1 Korinto 13:2 - Bibilia Buk na Ŋun nagon koti luŋu a

² A ko nan a ’doka ko riŋit tokuet, a nan kuru kurun kulya lwönö liŋ se ko denesi liŋ, köti ko nan gwon ko yupet nio liŋ anyen tomijöddu merya, ama ko nan ’bayin a kanyaranit, a nan gwe ’bayin a nene ŋo.

1 Korinto 13:2 ပူးပေါင်းရင်းမြစ်များ

Matayo 13:11

A Yesu waddi lepepat adi, Ta aje tiki i deŋdya na Iwono ti Tumatyan na Ki, ama a ko tiki lepeŋat.

Matayo 17:20

A nye waddi lepeŋat adi, Ta ti bulö riköddu kogwon ta gwon ko yupet a na ’dit. Kogwon ’diri nan takiŋdya ta adi ko ta gwon ko yupet nagon a duma gwoso nyomotti lo kiteta, ta bubulö kulya ko lo mere adi, Mijörö kaŋo ni tojo ko yu, a nye ködyö mijörö mijörö. Nene ŋo ’bayin nagon ta mo ti bulö koŋdya. [

Matayo 21:19

A nye meddi ki ’bi i merete lo kiko, a iti nyin, a nye gwe a ko ryö nene ŋo kata ama ka ’de koropo. A nye kulyani ko ŋilu ki ’bi adi, Ti do gwe ti radan ludweki köti kwöŋ! A ’de ’de ki ’bi lo teteyone teteyon.

Matayo 21:21

A Yesu waddi lepeŋat adi, ’Diri nan takiŋdya ta adi ko ta gwon ko yupet a tine dyadya ’yu, a ta mo bulöni bulö koŋdya ŋo nagon aje konaki ŋilu ki ’bi na, ama bia parik ko ta kulya ko lo mere adi, Gwunyu mugun kaŋo ko gubara mugun i tör, a kine ŋo mo konani kona.

Konesi 13:1

A ŋutu lo momora a kanisa Antlokia yu kulu gwe kata ko nebijin se ko katodinök ti kulyaet lo Ŋun, logon a ko Barnaba, ko Simeona (logon köti karin a Niger,) ko Lukio Kurenetyo, ko Manaen (logon wowoa ko Erode kasaranit i pirit na geleŋ lo), se ko Saula.

Roma 11:25

Luŋasirik kwe, lwönö kata nagon nan ’de ’dekan ta deden, anyen teŋgu ta i bu ’ya na ’börik. Kine lwönö kweja adi swöt lo kötumit na Yisaraele töilyet kase a togolo ti ’bön yiŋga, a se mo yeŋe gwon sonu tojo ko ŋutu ti jurön liŋ a lupe i teŋ kata,

Roma 15:14

Luŋasirik kwe, nan ko mugun nio a den ’bura adi ta a jore ko ’busan, ko a jore ko denesi liŋ, a ta bulöni bulö todiŋdyö ’börik.

Roma 16:25

Nyena ti bulet gwe ko Ŋun logon bubulö tiŋdu ta i gwo ’dan go i Loŋe Lo ’but logon nan a jakin ta lo, iŋkoi, anyen gwo ’dan go i todinesi nagon nan a tokukin ta i kulya ti Yesu Kristo kine. Ŋilo Loŋe Lo ’but a ŋo nagon a lwön logon köju a ’beron ’dela adi mit,

1 Korinto 11:4

Nyenagon ko lele ŋuro kwakwaddu kode tokujö ko kwe nanyit a mukö, lepeŋ lauŋdya kwe lonyit,

1 Korinto 12:28

Nyena i kanisa, Ŋun a tiŋdu luyökie a togeleŋ, a tomurek gwe a nebijin katokuök, a tomusala gwe a katodinök ti Kulyaet lo Ŋun, a kirut gwe a kakonak ti sörösi, a gwe a ŋutu logon a tiki riŋitön tolikesi ti ŋutu, a gwe a se logon parakiŋdya kulye ŋutu, a gwe a ŋutu logon bubulö meddya kitajin, a gwe a ŋutu logon jambu ko kutuk na gwon ka ’de.

1 Korinto 13:1

Ma ’di ko nan jambu ko kutusen ti ŋutu kode ti malaikajin, ama ko nan ’bayin a kanyaranit, a nan gwe gwoso luputöt lo woŋon parik kode gwoso re na jujulö adi gwaŋ gwaŋ.

