1 Petero 1:12 - Bibilia Buk na Ŋun nagon koti luŋu a

¹² A kweki lepeŋat adi ŋo nagon se a keju kune se ti kikin ’borik ama kikin ta ŋo na kiun se koju kunu soŋinana ŋutu lo jakiŋdya ta Loŋe Lo ’but i riŋit na Mulokotyo Loke logon a sunyue ki yu lo aje tukokin ta. Ma ’di malaikajin ’de ’dekan galuŋdya kine kulya kaŋo.

1 Petero 1:12 ပူးပေါင်းရင်းမြစ်များ

Yuörö 25:20

A kerubajin ködyö pakiŋdye köpu-kön kase ki i muggö na muket nagon toronjin lala kata na, a komorsikan kase todire todir; a komorsikan kase diŋe muket nagon toronjin lala kata na.

Tolupesi 1:23

Yiŋge ta kukuesi kwe, mete ta, nan de ŋaŋakin ta yeyeesi kwe ti toili, a nan de tokurukindye ta ŋo nagon nan jajam.

Yisaya 32:15

tojo ko Mulökötyo mo a ’buköki yi ki yu, a yöbu naron mo worani a melesen, na raradan, a melesen nagon köju raradan na mo luguni a rudu tuŋ.

Yisaya 53:1

Ŋa logon a yuŋ lore logon yi a tuk lo? Riŋit na Matat a kweki ŋa?

Daniele 10:1

A i kiŋa tomusala lo gwoŋdi Korese a mor lo Parasa nu, saret a kweki Daniele logon a gwiyö a Beletesasar. A lore saret gwe a gwak a kwekiŋdye mörö duma. A lepeŋ iŋge den lore saret a kuruŋdye po na met nye kune.

Daniele 12:13

Ama iti tu tojo ko ’dutet; a do mo yuke yukan, a i ’dutet na po liŋ a do mo gwo ’de i pirit nagon a wulöki do na.

Daniele 12:9

A nye waddi adi, Daniele, iti tu kogwon kilo kulyaesi aje kinu ko a nya ’doto tojo ko diŋit na ’dutet.

Daniele 2:19

A ŋina lwön iŋge kweki Daniele i kweyet na tukwaje. Nyena a kirut Daniele pupurje ŋun lo ki.

Daniele 2:22

lepeŋ kwekiŋdya lwönö nagu-lulök; lepeŋ deden ŋo na gwon i mudwe a parara gwe ko lepeŋ.

Daniele 2:47

A mor kulyani ko Daniele adi, ’Diri gwak ŋun ilot a Ŋun lo ŋunyen ko a duma lo moran, ko a kakweyanit lo Iwono, kogwon do a den kweja na Iwono.

Daniele 8:13

Nyena a nan yiŋge lele loke jajambu, a lele loke lo pipije ŋilu lo jambu a kokwe lu adi, Kine ŋo nagon a meta a kwe na kulya ti rubaŋgajin lo ’yu ’yura ’buluŋ ti diŋitan lio se ko ŋina toron korit, ko tiki na pirit nake na rurwan se ko kurumi anyen ryoryoka ko mokosi, kine ŋo ŋona jojoŋga diŋit ŋornan?

Daniele 9:24

Adi jimalan merya buryo logon a kiŋajin kulo a saraki a kwe na kulya ti ŋutu kulök ko i köji inot nake. Kilo jimalan a tutupesi ti lyaŋesi, ko a tu ’bakaesi ti toronjin, ko a lalaesi ti kulya narok, anyen joŋdya torigwo na yeŋ nyin, anyen kwekiŋdya adi ŋo na memeta se ko nebi a gwak, anyen welakiŋdya pirit nake parik na toto-puŋdya.

Yoele 2:28

A mo gwe sona i mukok na kine kulya, adi nan mo ’bukökiŋdyo mulökötyo lio i ŋutu liŋ; a ŋwajik kasu lulyan se ko nawate mo keŋ keju, a ŋutu kasu muduŋin mo rudweni rudwe, a ŋutu kasu teton mo meddi kulya kase i töilyet.

Amosa 3:7

’Diri gwak MATAT ŊUN ti koŋdya nene ŋo ko a ko kwekin wono kanyit i kölipönök kanyit logon a nebijin.

Jakaria 12:10

A nan mo ’bukökiŋdye mulökotyo lo ’busan ko lo momolesi i kötumit na Dawidi ko ŋutu lo si ’da Yerusalema kulo, anyen na meddi se nye logon se a rem lo, a se mo gwine lepeŋ gwoso ŋuto logon gwi nuro lonyit lo geleŋ, a mo gwine parik tolikisien kanyit loki, gwoso ŋuto logon gwi ŋuro lonyit kayu.

