1 Korinto 8:9 - Bibilia Buk na Ŋun nagon koti luŋu a

⁹ Ama kunyar ta an ’buruki nasu kopuŋgo ŋutu lomunyak i yupet kilo.

1 Korinto 8:9 ပူးပေါင်းရင်းမြစ်များ

Yisaya 35:3

Togo ’yi könisi lokolokak, ko togwo ’yi kuŋwat lukadaŋak.

Yisaya 57:14

A mo jamani adi, ’Du ’duluki ta kiko, ’duluki ta lepeŋ ki, tetene ta lepeŋ, yayaraki ta kiko lo ŋutu kwe jojo.

Ejikele 14:3

Ŋuro lo ŋuto, kilo ŋutu aje tiŋdu nyömuejin kase logon a ŋunyen kase i töilyet, a tiŋdi ŋo narok kase i komor nagon tiŋdu se i ’doro kune. Nan ŋona bubulö rukökiŋdyö ŋutu gwoso kilo i pija na nan le?

Ejikele 44:12

Nyena kogwon se a kitakiŋdya lepeŋat i komor na nyömuejin kase logon a punyen, a iŋge tiŋdu kötumit na Yisaraele i ’doro kogwon toron nase, nyenagon nan MATAT ŊUN lo kulya adi, ’Diri ’diri nan aje milyeju i kulya kase adi se mo poŋga ripet na toron nase.

Lewi 19:14

Do ködyö ti momoröju ŋuto miije kode tiŋdu nene köpuket i komor na ŋuto mo ’doke, ama do ködyö kujönö nan Ŋun ilot: nan logon a MATAT.

Matayo 18:10

Meddi ta ’bura an ta lauŋdya lele lo kilo ŋwajik lo ’di ’dik; kogwon nan takiŋdya ta adi malaikajin kase ki yu ŋupi memeddya komor na Baba lo gwon ki lu. [

Roma 15:1

Yi logon a iŋgo i yupet kulo A agu ködyö ŋaparakin se logon a lomunyak kulo i ’doggu na tomunyan nase. Yi ködyö ti yeyeju ’börik ka ’de.

1 Korinto 10:24

Ti lele ŋuro gwe ti ga ’yu kulya kanyit, ama ti nye ga ’yi kulya ti marate lonyit.

1 Korinto 10:28

Ama ko lele ŋuro a takiŋdya ta adi, Ŋilo a kinyo logon a wuki nyömuejin, an ta ko nyö ta ŋilo kinyö, kogwon kulya ti ŋuro lo takiŋdya ta sona lo, se ko i kulya ti töili denet lo toron—

1 Korinto 10:29

kweja adi, ti gwon a töili ilot denet lo toron, ama a lo ŋilo ŋuro lo tukökiŋdyö do ŋilo. Kode do pija adi, Nyo nagon töili lo lele ŋuro denet lo toron teŋgu nan i gwon a luitöt i nyesu abur?

1 Korinto 10:32

An ta ko koŋdya ta nene po nagon tuköpuggö Yudayaki, kode ŋuto ti kulye jurön, kode kanisa na Ŋun.

1 Korinto 8:10

Ama do logon a ŋuto lo deden kulya lo, ko lele ŋuto logon toili lonyit denet alomunyan lo a met do i nyesu i kadi na nyomue, a ŋina ŋona ti parakin lepeŋ i nyesu na kinyo logon a wuki nyomuejin ’bak kujönö le?

1 Korinto 8:12

Nyena na toroŋdi ta luŋösurök lo yubbö, a böŋöddi töilyet kase denesi logon a lomunyak kulo nu, a ta toroŋdi Kristo.

1 Korinto 9:22

Ko nan ’dek löpukuŋdyö ŋuto lomunyak, a nan köti koŋdi mugun a lomunyan. Nan a wora a po liŋ a lo ŋuto liŋ; nan kita i kikolin liŋ anyen nan böŋö lwöggu kulye kase.

2 Korinto 11:21

Nan a ruggö ko yu na kwe adi yi ’diri a lomunyak, yi a ko koŋdya ŋo gwoso kine! Ko lele ŋuto ’bak kujönö i bu ’ya na mugun, nan köti ’bak kujönö i bu ’ya na mugun, nan ŋilo jambu gwoso ŋuto lu ’böŋ.

2 Korinto 11:29

Ko lele losu a lomunyan, nan ŋona ’bayin a lomunyan köti le? A ko lele losu a tiki i ’doro, nan ŋona ti gwon ko delya le?

2 Korinto 6:3

Yi ti ’bön tiŋdu lele ŋuto i kopukö, anyen ŋutu gwon ti yuyuggö kita nikaŋ.

Galatia 5:13

Luŋasirik kwe, ta a luŋwe anyen ta gwon a lui; ama an ta ko ’dumuŋdya ta tolien nasu adi ta a ’buruki i gwolor gwoso i ’dekesi kasu ti mugunya ti na kak kune, ama tokitaki ta ko ’börik ko nyaŋu.

Kolosai 2:8

Nyena tiji ta ’bura, ti lele ŋuto gwe ti logga ta ko todinesi mumulukesi nagon pa ’de ’de, nagon mirwe i keriat ti ŋutu ti na kak kune, ko i muloko ka ’de ka ’de ti na kak, ama kine todinesi a ko po ko Kristo.

1 Petero 2:16

Gwe ta a luwi; ama ko kitari ta tolien nasu a muket na toron, ama gwe ta a ’dupi ti Ŋun.

2 Petero 2:19

A se rukökiŋdye lepeŋat i gwon a lui, ama se ko ’borik a ’dupi ti ŋo na koŋu ŋutu, kogwon ŋuto a ’dupiet lo ŋo nagon a te ’ya lepeŋ na.

Kweyatti 2:14

Ama nan gwon ko kulya ku ’dik na yuyuköri do adi do gwon ko Ŋutu ŋini logon ’depakiŋdya i todinesi ti Balam. Ŋilo Balam koju lo todiŋdyö Balak anyen tiŋdu loket a na ŋutu ti Yisaraele, anyen tiŋdu lepeŋat i nyesu na kinyo logon wuki nyömuejin logon a punyen ko i koŋdya na toluŋ.