1 Moran 17:12 - Bibilia Buk na Ŋun nagon koti luŋu a

¹² A nye waddi lepeŋ adi, ’Diri gwak gwoso na gwoŋdi MATAT Ŋun ilot na, nan ’bak nene ŋo nagon a dera, tuŋ könin geleŋ lo ’bolot a pitöki i kuŋo, ko welet a na ’dit i tuli; nan na ’du ’dumba kaden gwoso murek anyen nan böŋö tu i tetenakiŋdya na mugun ko ŋuro liŋ, a yi nyesi nyesu, a twatwane twatwa.

1 Moran 17:12 ပူးပေါင်းရင်းမြစ်များ

1 Moran 17:1

A Eliya Tisibetyo lo Tisibe na Gilada kulyani ko Aba adi, ’Diri gwak gwoso na gwoŋdi MATAT Ŋun lo Yisaraele logon nan a köliŋönit lonyit lo, puŋutut kode kudu mo gwe ’bayin i kilo kiŋajin, ake ko nan a kulya.

Suluet 21:16

A nye iti tu, a tu si ’dakine pajo madaŋ ko lepeŋ, gwoso kwake nagon lowe ŋoroji kata; kogwon nye kulya adi, Ti nan gwe ti meddya ŋuro i twan. A na si ’dari nye pajo madaŋ ko lepeŋ nu, a nye gwine gwien parik.

Delyasi 4:9

Bia se lo tatua ko baŋdujin Iwolwoŋ se lo twatwa ko magor, logon a sokara a iŋge riŋon kogwon magor na kinyojin ti melesen.

Yeremia 14:18

Ko nan a tu kaŋo köji kata, a nan meddi ŋutu a tatua ko baŋdujin, a ko nan lupö köji kata, a nan meddi ŋutu logon a doddya ko magor a iŋge gigilötu. Kogwon nebijin ko koanejin wöwö­rötu abur i jur kata ’bak deŋdya na kulya.

Yeremia 5:2

Ma ’di nagon se a milyeju adi, ’Diri ’diri gwoso na gwoŋdi nan MATAT na, lepeŋat milyeju a ’burönö.

Yeremia 4:2

a kö ta a milyeju ko to ’diri, ko ’duŋgo na rigwö se ko loti lo rigwo adi, ’Diri ’diri, gwoso na gwoŋdi MATAT na, a kirut juron mo momo ’yi momo ’yu anyen nan ’boroja lepeŋat gwoso na ’boroji nan Yisaraele na, a se mo yuŋggi ’börik koyo i mugun.

2 Samuele 15:21

Ama a Ita i nyobbi mor adi, ’Diri gwak gwoso na gwoŋdi MATAT na ko gwoso na gwoŋdi do mor duma liŋ na, ’diri ko do pon mor duma liŋ de gwon ya kode i twan kode i ru, a nan köliŋönit ilot de gwe nyu köti.

1 Samuele 26:10

A Dawidi kulyani adi, ’Diri gwak gwoso na gwoŋdi MATAT na, MATAT mo lo riŋga lepeŋ, kode nye mo ko twan i lor lonyit, kode nye tu i mörö a tatuani tatua.

1 Samuele 25:26

Nyenagon pon duma liŋ, ’diri gwak gwoso na gwoŋdi MATAT na, ko gwoso na gwoŋdi do na, ti merok kulök ko kilo logon ga ’yu konakiŋdya do duma liŋ arabat kilo, ti se gwe gwoso Nabala, kogwon MATAT aje göja do i ’buköddu na rima, ko i ropakiŋdya na toron ko könin ilot.

1 Samuele 20:21

Nyena mete, a nan mo soŋdi ŋuro, adi, Iti i ga ’yu na loya kulo. A ko nan a kulya ko ŋuro lo adi, Mete, loya kilo konut i lu swöt, ’dumuŋdye se, a kirut ti do poŋdi, kogwon ’diri gwak gwoso na gwoŋdi MATAT na, a do gwe ’bura, nene ŋo naron ’bayin.

1 Samuele 20:3

Ama a Dawidi renyani renya adi, Munyi a den ’bura adi, nan a ryeju ’busan konut i komor; a lepeŋ yeyeji adi, Ti Yonatana gwe ti den kune kulya, an ko delya. Ama ’diri gwak gwoso na gwoŋdi MATAT, ko gwoso na gwoŋdi do na, tuŋ nan pituŋdye a na ’dit i kutuk na dili.

1 Samuele 14:45

a ŋutu kulo pije Saula adi, Yonatana ’diri de tatatua logon a katelanit duma i Yisaraele lo le? ’Bayin kwoŋ. ’Diri gwak gwoso na gwoŋdi MATAT na, ti nene ŋo gwe ti ’bo ’yu lepeŋ asut, ma ’di a na ’dit; kogwon nye a kita ko Ŋun i lo lor. A se lwökuŋdye Yonatana a gwe a ko tatua.

1 Samuele 14:39

Kogwon ’diri gwak gwoso na gwoŋdi MATAT logon a kalwökönit lo Yisaraele lo, ma ’di ködyö toron a rye ko ŋuro liŋ Yonatana, a lepeŋ gwak de tatatua. Ama a lele ŋuto gwe ’bayin i kiden na ŋutu liŋ logon a ruggö lepeŋ.

Matayo 26:7

a nene ŋuto poŋdi ko lepeŋ. ni joŋdya lupunit logon a ŋurupit lo lupu a alabasata. Ŋilo lupunit a jore ko welet na mon ’bura nagon gwörö go. A ŋina ŋuto ’bukökiŋdye ŋina welet ko Yesu i kwe, na gwoŋdi nye i nyesu nu.

Suluet 21:15

A nagon pioŋ aje ’baka i kere nu, a nye gubakiŋdye ŋuro i lele ködini mukök.

1 Moran 17:11

A na tiri karu ’be i joŋdya na pioŋ nu, a nye luŋgi lepeŋ adi, Boŋo jaki nan tupet na ’dit na ambata konut i könin.

1 Moran 17:13

A Eliya kulyani ko lepeŋ adi, Ko kujönö; iti ko koŋdi gwoso na kulyari do na; ama tetenaki nan ambata a na ’dit a kokwe, a do jakiŋdye nan, a i mukök a do tetenakiŋdye mugun ko ŋuro ilot.