1 Moran 3:4 - Bibilia Buk na Ŋun nagon koti luŋu a

⁴ A mor iti Gibeon i ’duŋgö na rubaŋga nyu, kogwon nu gwon a pirit kwakwaset duma na gwon i ko ’du, a Solomona yeŋ wuwukiŋdya rubaŋgajin aliŋ geleŋ lo ’yu ’yura ’buluŋ i ŋinu pirit ’yuret na rubaŋgajin.

1 Moran 3:4 ပူးပေါင်းရင်းမြစ်များ

1 Moran 8:4

A se joŋdi nu saŋduk na MATAT, ko kemia torumet, ko toro ’bo liŋ loke lo gwon i ŋinu kemia; a koanejin se ko Lewijin yekuŋdye se.

1 Moran 8:63

A Solomona ’duŋökiŋdye MATAT rubaŋgajin ti taliŋ logon a dwönin aliŋan merya murek wot murek, ko köbilu aliŋan mia geleŋ ko merya murek. A mor se ko ŋutu liŋ ti Yisaraele ’boroji nu kadi na MATAT.

1 Moran 9:2

a MATAT puköki ko Solomona daŋ tomurek, gwoso na pukökiŋdye nye ko lepeŋ Gibeon nu.

1 Dekat 16:39

A nye kölökiŋdye koane Sadok ko luŋasirik kanyit koanejin i kemia na MATAT na gwon i pirit kwakwaset na gwon i ko ’du na mere Gibeon yu,

1 Dekat 21:29

Kogwon i nu diŋit kemia na MATAT nagon Mose a teten i yöbu nu, ko pirit ’yuret na rubaŋgajin lo ’yu ’yura ’buluŋ gwon Gibeon i pirit kwakwaset na gwon i ko ’du na mere na;

2 Dekat 1:2

A Solomona jambi ko ŋutu liŋ ti Yisaraele, kweja adi ko kanyomok ti kamorok alipan ko miajin, ko ka ’duŋok, ko kimak liŋ ti Yisaraele logon a kusik ti kotumiton ti merenyejin.

2 Dekat 1:3

A lepeŋ se ko ŋutu lo momora kulo liŋ iti i pirit kwakwaset na gwon i ko ’du Gibeon yu; kogwon kemia na Ŋun torumet gwon nyu, nagon Mose kölipönit lo MATAT a teten i yöbu nu.

2 Dekat 30:24

Kogwon Kijikia mor lo Yuda a tiŋdu ŋutu lo momora kulo öwönin aliŋ geleŋ ko köbilu aliŋan buryo a ti rubaŋgajin, a ŋutu lokukwon iŋge tiŋdu ŋutu lo momora kulo öwönin aliŋ geleŋ ko köbilu aliŋan puök; a koanejin iŋge toke ’ya ’borik jore parik.

2 Dekat 7:5

A mor Solomona ’duŋge öwönin alipan merya murek wot murek ko köbilu alipan mia geleŋ ko merya murek a rubaŋga. A mor se ko ŋutu liŋ ’boroji nu kadi na Ŋun.

Yisaya 40:16

A kaden ti Libanon tine temakiŋdya i nama, kode kijakwa kanyit ti temakiŋdya a rubaŋga lo ’yu ’yura ’buluŋ.

Yeremia 28:1

A i ŋilu kiŋa lo geleŋ lu, na suluje Sedekia mor lo Yuda i gwon a kasaranit nu, kweja adi i yapa tomukanat lo kiŋa toiŋwan, a Kanania ŋuro lo Ajur, nebi lo po Gibeon jambi ko nan i kadi na MATAT, i komor na koanejin se ko na ŋutu liŋ adi,

Yosua 10:2

A na yiŋge mor kine kulya nu a nye kujönöni kujonö, kogwon Gibeon gwon a köji duma gwoso nene köji na mor, kogwon nye a duma lwölwöŋ Ai, köti a ŋutu kanyit liŋ gwe a iŋgo.

Yosua 18:21

A köjinö ti kötumit na ŋutu ti Benyamina gwoso i midijik kase gwe a ko Yeriko, ko Bete-kŋgela, ko Emeke-kesisi;

Yosua 9:3

Ama a na yiŋge ŋutu ti Gibeon ŋo na konakin Yosua Yeriko se ko Ai nu,

1 Samuele 13:9

A Saula kulyani adi, Joŋdi ta rubaŋga lo ’yu ’yura ’buluŋ köyö ni, se ko rubaŋgajin ti taliŋ. A nye wukiŋdye rubaŋga lo ’yu ’yura ’buluŋ.