Matayo 11:25

A i nu diŋit gwak a Yesu kulyani adi, Tinate pon Baba, MATAT lo ki ko lo kak, kogwon do aje ’de ’ya kine kulya i ŋutu lokoŋ ko i ŋutu lo kukurun kulya, a do iŋge kwekin se i lupudiet;

Matayo 11:27

Baba aje ’burukin nan ŋo liŋ; lele ŋuto a ko den nan Ŋuro ama Baba ka ’de lo deŋdya; köti ŋuto a ko den Baba ama nan Ŋuro ka ’de lo deŋdya, se ko ŋutu logon nan Ŋuro a wakun kwekiŋdya se Baba kulo.

Matayo 16:17

a Yesu nyobbi adi, Simona ŋuro lo Yona, do ’diri a kalyöŋönit! Kogwon ŋuto lo na kak a ko kwekin do kine kulya, ama tuŋ Baba lo gwon ki lu nye lo kwekiŋdya do.

Marako 16:15

a nye takiŋdye lepeŋat adi, Iti ta i jurön liŋ i tokuöddu na Loŋe Lo ’but i ŋutu liŋ.

Luka 15:10

Nyena nan takiŋdya ta adi, Koti malaikajin ti Ŋun lyölyoŋon ko lele katoronyanit geleŋ a löpuggö töili.

Luka 2:26

a Mulökötyo Loke aje kwekin lepeŋ adi lepeŋ mo ti twan tojo ko nye a met Masia lo MATAT.

Luka 9:6

A ŋutu kanyit kajujumuk ŋiörö ŋiörö, a wöröjine i turön liŋ totokuöddu Loŋe Lo ’but ko totoke ’ya ŋutu logon a gigilötu i piritön liŋ.

Yoane 15:26

Ama Kato golonit popo logon nan mo susunyukin ta ko Baba yu lo. Ŋilo Kato golonit a Mulökötyo lo to ’diri logon po ko Baba yu, a ko nye aje po a nye mo tokoŋ kulya kwe.

Konesi 10:44

A nagon Petero nyuŋ jajambu nu, a Mulökötyo Loke ’duki i ŋutu liŋ lo yiŋga ŋilo kulyaet kulo.

Konesi 16:10

A na meddi nye kine kulya nu, ’de ’de a yi teteŋdi teteŋdya anyen tu Makedonia, kogwon yi a yeyeju adi Ŋun aje luŋgu yi anyen tokukiŋdyö lepeŋat Loŋe Lo ’but.

Konesi 2:33

Lepeŋ aje bulaki ki i könin lutaten lo Dun, a iŋge wuju Mulokotyo Loke ko lepeŋ, gwoso nagon nye Monye a milyekin tindu lepeŋ na. Nyenagon ŋo liŋ nagon ta a met ko a yio kine lepeŋ lo ’bukö­kindyo ta.

Konesi 4:31

A nagon se aje jo kwakwaddu nu, a pirit nagon se a momora kata na boŋdi böŋdu, a se liŋ iŋge jore ko Mulökötyo Loke, a jambi kulyaet lo Ŋun ko topurwan.

Konesi 4:8

A kirut Petero iŋge jore ko Mulökötyo Loke, a waddi lepeŋat adi, Ta kasarak ti ŋutu kaŋ se ko ŋutu temejik,

Konesi 8:25

A nagon se aje tökoŋu ko aje jambu kulyaet lo Matat nu, a se yitwene Yerusalema, a i kiko a se iŋge tokujö Loŋe Lo ’but i turön jore ti Samaria.

Roma 1:15

Nyenagon nan kata ko pusök i tokukiŋdyö na ta Loŋe Lö ’but Roma Ŋini köti.Loŋe Lo ’but gwon ko riŋit

Roma 1:17

Kogwon Loŋe Lo ’but kweja kiko logon Ŋun tiŋdu ŋutu gwon rigwo ada kanyit i komor; ŋina ŋo suluja i yupet tojo ko ŋerot liŋ a yupet, gwoso i kulya ti Ŋun na wuwurö adi, ŋuto lögon Ŋun a tin gwon rigwo kanyit i komor kogwon yupet lo mo gwon jörun.

Roma 10:15

A ŋutu tokuöddi ada ko se a ko sonyo? Sekine kulya nagon a wurö kune adi, Mokosi ti ŋutu lo joŋdya lore lo ’but kulo kwekwelen adi rio!