1 Korinto 13:3

A ko nan a ’dogga ko ŋo kwe liŋ, a tiŋdi mugun i ’yura a rubaŋga, ama Iro nan ’bayin a kanyaranit, a nan tine ryö ’bulit kwöŋ.

1 Korinto 13:8

Nyaŋu ti ’duddyö kwöŋ. Ko tokujö kata, a mo ’bakani ’baka; a ko jambu ko kutusen nagon ka ’de kata, a mo ’duddye ’duddyö; a ko deŋdya na kulya kata, a mo liki likin.

1 Korinto 14:29

Ti ŋutu murek kode musala logon a wuju kulya ko Ŋun kulo jambi jambu, a kulye kulo leru lilija kulya na jama kune.

1 Korinto 14:39

Nyenagon luŋasirik kwe, be ’yi ta tuggö na kulya nagon Ŋun a jamakin ta kune, a ti ta gwe ti teŋgu ŋutu i jambu ko kutusen nagon ka ’de kune;

1 Korinto 14:4

Ŋuto logon jambu ko kutuk nagon ka ’de lo gweyuŋdya mugun ki, ama nyelogon tuggö kulya nagon Ŋun a jamakin lepeŋ kune gweyuŋdya kanisa ki.

1 Korinto 15:51

Yiŋge ta, nan takiŋdya ta kulya nagon a lwönö, adi yi liŋ mo ti twatwa, ama mugunya kaŋ liŋ mo lölöpukö a gwe ka ’de.

1 Korinto 16:22

Ko lele ŋuto ti nyaŋu Matat likaŋ ti Ŋun lömi löm lepeŋ. Marana tila!—kweja adi, Poŋdi Matat likaŋ!

1 Korinto 4:1

Nyena ta ködyö yeye yi adi yi a kölipönök ti Kristo. Ŋun aje wulun yi i tiju na lwönö kanyit ti Ŋun.

1 Korinto 7:19

Kogwon ko Ŋuto a tawero ’bayin a nene ŋo, köti ko ŋuto a ko tawero ’bayin a nene ŋo, ama ŋo geleŋ tuŋ a ’debba na saresi ti Ŋun.

1 Korinto 8:4

Nyena i kulya ti nyesu na kinyojin lo wuki nyömuejin, yi deden adi nyomue ’diri ti gwon jorun, tuŋ yi deŋdya adi kulye ŋunyen ’bayin, ama ŋun kata geleŋ.

2 Korinto 12:11

Nan a lu ’böŋ! Ama ta lo ri ’dikindya nan i ŋina tu ’böŋön, kogwon ta ködyö lo pupurja nan. Kogwon nan ’bayin a lo ’dit kwöŋ i kilo luyökie temejik, ma ’di nagon nan ’bayin a nene ŋo.

Galatia 5:16

Ama nan kulya adi, Ko ta wörö ko Mulökötyo Loke a kirut ta mo tine toyimönöju ’dekesi kasu ti mugunya ti na kak kune.

Galatia 5:22

Ama ludweki ti Mulokotyo ko ŋuto i toili gwon a nyaŋu, lyoŋon, gwon taliŋ, ŋoŋga taliŋ, gwon a lo ’but ko ŋutu, ’busan, yubbo na yeyeŋon,

Galatia 6:3

Kogwon ko lele ŋuto yeyeju adi nye a duma kudyakan nye a ŋo kana, lepeŋ mumulugga mugun.

Epeso 3:4

Ko ta a ken kulyaesi kwe, ta bubulö deŋdya adi nan kukurun ŋina lwön na Kristo.

Epeso 6:19

Koti momo ’yi ta i kulya kwe, anyen Ŋun böŋö tiŋdu nan i jambu na kulyaesi lotolokok, anyen nan gwon ko topurwan i tiŋdu na Iwono ti Loŋe Lo ’but i dena.

Kolosai 1:26

Ŋilo kulyaet lonyit köju a Iwon a ko dena i diŋitan ti ’beron i kiyukan ti merenyejin kaŋ, ama soŋinana aje kweki Ŋutu kanyit.

1 Timoteo 3:16

Kulya ti keri likaŋ lo Ŋun ’diri a nagululök parik adi, Lepeŋ a kweya a ŋuto, a Mulökötyo Loke iŋge kweja lepeŋ a lo rigwo, a malaikajin iŋge met lepeŋ, a kulya kanyit tokuöjine i juron kiden, iŋge yupo i kak ’bukuluŋ, a lepeŋ ’depajine ki i bula.

1 Yoane 4:8

Ŋuto logon ti nyaŋu lo a ko den Ŋun, kogwon Ŋun lo gwon a nyaŋu.