matayo 22:16

A se soŋdi ŋutu kase kajujumuk ko lepeŋ. yu i pirit na geleŋ ko ŋutu lo juŋdyö Erode kulo, a kulyani adi, Katodinönit, yi a den adi do a ŋuto lo to ’diri, a todiŋdye kiko lo Ŋun ko to ’diri, a tine kujönö lele ŋuto, kogwon do ti yeyeju todumalan na ŋutu.

Matayo 6:9

Ta ködyö kwakwaddu sona adi, Baba likaŋ lo ki, Ti karin kunök bulani bula,

Roma 11:20

Kine kulya a gwak. Lepeŋat a gogonya kaŋo kogwon tu ’bakan nase na yupet, ama ta yeŋ go i ŋilo ködini kogwon ta a yubbö. Nyena an ta ko bu ’ya ta ’börik, kölumbö kujönöni ta kujönö.

2 Korinto 1:2

Yi a roman ko ta adi, Ti ’busan se ko taliŋ na po ko Ŋun Baba likaŋ na po ko Matat Yesu Kristo na gwe ko ta.

2 Korinto 5:6

Nyena yi ŋupi gwon a purwat; yi deden adi na gwoŋdi yi nyuŋ ko kune mugunya kaŋ na, a yi gwe pajo ko Matat,

2 Korinto 7:1

Julin kwe lo nyanyara, kulo rukesi a milyeki yi. Nyena ti yi toke ’yi ta ’börik i lut liŋ nagon toluddya mugun se ko töili kune, anyen yi gwon a loke ’bukuluŋ i kugga na ŋun.

2 Korinto 7:11

Meddi ta, kine delyaesi nagon a ŋo ko Ŋun kine aje topukuŋdyö nyo kasu i töilyet. Kweja adi a tiŋdu ta kure anyen ta tetenakiŋdya ’börik a lo ’but. Kune delyaesi a tiŋdu ta i ŋoma, ko i kujönö, ko i yöŋö na meddya na nan. Köti a tiŋdu ta i gwon ko pusök a duma, ko i ga ’yu riŋga na katoronyanit. I ŋo liŋ ta aje kwekiŋdya ’börik ’bak toron.

Galatia 2:6

A a kilo nutu logon meta gwoso se a temejik kulo (ama koyo ni kulya ’bayin ko se a nyo, kogwon Ŋun ti nyunyumbo nutu) iŋkoi, nutu logon meta adi se a temejik kilo a ko ’yalakiŋdya nan kunie kulya adi ti nan tokuje se.

Epeso 1:17

Nan mo ’yu Monye lo bubula logon a Ŋun lo Matat likaŋ Yesu Kristo, anyen nye bono tiŋdu ta konon na po ki nagon kwekiŋdya ta i deŋdya na lepeŋ.

Epeso 3:14

Ko ŋina kwe nan a rugwuŋoki kak ko Monye mede i komŋo,

Epeso 6:9

Ta komorye kita, konaki ta lepeŋat sona köti. Kölöki ta woŋon ko se ko kulyaesi tokujönöesi. Dene ta den adi ta se ko lepeŋat Duma losu lu ki yu. Lepeŋ ti gwon a kanyunyumönit lo ŋutu.

Nyökit 10:17

Kogwon MATAT Ŋun losu a Ŋun totoŋun kulye Ŋunyen ko a MATAT totoŋun kimak. Nye a Ŋun duma, nye ko riŋit ko kukujönörikin. Nye ti gwon a kanyu-nyumönit lo ŋutu, nye ti wuju ŋo nagoŋ ropaki a lwön.

Pilipoi 2:12

Ta julin kwe lo nyanyara, ta ŋupi twotwo nan i diŋit na gwoŋdi nan ko ta i pirit na geleŋ na, nyenagon kegga twoji ta nan sopinana nagon nan ’bayin kasu kiden na. Kitani ta kita parik ko kujöno ko böböŋöju, anyen ta boŋö tutupokiŋdyo lwokö nasu,

Kolosai 3:25

Kogwon kakonanit lo toron mo ropaki toron na kon nye na, kogwon Kristo ’bayin a kanyunyumönit lo ŋutu.

Ebere 12:28

Nyenagon ti yi tiŋdi ta tinate kogon yi aje wuju tumatyan nagon ti bulö böbönö na. Ti yi kwakwaddi ta Ŋun i kiko logon tulyöŋgu lepeŋ i kugga ko i kujönö,

Ebere 4:1

Nyena ma ’di milye lo Ŋun nyuŋ kata adi yi bubulö luŋö kanyit i pirit yukaet, nyena ti yi meddi ta ’bura an lele losu meta gwoso nye a karakin kiden i luŋö i ŋinu pirit yukaet.

1 Petero 2:11

Julin kwe lo nyanyaia, nan mamaŋöju ta ko konisi murek adi, ta a lepelok ko a lo momonuŋdyö, nyena paji ta ’dekesi ti mugun nagon mömörö ko kodudwo kine.

1 Petero 3:15

ama twöji ta Kristo a Matat kasu i töilyet. Gwe ta ajo ŋupi i nyönyökökiŋdyö na ŋutu liŋ logon pija ta i ŋo na yen ta kine. Ama tokuruki ta se ko tokoyokan se ko twöju.