Roma 15:19

i riŋit na kweyesi ko na sörösi, se ko i riŋit na Mulökötyo Loke. Nyenagon nan a tutuŋgö tokujö Loŋe Lo ’but lo Kristo suluja Yerusalema a loraddi tojo ko Iluriko.

1 Korinto 2:10

Kine a ŋo nagon Ŋun a kwekin yi i riŋit na Mulokotyo lonyit, kogwon Mulokotyo yeye ŋga i ŋo liŋ ma ’di tojo i kulya nagululok ti Ŋun.

2 Korinto 1:22

Lepeŋ a gigirikiŋdya gwuluet nanyit kayaŋ i mugunya i kwekiŋdya adi yi a kanyit, a iŋge tiŋdu yi Mulokotyo lonyit kayaŋ i toilyet gwoso waŋet lo ŋo nagon mo titiki yi kune.

2 Korinto 6:6

I kine delyaesi liŋ yi gwon ko toilyet loke, yi deden kulya, yi ŋoŋoŋga taliŋ, yi a lo ’but ko ŋutu, Mulökötyo Loke gwon koyi, yi nonyaŋu ko to ’diri,

Galatia 1:12

Nan a ko wu nye ko nutu, lele nuto a ko todinikin nan, ama Yesu Kristo ko mugun nanyit lo kwekiŋdya nan nilo lone.

Galatia 1:16

kwekiŋdya nan Ŋuro lonyit, anyen nan bönö tokujo kulya kanyit i kiden na nutu ti juron nu, a nan gwe a ko pija lele nuto ko no nagon nan kodyo kökon kune.

Epeso 3:10

anyen soŋinana kasarak se ko riŋitön ti ki i kak nagon ti meta na boŋo deŋdya i kanisa koŋon na ŋun nagon ko kikoliŋ ka ’de ka ’de.

1 Tesalonike 2:9

Luŋasirik, yeyene ta yeye kita nikaŋ ko dara nikaŋ. Yi a kita ko tukwaje ko tuparan anyen yi böŋö gwon ti tudaraju ta na tokukiŋdye yi ta Loŋe Lo ’but lo Ŋun nu.

1 Timoteo 3:16

Kulya ti keri likaŋ lo Ŋun ’diri a nagululök parik adi, Lepeŋ a kweya a ŋuto, a Mulökötyo Loke iŋge kweja lepeŋ a lo rigwo, a malaikajin iŋge met lepeŋ, a kulya kanyit tokuöjine i juron kiden, iŋge yupo i kak ’bukuluŋ, a lepeŋ ’depajine ki i bula.

Ebere 11:13

A kilo ŋutu liŋ iŋge twakin i ŋina yupet. A lepeŋat gwe a ko wu ŋo nagon Ŋun a milyekin i tiŋdu na se kune, ama a se iŋge met kine ŋo pajo a se iŋge lyöŋön ko se. A se iŋge tukun köke adi se a Lwaka ko a lepelok i na kak.

Ebere 2:4

Ŋun koti ko mugun nanyit a toggu ŋo na tokor se kune a tokoŋ adi a gwak, i tiŋdu na kweyesi, ko sorosi, ko kitajin temejik ka ’de ka ’de, ko i gwelakiŋdya na ’dokesi ti Mulokotyo Loke gwoso na ’deggi nye na.

Ebere 4:2

Kogwon ’diri yi aje tokuki Loŋe Lo ’but gwoso na ŋutu ti ’beron köju kulu. Ama tokujö nagon se a yiŋ nu ’bak ’bulit kase kogwon ma ’di se ködyö a yiŋ ko swö kase, ama a se tine yuŋ ko töilyet kase.

1 Petero 1:25

ama kulyaet lo Matat yeyeŋon ŋupi.Ŋilo kulyaet a Loŋe Lo ’but logon aje tokuki ta lo.

1 Petero 4:6

Kogwon ŋina kwe, Loŋe Lo ’but a tokuki i ŋutu lo twatwa. Ŋutu lo twatwa a ’duŋöki putet na gwoŋdi se i na kak gwoso na ’duŋöki ’e ŋutu liŋ na. Loŋe Lo ’but a tokuki se anyen ködudwölön kase böŋö ruru gwoso na gwoŋdi Ŋun na.

Kweyatti 5:11

Koti a nan meddi meddya, a nan yiŋge gworolo ti malaikajin jore aliŋan puök daŋin aliŋan puök ko aliŋan ti aliŋan! A se gwo ’de gwo ’dan lolorga ŋina si ’daet, ko ŋo lo gwon jorun se ko temejik.