Tushimpi 8:7 - Baibo Busansulushi Bwa Libuku Ili

⁷ Nebo ndaambabo shalushinisho mukwiinga bubeshi ndibupatite abuumbi.

Tushimpi 8:7 ပူးပေါင်းရင်းမြစ်များ

Jobo 36:4

Nshintokwaambawo shabubeshi, sobwe. Webo shiba kwaamba ayi bulya uli amusongo mwiine mwiine.

Kulumbaisha 37:30

Mubandi wa muntu ululeme ngwa busongo alimwi lyoonse taaku ngwaanyengelela.

Tushimpi 12:22

Mwaami Lesa ulipatite milomo ibeca, sombi ulasangalalila mubantu baamba shalushinisho.

Tushimpi 16:12

Bamaami balipatite micito ibiibi ceebo bweendeleshi bulayuma kwiinda mubululami.

Tushimpi 29:27

Baluleme balipatite bantu batashomeki, abalo bamucita shibi balipatite bantu baluleme.

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 17:17

Amubasalashe alushinisho ayi babe bantu banu. Maswi anu ndolushinisho.

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

Joni 8:14

Jesu wakakumbula ayi, “Nakubi kwaamba ayi ntoolyaambilila nemwiine, bukamboni bwangu mbwalushinisho mukwiinga ndishiiko nkondakaswa alimwi ankootooya. Sombi mwebo tamwishiiko nkondakaswa ankoontooya.

Bene Loma 15:8

Mukwiinga ntoomulwiita ayi Klistu wakesa mukucafwa baJuda kwaamba ayi atondeshe kushomeka kwakwe Lesa. Mukucita boobo shoonse Lesa nshaakashomesha bamashali besu bakulukulu shakacitika cancinencine.

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.