Tushimpi 8:9 - Baibo Busansulushi Bwa Libuku Ili

⁹ Kubaabo bacite maano akunyumfwisha shintu, shintu shoonse shililuleme. Ncakwiila tashicitewo kampenda kubaabo bacite lushibo.

Tushimpi 8:9 ပူးပေါင်းရင်းမြစ်များ

Tushimpi 14:6

Shikucelebula ulalangoola busongo cakutabucanaawo, sombi bantu bacite maano akunyumfwisha shintu, balafwambaana kuba alushibo.

Tushimpi 15:14

Moyo wa musongo ulayandoola lushibo, sombi mulomo wa muluya ulayandoolabo shabuluya sheenka.

Tushimpi 15:24

Musongo uleenda munshila ya buumi itola kwiculu, kumukasha kweenda munshila iya panshi pamusena wa bafu.

Tushimpi 17:24

Muntu ucite maano akunyumfwisha shintu ulashinkamanabo kucita shabusongo, sombi muluya ulaya bupulumpuntabo cishi coonse.

Tushimpi 18:15

Moyo wa musongo ulisuni kwishiba shintu, amatwi asongo alakutika ayi anyumfwishe.

Tushimpi 3:13

Ulicite coolwe muntu uyo ucana busongo ee, muntu uba amaano akunyumfwisha shintu.

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Mika 2:7

Sa utooyeeya ayi bamulunyungu lwakwe Jakobo balishingenwe? Sa Mushimu wa Mwaami Lesa ulikalalite? Sa ncakwiila inga wacita cintu ca mushobo uyo? Sa taambi cankumbu kubaabo bacite nshila shiluleme?”

Joni 6:45

Cililembetwe muMalembo akwe Lesa akalemba balaluki bakulukulu ayi, ‘Bantu boonse balaakwiishikwa aLesa.’ Uyo woonse ukutika baTa akwiiya kuli mbabo, ulesa kuli ndime.

Joni 7:17

Aboobo uyo woonse usuni kucita buyanda Lesa, ulaakwishiba na kwiisha kwangu uku kulaswa kuli Lesa nabi kuli ndime nemwiine.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.