1 Moran 10:9 - Bibilia Buk na Ŋun nagon koti luŋu a

⁹ Ti MATAT Ŋun ilot purani pura, logon a lyöpön ko do lo, a tiŋdi do i si ’daet na tumatyan na Yisaraele! Kogwon MATAT nyanyar Yisaraele ŋupi, a nye aje tiŋdu do a mor anyen do jojo ’duŋgö putesi gwogwo.

1 Moran 10:9 ပူးပေါင်းရင်းမြစ်များ

2 Samuele 23:3

Ŋun lo Yisaraele aje jambu, Lurutat lo Yisaraele aje jamakin nan adi, Ŋuto logon a kasaranit lo rigwo, logon a saŋu ko kujönö na Ŋun,

2 Samuele 5:12

A Dawidi kuruŋdye adi MATAT aje togwo ’ya nye go a mor lo Yisaraele, ko lepeŋ aje to-duma ’yu tumatyan nanyit kogwon kulya ti ŋutu kanyit Yisaraele.

2 Samuele 8:15

A Dawidi gwe a kasaranit lo Yisaraele liŋ; a nye lilije putesi ti ŋutu kanyit liŋ Jojo.

1 Moran 3:28

a ŋutu lio ti Yisaraele yiŋge kulya ti ŋilo putet logon mor a lili lo; a se kujönöni kujönö mor, kogwon se a kurun adi koŋon na ŋun gwon kanyit i lilija na putesi.

1 Moran 5:7

A gwe sona na yiŋge Kiram kulyaesi ti Solomona kulu, a nye lyöŋi lyöŋön parik, a kulyani adi, Ti MATAT purani pura i lo lor kogwon nye a tikiŋdya Dawidi ŋuro lokoŋ a kasaranit lo ŋina kötumit duma.

1 Dekat 17:22

A do aje koŋdya ŋutu kulök Yisaraele anyen gwon a ŋutu kulök lomoriot ŋupi ŋupi; a do köti gwe a Ŋun lose ŋon MATAT.

2 Dekat 2:11

A kirut Kuram mor lo Turo sunyu­kiŋdye Solomona waraga a ruket na kinu kulya adi, Kogwon MATAT nyanyar ŋutu kanyit a nye aje tiŋdu do a mor lose.

Saumajin 18:19

A nye tolupoddi nan kaŋo tojo i ŋirit nagalaŋ; a nye riŋaddi nan kaŋo kogwon nye a lyöŋön ko nan.

Saumajin 22:8

Nye a yendu MATAT; ti nye lwöggi lepeŋ, iŋkoi, ti nye riŋundye lepeŋ kaŋo kogwon nye a lyöŋön ko lepeŋ.

Saumajin 72:2

Ti nye ’duŋge putesi ti ŋutu kulök rigwo, ko ti nye lilikindye ŋutu kulök lomerika gwogwo!

Yisaya 42:1

Malo kölipönit liŋ, logon nan a tökökin ki, malo lo wulwe liŋ logon töili liŋ a lyöŋgi lo; nan aje tiŋdu Mulökötyo liŋ ko lepeŋ i mugun, a nye mo topukuŋdye ’duŋgö na rigwo i jurön.

Yisaya 62:4

A do mo köti tine ’dinya adi do a na Papaye, a jur ilot mo köti tine ’dinya adi do a Kölöki kana, ama a do mo luŋuni adi Lyöŋit nio gwon konut, a jur losu mo luŋuni a Ŋun na yeyema; kogwon MATAT a lyöŋön ko do, a jur ilot mo yemani yeitia.

Yisaya 9:6

Kogwon lupudi a yugweki yi, a ŋuro lo ’dokarikin yi; a tumatyan mo gwe kanyit i kido, a karin kanyit mo luguni a Kajujuwanit katusörönit, a Ŋun Kabulönit, a Monye lo yeŋ nyin, a Mor lo taliŋ.

Yisaya 9:7

A ŋdi na tumatyan nanyit ko na taliŋ mo tine ’duddyö kwöŋ, i si ’daet na Dawidi, ko i loki na tumatyan nanyit, i togwo ’ya na lepeŋ go ko i tökökiŋdyö na lepeŋ ki ko ’duŋgö gwogwo ko löti lo rigwo, suluja i na diŋit tojo ko ŋupi ŋupi. Nyena a pusök na MATAT lo kurumi mo na koŋdi kine kulya.

Yeremia 31:3

köju ’beron nan MATAT a pukokin ko lepeŋat, kulya adi, Nan aje nyar ta ko nyaret nagon ti ’duddyö kwöŋ, nyenagon a nan iŋge pikun ta köyö ni ko nyaŋu nagon ti ’baka kwöŋ.

Malaki 1:2

Nan MATAT lo kulya adi, Nan a nyar ta, ama a ta pipije adi, Do nyar yi ada? A nan MATAT waddi pija adi, Esau ti gwon a luŋaser Yakobo le? Ama nan aje nyar Yakobo

Nyökit 7:8

ama tuŋ kogwon MATAT nyanyar ta, a nye ’debbi milye logon nye a milyekin inerenyejin kasu, nyena a MATAT aje toyuöddu ta kaŋo ko könin iŋgo, ko a dakaddu ta kaŋo i pirit na to ’dupien, i könin lo Paro mor lo Ejipeto.