1 Moran 2:3 - Bibilia Buk na Ŋun nagon koti luŋu a

³ ko ’debbi saret lo MATAT ŋun ilot, i kebbu na kikolin kanyit ko i ’debba na saresi kanyit lo wurö kilo, ko jujuwesi kanyit, ko kulya na ’duŋ lepeŋ kune, ko todinesi kanyit, gwoso nagon a wuröki i saresi ti Mose nu, anyen do gwon a bodo i ŋo lio nagon do kökon kune, ko i wöröji inot i swötön lio;

1 Moran 2:3 ပူးပေါင်းရင်းမြစ်များ

2 Samuele 8:14

A nye tiŋdi kamörök i si ’da Edom, a tiŋdi se i swötön liŋ ti Edom, a ŋutu liŋ ti Edom gwe a ’dupi ti Dawidi. A MATAT tiŋdi Dawidi a katelanit temba i piritön liŋ na tiri nye kunu.

2 Samuele 8:6

A Dawidi tiŋdi kamorok i si ’da Aram na Damaseke; a ŋutu ti Suria gwe a ’dupi ti Dawidi, a ’bukokiŋdye lepeŋ usur. A MATAT tiŋdi Dawidi a katelanit temba i piriton liŋ na tiri nye kunu.

1 Moran 3:3

A Solomona nyaŋi MATAT, awöröni i saresi lo wuröki monye lonyit Dawidi; ama tuŋ a nye ’duŋge rubaŋgajin ko a ’yuŋe bökur i piritön kwakwasesi na gwon i ko ’dulan ti merya kune.

2 Moran 18:7

A MATAT gwe ko Kijikia; a kulya kanyit puputuru ŋerot ’bura i ŋo liŋ nagon nye kökon kunu. A nye renya-ni sara ko mor lo Asura, a tine ’bön kitakiŋdya lepeŋ.

1 Dekat 29:19

Tiŋdi Solomona ŋuro lio anyen lepeŋ gwon ko töili geleŋ i ’debba na jujuwesi kunök, ko todinesi kunök, se ko saresi kulök lo wurö, i koŋdya na se liŋ, anyen lepeŋ böŋö ’duggö kadi duma nagon nan aje teteŋdya ŋo kanyit ajo na.

Saumajin 119:111

Todinesi kunök gwon a lomoriot kwe ŋupi, iŋkoi, se tulyöŋgu töili lio.

Saumajin 119:138

Kulya kunök ti to ’diri na todin do kune rigwo ko a ti to ’diri.

Saumajin 119:2

Ŋutu logon ’debba todinesi kanyit logon ga ’yu lepeŋ ko töilyet kase liŋ kilo a kalyöŋök.

Saumajin 19:7

Saret lo MATAT a lo ’but liŋ, a toruje ködudwö. Todinet na MATAT a ’diri, a tokoŋ-gi ŋuto logon a ko den kulya.

Katokuönit 12:13

Na a ’dutet na kulya; do aje yiŋ se liŋ. Kuŋge ŋun, ko twöji saresi kanyit; sekine ŋo nagon ŋutu ködyö kökon.

Lewi 8:35

A ta momordi i kötumit na kemia torumet tuparan ko tukwaje perok buryo i ’debba na saret lo MATAT an ta twatwa; kogwon a saraki nan sona.

Malaki 4:4

Yiyiuŋdye ta saresi ti koliponit lio Mose, iŋkoi, saresi lo wuro se ko kulya na ’duŋö nagon nan aje sarakin lepeŋ i kulya ti Yisaraele liŋ Orebe yu kunu.

Nyökit 29:8

a yi morgi jur lose, a tiŋdi ŋutu ti Rubena, ko ti Gada, ko ti swöt lo kötumit na Manase i morga a lose.

Nyökit 29:9

Nyena tiji ta tiju i koŋdya na kulyaesi ti ŋina tomoret, anyen ta puputuru ŋerot i ŋo liŋ nagoŋ ta kökon kine.

Nyökit 4:1

Nyenagoŋ soŋinana, pon kötumit na Yisaraele, yiŋge ta saresi lo wuröki ta se ko kulya na ’duŋöki ta nagoŋ nan a todinikin ta kune, ko koŋdi ta se anyen ta böŋö gwon jörun ko lupö lukata i morga na lu jur logon MATAT ŋun lo merenyejin kasu titin ta lo.

Nyökit 4:45

a kine gwe a todinesi, ko saresi lo wurö, se ko kulya na ’duŋö kune nagoŋ Mose aje jamakin ŋutu ti Yisaraele, na yuöddi se kaŋo i Ejipeto,

Nyökit 4:5

Meddi ta, nan aje todinikin ta saresi lo wurö ko kulya na ’duŋö, gwoso nagoŋ MATAT ŋun liŋ a saŋi nan adi ta ködyö konakiŋdya se, i lu jur lo lupöddi ta i morga na lepeŋ lu.

Nyökit 4:8

Kötumit duma a ŋa nagoŋ gwon ko saresi lo wurö se ko kulya na ’duŋö na rigwo. gwoso kine todinesi nagoŋ nan a tin kasu i komor i lo lor kine?

Nyökit 5:1

A Mose luŋgi ŋutu ti Yisaraele liŋ a kulyani ko se adi, Ta kötumit na Yisaraele, yiŋge ta saresi lo wurö, se ko kulya na ’duŋö nagoŋ nan jamakin kasu i swö i lo lor kune, anyen ta ködyö jujumbu se, ko i tiju i koŋdya na se.

Yosua 22:5

Ama meddi ta ’bura i koŋdya na jujuwet se ko saret, logon Mose köliŋönit lo MATAT aje saŋi ta kilo, i nyaŋu na MATAT ŋun losu, ko i wörö kanyit i kikolin liŋ, ko i ’debba na saresi kanyit, ko i ’depakiŋdya go ko lepeŋ, ko i kitakiŋdya na lepeŋ ko töilyet kasu liŋ se ko ködu dwölön kasu liŋ.

Yosua 23:6

Nyenagon gwe ta a iŋgo parik i ŋ ŋu i koŋdya na ŋo liŋ nagon a wuröki i buk na saresi ti Mose kune, an ta ko löpuköddu ta kaŋo kode i swöt lo lutaten kode i swöt lo kado ŋe:

1 Samuele 18:14

A Dawidi gwe a lokoŋ i ŋo liŋ nagon nye kökon kune, kogwon MATAT gwon ko lepeŋ.

1 Samuele 18:30

A dumalak ti kamörök ti Pelesete poŋdi kaŋo i mörö, ama temba i diŋitan nagon se pöri kaŋo nu, a Dawidi gwe a lokoŋ i mörö lwölwöŋ köliŋönök ti Saula; nyena a karin kanyit bulani bula parik.

1 Samuele 18:5

A Dawidi iti kaŋo a te ’yi te ’ya i piritön liŋ nagon Saula a soŋdi nye kunu; nyena a Saula tiŋdi lepeŋ a duma lo kamörök. A ŋina metani a na ’but ko ŋutu liŋ se ko köliŋönök ti Saula köti.