Tushimpi 9:6 - Baibo Busansulushi Bwa Libuku Ili

⁶ Amuleke nshila shanu shakubula maano ayi mube abuumi. Amweendele munshila ya maano akunyumfwisha shintu.

Tushimpi 9:6 ပူးပေါင်းရင်းမြစ်များ

Kulumbaisha 119:115

Amuntalamuke mwebo nobamucita shibi kwaamba ayi nkonkele milawo yakwe Lesa wangu.

Kulumbaisha 45:10

Nobanabwiinga ba kubwalo, amukutike alimwi munyumfwishishe. Bulya ono amulube bene mishaanu pantu pomwi abeshikamukowa banu.

Tushimpi 10:17

Muntu woonse unyumfwila kululikwa ulaba abuumi, sombi uyo utasumini ayi ulilubite, ulasoweka.

Tushimpi 13:20

Muntu weenda abasongo alakwe ulaba musongo, sombi shimweenda aumineme alakwe ulaminama.

Tushimpi 23:19

Kutika omwanaangu ube musongo. Ensha buumi bwako munshila iluleme.

Tushimpi 4:11

Ndakutanjilila munshila sha busongo akukwiisha nshila shiluleme shakwikalilamo.

Tushimpi 8:35

Aboobo uyo woonse ucana ndime, ulacana buumi, Mwaami Lesa alakwe ulaakumupa shoolwe.

Tushimpi 9:11

Nshiku shako shilaakufula kwiinda muli ndime ayalo myaaka ilaakunungwaako kubuumi bwako.

Esekelo 11:20

Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Luka 13:24

“Amweeleshe cankusu kwinjila pamulyango ushaankene mukwiinga ntoomwaambila ayi bantu baanji balaakweelesha kwinjila, sombi teshi bakacikoonshe.

Milimo ya Batumwi 2:40

Pita wakatolelela kubaambila maswi amwi aanji akubacenjeshaako kaamba ayi, “Amulipulushe kumapensho ayo eshi akacitikile bamucita shibi ba cecino ciindi!”

2 Bene Kolinto 6:17

Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

Ciyubululo 18:4

Mpomunyaawo ndakanyumfwa liswi limwi kuswa kwiculu lyakwaamba ayi, “Amusweemo nobantu bangu! Amuswe muli nguwe! Tamweelete kubisha pantu pomwi anguwe, alimwi tamweelete koomboloshekwa akupekwa mulandu mbuli nguwe!