1 Petero 1:13 - Bibilia Buk na Ŋun nagon koti luŋu a

¹³ Gwe ta ajo kasu i yeyeesi gwoso ŋuto lo kukunakiŋdya mugun i kita. Tiji ta ’borik. Tuŋ yeŋdi ta ’doket nagon Yesu Kristo mo jakin ta na poŋdi nye nu.

1 Petero 1:13 ပူးပေါင်းရင်းမြစ်များ

1 Moran 18:46

A könin lo MATAT gwe ko Eliya; a nye ruŋge boŋgo nanyit a toŋi toŋa, a nye wöki ko Aba ŋerot tojo ko lupet na Yejerele.

2 Moran 4:29

A ŋuto lo Ŋun kulyani ko Geaji adi, Ruŋge boŋgo inot a do toŋi toŋa, ko ’dumuŋdye ture lio ko iti. A ko do a rum ko lele ŋuto, an do ko roman ko lepeŋ; a ko lele ŋuto a roman ko do. anyen se nyenyesu. A nene ŋo naron gwe ’bayin i pilu mu ’da. an do ko ruggö; a do topirikiŋdye ŋilo ture lio ko lu ŋuro i komor.

Eyobo 38:3

Ŋine ki, kukunaki mugun ’bura gwoso ŋuto lalet, a nan de pipije do, a do de takiŋdye nan.

Eyobo 40:7

Kukunaki mugun ’bura gwoso ŋuto lalet; a nan de pipije do, a do de takiŋdye nan.

Yuörö 12:11

Ta ködyö nyesu sona, kweja adi ta a rupakiŋdya boŋgwat kasu i mukökö a tora, ko a sukiŋdyö kamuka, ko a ’debba turya; a ta rurume rurum i nyesu. Ŋilo a Pasaka lo MATAT.

Yisaya 11:5

A loti lo rigwo mo gwe a gom na pele nanyit, iŋkoi, kulya na yiyiniki mo gwon a gom na mokok nanyit.

Yeremia 1:17

Ama do Yeremia, ŋine ki, kukunaki mugun ajo, jamaki lepeŋat ŋo liŋ nagon nan a sarakin do kine. An do ko kölökin lepeŋat i tokujöŋdu na do, an nan tokujön do kase i komor.

Matayo 20:4

a nye takiŋdye se adi, Ta koti, iti ta i kita i luköbi na kaden ti binyo, a nan de ropakiŋdye ta ropet na ’but.

Luka 12:35

Kukunaki ta ’borik ajo ko ti lombojin kasu tulene tule,

Luka 17:30

Köti a mo gwe sona i lor logon nan ŋuro lo ŋuto mo kwekweyari lu.

Luka 17:8

Ŋilo ŋuto ŋona de ti kulya adi, Tetenakiŋdye nan kinyo, ko kukunaki mugun ’bura, ko yekakiŋdye nan tojo ko nan a nyesu ko a möju; a i mukok a do de nyesi nyesu ko a moji möju le?

Roma 13:13

Ti yi wöröni ta ’bura gwoso ŋutu lo wörö i tuparan, ’bayin i to ’betan, kode i meran, kode i toluŋ, kode i koŋdya na ŋo nagon a wuya kana, kode i mörö, kode i yulön.

Roma 8:19

Kogwon ŋo liŋ logon Ŋun a gweja kulo mömönau ko pusök ga ’yu kweya na ŋwajik ti Ŋun.

1 Korinto 1:7

Nyena a ta gwe ti yaŋan i wuju na nene ’doket nagon Ŋun a ’doggi Ŋutu kanyit i toili, na momordi ta kweya na Matat likaŋ Yesu Kristo nu.

1 Korinto 13:13

Do kata musala nagon yeyeŋon ŋupi; kweja adi yupet, ko yenet, se ko nyaret; ama nyaret nagon a duma na se liŋ.

Epeso 6:14

Nyenagon ta kodyo gwo ’dan a doggu mukökö kasu ko kulya ti to ’diri, ko a jupukiŋdya loti lo rigwo a witi gayet na kido,

Kolosai 3:4

A ko Kristo logon a ru nikaŋ lo a kweya, a ta koti mo kweyani ko lepeŋ i pirit na geleŋ i ŋo nanyit ko minyo.

2 Tesalonike 1:7

a mo tiŋdi ta lo sasanya kilo yukan se koyi koti. Nye mo koŋdya sona na kweyene Matat Yesu ki yu se ko malaikajin kanyit ti riŋit nu.

2 Timoteo 4:5

Ama do agu ködyo tiju mugun ’bura i ŋo liŋ ŋoŋgi ŋoŋga; kitani a katokuonit lo Loŋe Lo ’but; kitani kita inot tojo ko ’dutet.

2 Timoteo 4:8

Soŋinana yöŋgi Iŋguya telet logon mömöŋdu nan, ŋilo Iŋguya a Löti lo rigwo logon Matat ka ’duŋönit lo rigwo mo tikin nan i lor lo ’dutet. Ti gwon a nan lo tiki geleŋ, ama tiki ŋutu liŋ logon gwon ko pusök i mböŋu na pukun nanyit kilo.

Ebere 10:35

Nyenagon ko gubara ta topurwan nasu mu’diŋ. Lepeŋ jakiŋdya ta ropet duma.

Ebere 3:6

ama Kristo logon a Ŋuro lo mede lo a meddya mede na Ŋun ko töili lo to ’diri. Nyena yi kulo a mede na Ŋun ake koyi gwon a purwat ko a kalyöŋök i yeŋdu na kine kulya.

Ebere 6:19

Ŋina yenet gwon gwoso kaluti nagon a ’bikiki go nagon toilyet kaŋ a munuki nyin. Ŋina yenet tuloddu i boŋgo koret tojo i pirit nake na rurwan,

Ebere 9:28

jojo köti Kristo a wukiŋdya mugun dao geleŋ anyen ’doggu toronjin ti ŋutu jore. Lepeŋ mo pupukun daŋ tomurek, ti gwon i kulya ti toronjin, ama joŋdya lwökit i ŋutu lo mömöŋdu nye ko pusök kulo.

1 Petero 1:10

Nebijin logon koju aje keju adi Ŋun mo ’dogga ta kilo aje ga ’yu nina lwökita iŋge piyuŋdya kulya kanyit ko tirikwet.

1 Petero 3:15

ama twöji ta Kristo a Matat kasu i töilyet. Gwe ta ajo ŋupi i nyönyökökiŋdyö na ŋutu liŋ logon pija ta i ŋo na yen ta kine. Ama tokuruki ta se ko tokoyokan se ko twöju.

1 Petero 4:7

’Dutet na ŋo liŋ gwe nyona, nyena gwe ta ajo kasu i yeyeesi. Tiji ta ’börik anyen ta kwakwaddu.

1 Petero 5:12

Nan a wurökin ta ŋina leta na ’dit ko paret na Siliwano logon a luŋaser lo yubbö logon nan yiyinikin i kita lo. Nan wurokiŋöyti ta anyen togo ’yu ta ko anyen tokurukiŋdyö adi kine ŋo liŋ ’diri a ’busan na nyaŋu gwak na Ŋun. Gwo ’de ta go i na ’busan.

1 Petero 5:8

Tiji ta tiju, ti konyen kasu gwe na, kogwon miriku losu kaŋöönit gwon gwoso kömiru lo wuwuŋi gaga ’yu ko nye koja ŋa.

1 Yoane 3:3

Nyena ŋutu liŋ logon yeŋdu Kristo kilo ködyo toke ’ya ’borik gwoso na gwoŋdi nye a loke na.