1 Moran 22:3 - Bibilia Buk na Ŋun nagon koti luŋu a

³ A mor lo Yisaraele kulyani ko köliŋönök kanyit kulo adi, Ta deden le adi Ramot-gilada a nikaŋ, a yi gwe ti koŋdya nene ŋo, a tine ripuŋdya nye kaŋo i könin lo mor lo Suria?

1 Moran 22:3 ပူးပေါင်းရင်းမြစ်များ

2 Samuele 19:10

Ama Abisaloma logon yi aje welakin a mor likaŋ lo aje tatua i gor. Nyenagon nyo nagon ta ti jambu nene po i nyokuŋdyö na mor kanyit i tumatyan?

1 Moran 22:29

A mor lo Yisaraele se ko Yosapata mor lo Yuda iti Ramot-gilada.

1 Moran 4:13

ko Ben-geber a kamemetanit lo Ramot-gilada (a turön ti Yair ŋuro lo Manase lo gwon Gilada yu kulo gwe a kanyit,) a jur lo Argoba lo gwon Basan, kweja adi köjinö temejik merya buker, nagon ko mariŋan ko rigilesi logon a mölwö kune a kanyit kötu;

2 Moran 8:28

A nye iti tu se ko Yeyorama ŋuro lo Aba i mörö ko Kajaele mor lo Suria Ramot-gilada, a ŋutu ti Suria iŋge böŋörö Yeyorama.

2 Moran 9:14

Nyena a Yeu ŋuro lo Yosapata, ŋuro lo Nimisi, mori ko kulye ŋutu a lwön anyen mwön ko Yeyorama. (Yeyorama se ko Yisaraele liŋ köju gwon i tiju na Ramot-gilada kogwon kulya ti Kajaele mor lo Suria;

Nyökit 4:43

Kine köjinö a ko Beser na gwon i yöbu, i jur logon a ko ’du na ’da-yat, nagoŋ a na kötumit na Rubena; ko Ramot na gwon Gilada nagoŋ a na kötumit na Gada; se ko polan na gwon Basan nagoŋ a na kötumit na Manase.

Yosua 20:8

A i jur lo kötumit na Rubena, a se wuluŋdye Beser na gwon i ko ’du na ’dayat i yöbu, i nu pele na Yardene i swöt lo ’yure lo Yeriko, a se wuluŋdye Ramot na gwon Gilada i jur lo kötumit na Gada, ko Golan na gwon Basan i jur lo kötumit na Manase.

Yosua 21:38

A i kiden na kötumit na Gada a se korakine Ramot na gwon Gilada ko piritön kanyit yukisi, nagon a köji rupit na katatuak, ko Makanayim ko piritön kanyit yukisi,

Ka’duŋök 16:2

A ŋutu ti Gaja iŋge tuköki adi, Simasona a poŋdya ni. A se tumbe ŋinu pirit, a poki i domba na lepeŋ tukwaje liŋ i kötumit na köji. A se gwe taliŋ i lu tukwaje liŋ kulya adi, Ti yi möŋdi tojo ko waran na kak; a kirut yi de tatuje lepeŋ.

Ka’duŋök 18:9

A se waddi adi, ŋine ta ki, yi a tu ta i mörö ko se; kogwon yi a met lu jur, meddi ta, kak nanyit a na ’but parik. Ta ti koŋdya nene ŋo le? An ta ko karakin ta i tu, anyen lupö i morga na lu jur.